06/11/2025
ڈی پی او لوئر دیر، تیمور خان PSP
عوامِ لوئر دیر کے نام
پیغام
بحثیت ڈی پی او لوئر دیر، میں اس ضلع کو اپنا گھر سمجھتا ہوں۔ میرا مقصد صرف قانون نافذ کرنا نہیں، بلکہ ایک ایسا ماحول قائم کرنا ہے جہاں ہر شہری خود کو محفوظ، مطمئن اور باعزت محسوس کرے۔
میری ترجیح ہے کہ لوئر دیر کو ایک مثالی اور پرامن ضلع کے طور پر پیش کیا جائے۔ ایک ایسا ضلع جہاں امن، انصاف اور قانون کی بالادستی ہو۔
اس مقصد کے لیے پولیس پوری قوت کے ساتھ منشیات فروشوں، سود خوروں، فحاشی پھیلانے والوں، سمگلروں، قبضہ مافیا اور دیگر سماج دشمن عناصر کے خلاف کارروائیاں جاری رکھے ہوئے ہے۔
میری نظر میں لوئر دیر کا ہر شہری محترم ہے، لیکن جو لوگ معاشرے میں بگاڑ پیدا کر رہے ہیں، ان کے خلاف بلا امتیاز قانونی کارروائی کی جائے گی۔ ہم ایسے عناصر کو واضح پیغام دینا چاہتے ہیں کہ اب جرائم، بدامنی اور غیر قانونی سرگرمیوں کے لیے لوئر دیر میں کوئی جگہ نہیں۔
جہاں تک سوشل میڈیا پر بعض افراد کے حوالے سے فہرستوں یا ناموں کے شیئر ہونے کا تعلق ہے، مقصد صرف یہ ہے کہ ایسے برے عناصر کو پہچانا جائے، ان کی حوصلہ شکنی ہو، اور وہ یا تو اپنی سرگرمیاں ترک کریں یا قانون کے سامنے سرِتسلیم خم کریں۔
اگر کوئی باز نہیں آتا تو پولیس قانون کے مطابق سخت کارروائی کرے گی۔
عوام سے میری اپیل ہے کہ وہ پولیس کا ساتھ دیں، غلط کاموں کی نشاندہی کریں، اور اپنے بچوں کو منشیات و برائیوں سے دور رکھیں۔
ہم سب مل کر لوئر دیر کو امن، عزت اور ترقی کی مثال بنا سکتے ہیں۔
ان شاء اللہ، میری پوری کوشش ہوگی کہ میں لوئر دیر کے لوگوں کے لیے ایک محفوظ، پرامن اور روشن مستقبل چھوڑ کر جاؤں۔
یہ صرف میرا فرض نہیں، بلکہ میرا عزم ہے۔
