Zain Jafri زین جعفری

27/06/2026

فرقوں میں بٹ گئے ہیں تہَتّر یہ کلمہ گو۔
حق پر مگر وہ ہے جو بَہتّر کے ساتھ ہے۔
✍️ زین جعفری
Watch Complete:
https://www.youtube.com/watch?v=SBCdF3tV7jg

24/06/2026

حیات و موت کا مطلب بدل گیا شاید۔
وہ مر گئے ہیں جو خنجر چلانے والے ہیں۔
✍️ زین جعفری

23/06/2026

ایک تازہ سلام

اگر حسینؑ کا ماتم بپا نہیں ہوتا
تو قاتلوں کا کسی کو پتا نہیں ہوتا

رہِ خدا میں اگر سر نہیں کٹاتے حسینؑ
خدا تو ہوتا پہ دینِ خدا نہیں ہوتا

انہیں عزیز خدا کی رضائیں تھیں، ورنہ
بس اُن کے ایک اشارے سے کیا نہیں ہوتا

غلامِ حضرتِ عباسؑ کچھ بھی ہو چاہے
یہ بات طے ہے کبھی بے وفا نہیں ہوتا

حیات بانٹ رہے ہیں حسینؑ آج تلک
یہ کون کہتا ہے اب معجزہ نہیں ہوتا

اگر امام حرم چھوڑ کر چلا جائے
نہیں کسی کا بھی پھر حج ادا نہیں ہوتا

حسین والے ہی للکارتے ہیں باطل کو
زمانے والوں میں یہ حوصلہ نہیں ہوتا

ہیں بابِ علم سے منسوب اس زمیں والے۔
تو رہبروں کا یہاں پر خلا نہیں ہوتا۔

امیر ہو کے بھی کتنے غریب ہیں وہ، زین
کہ جن سے اجرِ رسالت ادا نہیں ہوتا

✍️ زین جعفری

22/06/2026

دیا بجھا کے شہِ دیںؑ جلانے والے ہیں
گیا تو کوئی نہیں ہے، حُرؑ آنے والے ہیں

زین جعفری ✍🏻

22/06/2026

12/06/2026

قسمت، نصیب، بخت نہ تقدیر چاہیے
سو بات کی یہ بات ہے شبیرؑ چاہیے 🌹

زین جعفری ✍🏻

09/06/2026

✨🌹عیدِ مباہلہ مبارک🌹✨

وہ بولے لب پہ یہ ہر دم علیؑ علیؑ کیا ہے؟
میں بولا یہ نہ اگر ہو تو زندگی کیا ہے؟

پڑھے تھے حضرتِ آدمؑ نے پنجتنؑ کے نام
جو پنجتنؑ کو نہ جانے وہ آدمی کیا ہے۔

زین جعفری ✍🏻

05/06/2026

🌸💗ایک تازہ غدیر کلام سے منتخب اشعار💗🌸

کیا علیؑ کا مطلب ہے لوگ جان جائیں گے
جب علیؑ کو ہاتھوں پر مصطفیٰؐ اُٹھائیں گے

آپ سے نہیں پوچھا آپ تو چھُپائیں گے
کیا ہے معنیِ مولا، یہ نبیؐ بتائیں گے

ہم خوشی سے مانیں گے انتخاب کو رب کے
آپ لوگ ناموں کی پرچیاں اُٹھائیں گے

طالبانِ دنیا کے دل ضرور بیٹھیں گے
کرسیِ خلافت پر جب امامؑ آئیں گے

آپ گر ہیں محوِ غم معترض نہیں ہیں ہم
عید ہے ہماری تو، ہم خوشی منائیں گے

ہم سے راستے پوچھیں اور پھر بڑھیں ورنہ
آبنائے ہرمز میں آپ ڈوب جائیں گے

قاتلانِ رہبر سب ڈر سے کانپ جائیں گے
دیکھنا جنازے میں اتنے لوگ آئیں گے

جسم و جان پر اپنے اختیار ہے اُن کا
زین، مرضیاں اپنی ہم نہیں چلائیں گے

✍️ زین جعفری

03/06/2026

مسکرانے کی گھڑی آئی ہے، آئی ہے غدیر۔
قلبِ مومن کے لئے راحتیں لائی ہے غدیر۔
میں بتاتا ہوں تمہیں کیا میرے بھائی ہے غدیر۔
ابو طالب کی وفاؤں کی کمائی ہے غدیر۔
دشمنِ دین کا نقصان ہوا آج کے دن۔
کون مولا ہے، یہ اعلان ہوا آج کے دن۔

30/05/2026

✨🌸غدیر کے دن🌸✨

اک آسمان سے پتھر گرا غدیر کے دن۔
عدو کو نقد ملی ہے سزا غدیر کے دن۔

نہیں پتا تو چلو میں تمہیں بتاتا ہوں۔
علیؑ کو مولا بنایا گیا غدیر کے دن۔

یہ فیصلہ ہے خدا کا، بشر کا دخل نہیں۔
یہ راز اہلِ نظر پر کھُلا غدیر کے دن۔

ملائکہ نے چراغاں کیےا غدیر کی رات۔
خوشی مناتے ہیں اہلِ ولا غدیر کے دن۔

شرابِ حبِ علیؑ سال بھر ہی پیتے ہیں۔
سُرور اور بھی آنے لگا غدیر کے دن۔

کوئی بتائے یہ امّت کے راویوں کو بھی۔
اُنہیں خبر ہی نہیں کیا ہوا غدیر کے دن۔

دعائیں دینے لگے زین اہلیانِ غدیر۔
نیا کلام جو میں نے پڑھا غدیر کے دن۔

✍🏻زین جعفری