31/03/2026
غزل
اِے چَندر سَاکوں رَات دَا مَطلب تَاں ݙَسا...
صَلیبِ ہِجر دِے صَدمات دَا مَطلب تَاں ݙَسا
مُحبت جِیکر جُرم ہِے تَاں کِتھائیں ثابت کر؟
اِے تَخلیقِ کُل کَائنات دَا مَطلب تَاں ݙَسا
کِیوں مَنگدا پَائیں وَل وَل بَارش دِی دُعائیں
اِیں سَاوݨ دِی بَرسات دَا مَطلب تَاں ݙَسا
جِیکر پِیار نِہوی تَاں وَل کِیوں ݙِیندا رَہیں...
میݙے سِر دِے ݙِتے صَدقات دَا مَطلب تَاں ݙَسا
کِیوں مَنگدا پَئیں وَل وَل شِفا یَابی دِی دُعا
اِے رُورُو کِے مَناجَات دَا مَطلب تَاں ݙَسا
قُدرت تَاں مُحبت دَا دَرس ݙِیندی ہِے ہَمیشہ
قُرآن زُبور اِنجیل تُورات دَا مَطلب تَاں ݙَسا
لَوظاں دَا جُوڑ تُوڑ عُروض ہِے اِے شَاعری
"جُوہر" دِے ٻَس خِیالات دَا مَطلب تَاں ݙَسا
عبداللہ "جوہر"
