Kotehra Dharty

06/08/2026

28/07/2026

الحمدللہ

حیدری ویلفیئر کی جانب سے تمام معزز احباب کو اطلاع دی جاتی ہے کہ ویلفیئر کی جانب سے نصب کیا گیا پانی کا کولر گزشتہ دو دن سے فنی خرابی کے باعث ٹھنڈا پانی فراہم نہیں کر رہا تھا، جس کی وجہ سے راہگیروں اور دیگر مستفید ہونے والے افراد کو کچھ دشواری کا سامنا کرنا پڑا۔

صورتحال کا فوری نوٹس لیتے ہوئے الیکٹریکل ٹیم کو طلب کیا گیا، جنہوں نے کولر کا مکمل معائنہ کر کے خرابی کو کامیابی سے دور کر دیا ہے۔ الحمدللہ، اب کولر دوبارہ مکمل طور پر درست حالت میں کام کر رہا ہے اور ٹھنڈا پانی فراہم کر رہا ہے۔

حیدری ویلفیئر ہمیشہ عوامی سہولیات کی بروقت دیکھ بھال اور بہتر خدمات کی فراہمی کے لیے کوشاں ہے۔ تمام احباب کے تعاون، صبر اور اعتماد کا دل کی گہرائیوں سے شکریہ۔

اللہ تعالیٰ ہم سب کو خدمتِ خلق کی توفیق عطا فرمائے۔ آمین۔

26/07/2026

نمازِ جنازہ کل 27 جولائی بروز سوموار صبح 8 بجے سیدو والی بن پہ ادا کی جائے گی۔۔

24/07/2026

مبارک باد اور نیک تمنائیں

ہمارے قابلِ احترام استادِ محترم نوید عالم ملک صاحب، جو گزشتہ عرصے سے محمودوالہ میں اپنی تدریسی خدمات انجام دے رہے تھے، انہیں محکمۂ تعلیم کی جانب سے ان کے آبائی گاؤں کوٹیڑہ میں گورنمنٹ ہائر سیکنڈری اسکول میں تعینات کر دیا گیا ہے۔

ہم دل کی گہرائیوں سے انہیں اس تقرری پر مبارک باد پیش کرتے ہیں اور دعا گو ہیں کہ وہ اپنی محنت، خلوص اور بہترین صلاحیتوں کے ذریعے اپنے گاؤں کے بچوں کو معیاری تعلیم فراہم کریں، اور اس ادارے کو ترقی کی نئی بلندیوں تک پہنچائیں اور علاقے کے لیے ایک روشن مثال ثابت ہوں۔

اللہ تعالیٰ انہیں صحت، کامیابی اور مزید عزت و وقار عطا فرمائے۔ آمین۔

21/07/2026

جہاں دنیا چاند پر پہنچ گئی، وہاں ہمارا گاؤں پانی جیسی بنیادی ضرورت سے محروم!

آج کا دور ٹیکنالوجی، جدت اور ترقی کا دور کہلاتا ہے جہاں ناممکن کو بھی ممکن بنایا جا رہا ہے۔ لیکن افسوسناک امر یہ ہے کہ اس ترقی یافتہ دور میں بھی ہمارا گاؤں کوٹیڑہ پانی جیسی بنیادی اور لازمی سہولت سے یکسر محروم ہے۔

ہمارے گاؤں میں واٹر سپلائی کا سسٹم تو قائم کر دیا گیا ہے، لیکن انتظامیہ کی عدم توجہی اور غفلت کی وجہ سے یہ منصوبہ گزشتہ کئی سالوں سے مکمل طور پر معطل اور بیکار پڑا ہے۔ لاکھ دعوؤں اور وعدوں کے باوجود گاؤں کے عوام پینے کے صاف پانی کے ایک ایک قطرے کو ترس رہے ہیں۔

پانی صرف ایک سہولت نہیں بلکہ زندگی کی بقا کی بنیادی شرط ہے!

ہم اعلٰی حکام اور متعلقہ انتظامیہ سے شدید احتجاج کرتے ہوئے یہ مطالبہ کرتے ہیں کہ اس مسئلے کا فوری نوٹس لیا جائے اور واٹر سپلائی اسکیم کو جلد از جلد بحال کر کے گاؤں کے حصّے کی بنیادی سہولت فراہم کی جائے۔

آئیں! اس آواز کو متعلقہ حکام تک پہنچانے کے لیے اس پوسٹ کو زیادہ سے زیادہ شیئر کریں۔