05/11/2024
Вітаем!
У нас для вас добрая навіна - і калі вы ўжо заўзяты аматар акадэмічнай музыкі, і калі толькі робіце першыя крокі, і нават (і асабліва) калі крышку баіцеся яе, абыходзіце бокам, а часам і наогул лічыце, што гэта не для вас.
Нарэшце мы запускаем офлайн цыкл музычных сустрэчаў у Варшаве.
І 9 лістапада, а 19 гадзіне запрашаем вас у Staromiejski Dom Kultury на першае спатканне са светам класікі.
Тут вы зможаце пачувацца бяспечна і наўпрост задаць усе свае пытанні пра музыку прафесійнаму дырыжору - нават самыя недарэчныя - як, напрыклад, навошта ён увогуле патрэбны. Наш дырыжор Ivan Kostyakhin абяцае адказаць на ўсе, а таксама шчыра распавесці:
🎵Ці баяцца яго музыкі?
🎵Што будзе, калі дырыжор падчас канцэрту апусціць рукі?
🎵Ці магчыма наогул дырыжыраваць без рук?
🎵Колькі трэба вучыцца, каб стаць дырыжорам?
🎵Ці можа слухач паўплываць на музыку?
🎵Хто галоўны ў сімфоніі, у оперы і ў балеце?
🎵Ці складана зразумець акадэмічную "класічную" музыку?
🎵Хто з музыкаў трымае ў руках ключы ад часу і ад сэнсаў?
🎵Што такое "рэжысура праз музыку"?
Пра ўсё гэта мы адкрыта паразмаўляем падчас сустрэчы, а дапамагаць нам будуць Моцарт, Чайкоўскі, Брытан і Уорлак у выкананні струннага ансамбля з класных маладых музыкаў.
Уваход вольны - і фармат размовы таксама.
Будзе цёпла, шчыра, цікава і ненудна. Гэта мы абяцаем.