سویرا ویلفیر سوسائٹی قصبہ کریالی

13/02/2026

15/07/2025

خراجِ عقیدت
مرحوم ماسٹر منور کنیالؒ کے لیے

کچھ لوگ بظاہر خاموش ہوتے ہیں،
مگر ان کے وجود کی گونج صدیوں تک سنی جاتی ہے۔
ماسٹر منور کنیالؒ انہی لوگوں میں سے ایک تھے،
سادہ مزاج، مگر غیر معمولی ہمت کا پیکر۔

جب سڑکیں کھڈوں سے بھر گئیں،
جب گلیوں نے بگاڑ کا منہ چڑھایا،
جب عوام کے لیے راستے تکلیف دہ ہو گئے،
تب یہ مردِ خالص اپنی مدد آپ کے تحت اٹھا،
کسی حکومتی فنڈ، کسی سرکاری سہولت کے بغیر
اپنے ہاتھوں سے، اپنی جیب سے،
عوام کی خاطر وہ کچھ کرتا چلا گیا
جو اکثر لوگ صرف دعووں میں کرتے ہیں۔

یہ کوئی مہم نہیں تھی،
یہ اُس کے ضمیر کا وہ شور تھا
جو اُسے چین سے بیٹھنے نہ دیتا تھا۔
جہاں تکلیف نظر آتی،
وہ درد بانٹنے نکل کھڑا ہوتا۔

اس کے ہاتھوں میں مشین نہیں،
نہ کوئی اختیار، نہ کوئی طاقت،
مگر دل ایسا کہ پوری بستی کی دعا لے جائے،
جسم میں تھکن، مگر جذبے میں روشنی۔

وہ نہ سیاستدان تھا، نہ افسر،
مگر خدمت کی معراج پر بیٹھا تھا۔
خاموشی سے آتا، کام کرتا،
اور چلا جاتا،
نہ تصویریں، نہ چرچے، نہ صلے۔

آج وہ چلا گیا،
اور پیچھے وہ گلیاں، وہ رستے،
اور وہ سادہ لوگ
خاموشی سے رو رہے ہیں۔

ماسٹر منور کنیالؒ،
آپ صرف ایک فرد نہ تھے،
آپ اس معاشرے کا آئینہ تھے،
وہ آئینہ جس میں ہم نے
سچی خدمت، خالص ہمدردی،
اور بےلوث محنت کا عکس دیکھا۔
اللّٰہ تعالیٰ آپ کو جنت الفردوس میں اعلیٰ مقام عطا فرمائے،
آپ کے درجات بلند ہوں،
اور ہمیں وہ آنکھ دے جو ایسے عظیم انسانوں کو پہچان سکے۔

آمین یا رب العالمین 🤲🏻