https://www.facebook.com/1047979291734432/

carpenter Iqrar Ali Soomro, Hyderabad (2026)

05/06/2026

With Mehran Tv Entertainment – I just got recognized as one of their top fans! 🎉

05/06/2026

With Mohd Aamir – I just got recognized as one of their top fans! 🎉

03/06/2026

واھ پوڙهي! تنھنجا پوز
(اقرار مدھوش سومرو)
اڄڪلھ سوشل ميڊيا جو زمانو آھي اڳي پوڙهيون اماڻيون تسبيح کڻي ويھنديون ھيون، نياڻين کي نصيحتون ڏينديون ھيون ۽ گوڏن جي سور جون شڪايتون ڪنديون ھيون. پر ھاڻي زمانو بدلجي ويو آھي
جڏھن کان اي آءِ ۽ فلٽرن جو دور آيو آھي، تڏھن کان اسي اسي سالن جون پوڙهيون به اھڙا پوز ڏين ٿيون جو نوجوانن جون اکيون ڦاٽي وڃن ٿيون ڪنھن تصوير ۾ ڪنڌ تي ٽوپي، ڪنھن ۾ ڪاري عينڪ، ڪنھن ۾ گلن جو تاج ۽ ڪنھن ۾ اھڙو انداز جو ڄڻ فلم جي نئين ھيروئن ھجي!
ھڪڙي پوڙهيءَ جي تصوير ڏٺم، فلٽر اھڙو لڳل ھوس جو عمر اسي مان سڌي ارڙھن تي اچي بيٺي مون چيو، "اما! ھي اوھان آھيو يا اوھان جي پوٽي؟"
چيائين، "پٽ! ھي جديد ٽيڪنالاجي جو ڪمال آھي."
ھاڻي ته حالت اھا آھي جو ڪنھن جي تصوير ڏسي تعريف ڪجي ته پوءِ خبر پوي ٿي ته تصوير ۾ نظر ايندڙ گلابي ڳل اصل ۾ فلٽر جا آھن، نه ڪي جواني جا
ڪي پوڙهيون ته اھڙا پوز ڏين ٿيون جو ماڊل به حيران ٿي وڃن. ھڪڙي تصوير ۾ ھٿ چپ تي، ٻي ۾ اک اڌ بند، ٽين ۾ ڪنڌ ٽيھ درجا ٽيڙو. ڏسندڙ حيران ته ھي فوٽو سيشن آھي يا ڪنھن فلم جي شوٽنگ؟
باقي سچ پڇو ته عمر چاھي ڪيتري به ھجي، خوش رھڻ ۽ کلڻ مسڪرائڻ ھر انسان جو حق آھي. البت جڏھن فلٽر ۽ ايڊيٽنگ حقيقت کان گھڻو اڳتي نڪري وڃن ته پوءِ ڏسندڙ جي وات مان بي اختيار نڪري ٿو:
"واھ پوڙهي! تنھنجا پوز، ۽ واھ زماني جا نوان انداز!"