03/06/2026
پاکستان کرکٹ بورڈ (پی سی بی) نے پاکستان کرکٹ کے سب سے معروف اور پرجوش سپورٹر "چاچا کرکٹ" کو خراجِ تحسین پیش کرتے ہوئے ان کی برسوں پر محیط وابستگی، محبت اور وفاداری کو سراہا ہے۔
پی سی بی نے اپنے پیغام میں کہا کہ چاچا کرکٹ محض ایک شائق نہیں بلکہ پاکستان کرکٹ کی غیر متزلزل حمایت کی علامت ہیں، جنہوں نے ہر دور میں قومی ٹیم کا جوش و جذبے کے ساتھ ساتھ دیا۔
بورڈ نے کہا کہ چاچا کرکٹ کی محبت، یادگار لمحات اور پاکستان کرکٹ سے وفاداری ہمیشہ شائقین کے دلوں میں زندہ رہے گی۔
پاکستانی کرکٹ کے مداحوں کی جانب سے بھی چاچا کرکٹ کی خدمات اور جذبے کو خراجِ عقیدت پیش کیا جا رہا ہے، جنہیں برسوں سے قومی ٹیم کا سب سے پہچانا جانے والا سپورٹر سمجھا جاتا ہے۔
