16/05/2025
میری بکری گبن ہے یا خالی؟ گبن بکری کی 9 نشانیاں ✅🐐📣
Goat pregnancy signs:
میرے پیارے فارمر بھائیوں گوٹ فارمنگ میں سب سے زیادہ خوشی تب ہوتی ہے جب اپکی بکری بچے دیتی ہے۔ اور اس کے لئے بکری کا گبن ہونا ضروری ہے لیکن اکثر دوست جب بکری خریدتے ہیں ان کو یہ کہا جاتا ہے کہ بکری گبن ہے اور کچھ دن کے بعد جب پتا چلتا ہے کہ بکری تو خالی ہے اس وقت بہت مایوسی ہوتی ہے اسی طرح جب آپ بکری پالتے ہیں اور وہ کراس ہو جاتی ہے تو آپ کو یہ فکر ستاتی ہے۔۔۔۔ کہ میری بکری گبن ہے یا نہیں ؟ اس لئے آج ہم آپ کو بتائیں گے کہ بکری کے کراس ہونے کے بعد اگر وہ گبن ٹھہر جاتی ہے تو اس میں کیا تبدیلیاں دیکھی جا سکتی ہیں جن سے آپ کو یہ پتا لگانے میں آسانی ہو جائے گی کہ آپ کی بکری گبن ہے یا خالی۔
کراس ہونے کے بعد تیسرے مہینے تک :
1- بکری کا ہیٹ پر واپس نہ آنا
بکری ہر 18 سے 22 دن میں ہیٹ پر آتی ہے اگر بکری کراس ہونے کے بعد دوبارہ ہیٹ پر نہیں آتی تو امید ہے وہ ٹھہر گئی ہے۔
2- بکری کی خوراک
بکری اگر گبن ہو جائے تو اس کی خوراک کی ضرورت بڑھ جاتی ہے راؤ صاحب کیٹل اس لئے اپنی بکری کو کراس کرانے کے بعد دوسرے مہینے میں دیکھیں تو آپ کو پتا چلے گا کہ اس کی بھوک میں خاطر خواہ اضافہ ہو چکا ہے اور وہ پہلے سے زیادہ خوراک کھانا شروع ہو چکی ہے ۔
3- بکری کی کھال
اگر بکری گبن ہو جائے تو اس کی کھال اور بالوں میں دوسرے مہینے سے ہی تبدیلی دیکھی جا سکتی ہے آپ دیکھیں گے کہ بکری کی کھال میں چمک پیدہ ہو چکی ہے اور وہ پہلے سے زیادہ صاف اور چمکدار نظر آے گی۔
4- بکری کے پیٹ کا نچلا حصہ کی ساخت
بکری کراس ہونے کے دوسرے تیسرے ہفتےسے ہی اگر وہ ٹھہر جائےتو اس کے پیٹ کا نچلا حصہ جو تھنوں سے اگے ہوتا ہے سخت ہونا شروع ہو جاتا ہے راؤ صاحب کیٹل اگر آپ دونوں ہاتھوں سے اس کو اوپر کی طرف اٹھائیں تو آپ با آسانی اسکی سختی کو محسوس کر سکتے ہیں جبکہ خالی بکری کا پیٹ اس کے برعکس نرم محسوس ہوتا ہے ۔ اسی کے ساتھ بکری کی پیشاب والی جگہ پر سوجن بھی دیکھی جا سکتی ہے جو خالی بکری میں انہی ہوتی۔
5- بکری کا برتاؤ
جب بکری گبن ہو جاتی ہے تو اس کے برتاؤ Behaviour میں بھی 15 سے 20 دن میں تبدیلی آنی شروع ہو جاتی ہے اس کی ایک وجہ اس کے اندر بنے والےہارمون Progesterone کی زیادتی ہے جو بکری کے گبن ہونے کے بعد تیزی سے بنتا ہے۔ راؤ صاحب کیٹل آپ دیکھ سکتے ہیں کے بکری پہلے کے مقابلے میں کافی سکون میں آ گئی ہے اور زیادہ اچھل کود نہیں کرتی اس کے علاوہ آپ کے قریب آے گی اور انسیت کا اظہار کرے گی۔ باقی بکریوں سے ذرا الگ رہنا پسند کرے گی۔
6- دودھ کم کرنا
جب بکری گبن ہو جاتی ہے تو اس کا دودھ آہستہ آہستہ کم ہونا شروع ہو جاتا ہے راؤ صاحب کیٹل اورتقریبن تیسرے مہینے تک بلکل خشک ہو جاتا ہے بعض بکریاں اس کے بعد بھی دودھ دیتی رہتی ہیں ایسی بکریوں کا دودھ 120 دن کے بعد کھسک کرا دینا چاہیے۔
تیسرے مہینے کے بعد :
7-جسمانی تبدیلی
جب بکری تین مہینے ک گبن ہو جاتی ہے تو اس کا پیٹ بھی بڑھا ہوا نظر آنا شروع ہو جاتا ہے خاص طور پر نیچے کی طرف سے اور جیسے جیسے وقت گزرتا ہے اس کا پیٹ سیدھی طرف سے باھر نکلتا ہوا نظر آنے لگتا ہے۔اور اگر بچے ایک سے زیادہ ہوں تو دونو طرف سے پیٹ باہر نکلا ہوا نظر آتا ہے۔
8- بچوں کی حرکت
جب بکری ساڑھے تین مہینے کی گبن ہو جاتی ہے اگر آپ اس کے پیٹ کی سیدھی طرف ہلکے سے دبائیں گے تو آپ بچوں کی حرکت کو محسوس کر سکتے ہیں راؤ صاحب کیٹل اگر ایک بچہ ہے تو ذرا مشکل سے پتا لگے گا لیکن اگر ایک سے زیادہ ہیں تو آسانی سے پتا چل جاتا ہے گا۔
9- بکری کا ہوانا
اگر بکری پہلی دفع گبن ہوئی ہے تو پہلے مہینے سے ہی اس کا ہوانا آہستہ آہستہ تبدیل ہونا شروع ہو جاتا ہے اور آخری مہینے تک تیار ہی جاتا ہے۔ اور اگر بکری دوسری دفع بچے دے رہی ہو تو آخری مہینے میں ہوانا بناتی ہے اور بعض بکریاں 15 دن یا صرف ایک ہفتہ پہلے۔
امید کرتا ہوں ان تمام نشانیوں کو دیکھ کر آپ بخوبی اندازہ کر سکتے ہیں کہ آپ کی بکری گبن ہے یا نہیں۔
اس پوسٹ کو دوسروں سے share کریں اور ہمارے پیج کو فولو کریں تاکہ مزید معلوماتی پوسٹ آپ تک پہنچ سکیں اللّه پاک ہم سب پر اپنا رحم و کرم کریں آمین۔۔۔۔راؤ عمران
