12/05/2026
دادو(ڊسٽرڪٽ رپورٽر نجم الدین لغاري ) دادو ۾ سخت گرمي وري بجلي جي اڻ اعلانيل لوڊشيڊنگ دادو شھر جي 5 لک آبادي جو جيئڻ جنجال ٿي ويو ، دادو شهر جي سمورن بجلي فيڊرن مٿان خرابي ڄاڻائي ڪيترائي ڪلاڪ بند رھي بس شھر جي خصوصي ماڻهن لاء خاص ايڪسپريس فيڊر هلڻ لڳو، خبر موجب دادو شهرين سان سيپڪو عملي جو ماٽيجي ماء وارو سلوڪ اونهارو اچڻ شرط شهر جي 24 وارڊن ۾ رهندڙ 5 لک آبادي سخت گرمي سبب متاثر ٿيڻ لڳي سيپڪو دادو جو عملي 24 ڪلاڪن دوران 18 ڪلاڪ هر هڪ فيڊر تي ڊگهي لوڊشيڊنگ سان گڏ ھر 20 ھن منٽن بعد جهٽڪا ڏئي شهرين جو لکين روپين جو سامان ساڙڻ شروع ڪري ڏنو، شهرين, قائم سيال ،محمد بخش ڪورائي، جاويد اختر گهلو ، ڪاشف چانڊيو رحيم بخش ڏاوڇ، اسلم ملاح، مظفر سولنگي،مختيار سولنگي ۽ ٻين چيو ته دادو ۾ گرمي پد وڌي 48 ۽ 50 سينٽي گريڊ تي پهتو آهي گذريل ڏينهن تتل ڏينھن 12 بجي کان بجلي بند ڪئي وئي جيڪا رات جو 3 بجي تائين ھر 20 منٽن بعد بند ڪئي پئي وڃي ، دادو ضلعي جي هيڊ ڪواٽر واري شهر سان اهيو ظلم آهي ته ٻين شهرن ۽ ڳوٺن سان سيپڪو جو ڪهڙو رويو هوندو ، دادو سيپڪو عملو رڳو بجلي چوري ڪندڙ ۽ رڪوري ڪرڻ خلاف آپريشن ته ڪري پئي باقي انھن جو ڪو به ڪم نظر نه ٿو اچي سواء شهرين جي بجلي بند ڪرڻ ، هنن چيو ته سيپڪو چيف سکر طرفان دادو شهر جي فيڊر تي بادشاهي حڪم جاري ڪري 12 کان 15 ڪلاڪ لوڊشيڊنگ ڪرڻ جو چيو آهي وري دادو جو عملو ان حڪم ۾ پنهنجا ڪجھ ڪلاڪ شامل ڪن ٿا ، دادو عوامي فورم جي اڳواڻن جبار ٻٻر ،وريام سنڌي ، رجب آزاد سولنگي ۽ ٻين چيو ته گذريل ڏينهن بجلي مين لائين مان بند هئي ته سڄو ڏينهن ۽ سڄي رات غائب رھي، دادو سيپڪو جي نااهل ۽ ڪرپٽ عملي پاران ان خاص فيڊر مان ايم پي اي ، ايم اين اي ، ججز. ڊي سي ۽ ايس ايس پي سميت ٻين ڪامورن جي بنگلن کي بجلي جي تارون ڇڪي ڏئي انھن کي خاموش ڪري ڇڏيو آهي باقي شهر جي 99 سيڪڙو آبادي اذيت ۾ مبتلا آهي ، هنن چيو ته بجلي چوري واپڊا عملو ڪرائي ڪروڙين پتي بڻجي ويا آهن هڪ عملي جي پگهار 50 هزار مس آهي ته انهن وٽ بنگلا َپلاٽ ۽ گاڏيون ڪٿان آيون سيپڪو صارفين عوام کي بجلي جو چور ڏيکاري عوام کي ڊيڄاريو پيو وڃي دادو شهر جي 14 فيڊرن تي سيپڪو جو ڪرپٽ عملو مقرر ٿيل آهي جيڪو صرف عوام کي اذيت ڏيڻ ڄاڻين ٿا، بجلي نه هجڻ ڪري ڪاروبار ٺپ ٿي ويو آهي مٿان وري گهر ۾ کاڌي پيتي جو سامان خراب ٿي وڃي ٿو سڄو سڄو ڏينهن بجلي نه هجڻ ڪري گهرن اندر پاڻي جي شديد کوٽ پڻ سامهون اچي وڃي ٿي ، هنن چيو هاڻ واپڊا جي نجڪاري ٿيڻ گهرجي جيئن پي ٽي سي ايل جي ٿي ته عوام سک جو ساھ کنيو ، واپڊا جي نجڪاري سان عوام کي فائدو ملندو ۽ بجلي جي چوري 99 سيڪڙو گهٽ ٿي ويندي ، دادو شهر جي 5 لک آبادي وفاقي وزير بجلي ۽ سيڪريٽري واپڊا ۽ ٻين کان مطالبو ڪيو ته دادو ۾ سيپڪو جي صارفين دشمن پاليسين جو نوٽيس وٺي اڻ اعلانيل ھٿرادو لوڊشيڊنگ جو خاتمو آڻي شهر جي 5 لک آبادي کي جيئڻ جو حق ڏنو وڃي ۽ بجلي چورن خلاف قانوني ڪاروائي ڪئي وڃي.
