22/11/2024
وہ ملاکہ کی سب سے خوبصورت شہزادی تھی ۔
اتنی سحر انگیز کہ اس کے سامنے چاندسورج شرما جائیں۔
وہ جب محل کی بارہ دریوں میں چلتی تھی تو لوگوں کی گردنیں جھک جاتی تھیں۔
جب دربار میں آتی تو درباری، وزرا اور غیر ملکی سفیر بے اختیار کھڑے ہو جاتے تھے۔۔۔
وہ بولتی تھی تو سلطان بھی دم سادھے اس کو سنا کرتا تھا
وہ بہت سی زبانیں بول سکتی تھی ۔
تیر اندازی ‘ تلوار زنی ‘ گھڑ سواری ۔۔نیزہ بازی۔۔ وہ سب جانتی تھی ۔
وہ لکھ پڑھ بھی سکتی تھی ۔ رقص اور دوسرے فنونِ لطیفہ سے واقف تھی ۔
چین اور ملاکہ کا کوئی ایسا کھانا نہ تھا جو شہزادی تاشہ پکا نہ سکے ۔ کوئی ایسا ٹانکا نہ تھا جس کو وہ کاڑھ نہ سکے۔
وہ حرم کی نگران تھی ۔۔۔ بندہارا کی سب سے قابل اعتماد مشیر ۔ وہ سیاست کے داؤ پیچ سے بھی واقف تھی‘ غرض کیا تھا جو راجہ کی بیٹی کو نہیں آتا تھا؟
اسی لئے اس کو تاشہ پَسونا کہا جاتا تھا ۔
پَسونا یعنی enchantress۔
ساحرہ ....جادوگرنی
