23/09/2026
ڈیرہ غازی خان( رپورٹ 64 نیوز ایچ ڈی پلس)
شادن لنڈ کی لاوارث بیٹی کی سردار دوست محمد خان کھوسہ سے انصاف کی اپیل
کوئی سردار ساتھ نہیں دے رہا، مظلوم بیٹی کی سابق وزیر اعلیٰ پنجاب سے فریاد۔
شادن لنڈ (ڈیرہ غازی خان) شادن لنڈ کی ایک لاوارث اور مظلوم بیٹی نے سابق وزیر اعلیٰ پنجاب و رہنما پاکستان پیپلز پارٹی سردار دوست محمد خان کھوسہ سے انصاف دلوانے کی اپیل کر دی۔
مظلوم بیٹی کے مطابق اس کا باپ بے گناہ اور ناجائز طور پر جیل میں قید ہے جبکہ اس کے بھائی کو تشدد کر کے معذور کر دیا گیا ہے۔ وہ اپنے خاندان کے ساتھ انصاف کے لیے در بدر کی ٹھوکریں کھانے پر مجبور ہے۔
بیٹی کا کہنا ہے کہ وہ شادن لنڈ کے تمام سرداروں کے پاس انصاف کے لیے گئی لیکن کسی نے بھی اس غریب اور لاوارث خاندان کا ساتھ نہیں دیا۔ بااثر افراد کی وجہ سے ان کی کہیں شنوائی نہیں ہو رہی۔
مظلوم بیٹی نے سردار دوست محمد خان کھوسہ جو کہ ہمیشہ مظلوموں کی آواز بنے ہیں، سے پرزور اپیل کی ہے کہ وہ اس معاملے کا ذاتی طور پر نوٹس لیں، اس کے باپ کو ناجائز قید سے رہائی دلوائیں اور اس خاندان کو انصاف فراہم کریں۔
اہل علاقہ نے بھی سردار دوست محمد خان کھوسہ سے مطالبہ کیا ہے کہ اس لاوارث بیٹی کی فریاد سنی جائے۔
