Qamar Abbas Gondal

01/12/2025

21/04/2025

جیویں دستور دنیا تے لیکے گئے ساتھوں انج آر زندگی گزاری نہ گئی
لوک جتنے وی کھوٹے تے کالے ملن ساتھوں نفرت دی دیوار اساری نہ گئی

نانگ ٹکرن میکوں یار دے روپ وچ خود کوں لیلیٰ میکوں مجنوں آہدے ریہے
اساں بجھدے ہاسے ساکوں احساس ہا کہیں مہابے کنوں چھوڑی یاری نہ گئی

دل تاں چاہندے مگر کجھ نئیں حاصل تھیا آپوں جانڑیں تاں ارمان مارن وڈے
خود غرضی تے مطلب دے بازار وچ ساڈے کولوں محبت کھلاری نہ گئی

بھیڑ بے وزنی ہے نفسا نفسی دے وچ دراصل وستیاں تے اجاڑ آندا پئے
لاوا نفرت دا پھٹسی ایں مخلوق تے بندیاں دی جیکر میں نہ ماری گئی

فرق و فرق ہن زمانے تے سوچاں دے بر کامیابی دی بئی بئی ہے تشریح اتھاں
کہیں نچایا اے زمانے کوں انگلیں اتے کہیں توں اپنی حیاتی سدھاری نہ گئی

چار ڈینہاں دا میلہ ہے زندگی تیڈی تیڈا کردار تیڈا اثاثہ اے اصل
موت ڈاڈھی وی یے تاں فقط شخص تے شخصیت تاں کہیں توں وی ہاری نہ گئی

تاہیں تاں ناکام رہے دوستی وچ قمر خود بخود دشمنی وچ اضافہ تھیا اے
ٹھیک کوں ٹھیک آکھا اے غلط کوں غلط نگوسانوی ایہا ہک بیماری نہ گئی

(قمر گوندل)

16/04/2025

توں ہانویں تاں رنگ سارے ہن ! سکھ ، چین ، سکون، آرام، ہن پئے

ساڈے حقے ہن ساڈے دارے ہن ، ساڈے گھر اچ دانڑیں عام ہن پئے

ساڈیاں جھوکاں ہن ساڈےبھانڑے ہن ذرمال تےخاص انعام ہن پئے

توں نئیں تاں قمر کائی شئے نئیں ،جڈاں ہانویں عہد تمام ہن پئے

آہ
آج ہمیں اپنے والد محترم سے بچھڑے سترہ سال گزر گئے ہیں دعا ہے کہ کریم رب ہمارے والد محترم کو کروٹ کروٹ جنت نصیب کرے آمین ثم آمین

14/04/2025

اَساں ہَستی کَنوں وَدھ کے ، گُزارے ڈھیر کِیتے ہِن
کوئی کَہیں دا وی لَگدا نِئیں ، نَتارے ڈھیر کِیتے ہِن

جِڈوں پِھر کے وی آئے ہائیں اُڈاہوں نفرت دی بِھا ٹَکری
اے سائیاں موئِی ساڈے سِر ہے ، کِنارے ڈھیر کِیتے ہِن

نہ ڈے کوئی نَواں لارا ، مَسیں بِیمار سَنبھلے ہِن
اَساں پہلے محبت اِچ ، خَسارے ڈھیر کِیتے ہِن

عُمر دے آخری پَہر اِچ ، اَساں شاید گُزردے پئیوں
تیڈا جادُو نئِیں تَرُٹ سگیا ، اُتارے ڈھیر کِیتے ہِن

میں وی انسان ہاں آخر ، کوئی مٹی دی کَندھ تاں نہ
بِیا نِئیں ہُنڑ صَبر تِھیندا ، سَہارے ڈھیر کِیتے ہِن

قٓمر اے حافظہ ساڈا ،۔ بیا جیونڑ نہ ڈیسی ہنڑ
اَکھیں دی بئی طَلب کائنِی ،۔ نَظارے ڈھیر کِیتے ہِن

( قمر گوندل)

12/04/2025

جان چھٹ پئی زندگی توں جیندیاں زندان ھا
بہوں گناہ گاراں تے جیویں حشر دا میدان ھا

من دےاندرحسرتاں دے بجھ گئے ہن کل چراغ
مر کے ڈیکھوں دوستاں کوں آخری ارمان ھا

چار مرداں یا نکیراں نال تھیسی گفتگو
کلہی قبر ، گھر میڈا ویران قبرستان ھا

بال بکھے میڈے اللہ روٹی منگدے راہے گئے
معاف کر سجدے قضا روزی دو ایڈا دھیان ھا

تکلیف ساڈی ڈیکھ کے کھلدا ہا تاڑی مار کے
اللہ جانڑے او بشر اج آپ کیوں پریشان ھا

کتنا ظالم ہے زمانہ جیندیاں دی نئیں خبر
مر ونجنڑ توں بعد آھدن بہوں عظیم انسان ھا

ناں قمر دا ویچ کے دنیا کتھائیں پہنچ گئی
اج تاں او وی بادشاہ ہے کل جہڑا دربان ھا

10/04/2025

مکسی اے بھلا کیویں وڈا اوکھا ہے سفر

کے بنڑسی غریباں دا ، تیڈے بعد قمر

اے اجل نال تیڈے ، ڈس کیویں ٹرا گئے

او شخص جہڑا جیونڑ دے سیکھیندا ہا ہنر

( قمر گوندل)

10/04/2025