17/05/2026
ایٹمی جنگ کی ہولناک دھمکی! انڈین آرمی چیف کے 'پاکستان کو نقشے سے مٹانے' کے بیان پر پاک فوج کا ایسا کرارا جواب جس نے دہلی کے ایوانوں کو ہلا کر رکھ دیا!
پاک بھارت سرحدوں اور دفاعی حلقوں سے اس وقت کی سب سے بڑی اور سنسنی خیز خبر سامنے آئی ہے۔ انڈین آرمی چیف جنرل اُپندر دویدی کی جانب سے پاکستان کو عالمی جغرافیے سے حذف کرنے کی گیدڑ بھبکی پر پاک فوج کے ترجمان ادارے 'آئی ایس پی آر' (ISPR) نے انتہائی سخت، منہ توڑ اور تاریخی جواب داغ دیا ہے۔ آئی ایس پی آر نے دوٹوک الفاظ میں وارننگ دی ہے کہ: "اس طرح کا جغرافیائی خاتمہ یقیناً دو طرفہ ہو گا!"
انڈین فوج کے سالانہ مباحثے ’سینا سمواد 2026‘ میں زہر اگلتے ہوئے انڈین آرمی چیف نے دھمکی دی تھی کہ اگر پاکستان باز نہ آیا تو اسے فیصلہ کرنا ہو گا کہ آیا وہ جغرافیے اور تاریخ کا حصہ رہنا چاہتا ہے یا نہیں۔ اس جنگی جنون پر پاک فوج نے کرارا وار کرتے ہوئے کہا کہ ایک خودمختار جوہری ہمسایہ ملک کو مٹانے کی زبان بولنا ’علمی صلاحیتوں کا دیوالیہ پن اور سستی شہرت‘ کی کوشش ہے، ایک ایٹمی ریاست کو دوسری ایٹمی ریاست کے خلاف ایسی زبان استعمال کرنے کے بجائے سنجیدگی کا مظاہرہ کرنا چاہیے۔
پاک فوج نے دہلی کو آئینہ دکھاتے ہوئے واضح کیا کہ پاکستان ایک مسلمہ اور اعلانیہ جوہری قوت ہے جسے جنوبی ایشیا کے جغرافیے اور تاریخ سے کبھی مٹایا نہیں جا سکتا۔ آئی ایس پی آر نے مزید کہا کہ انڈیا کی قیادت آٹھ دہائیاں گزرنے کے بعد بھی نہ تو پاکستان کے وجود کو تسلیم کر پائی ہے اور نہ ہی اس نے ماضی سے کوئی سبق سیکھا ہے، اور نئی دہلی کی یہی بیمار ذہنیت خطے کو بار بار جنگ کی آگ میں دھکیل رہی ہے۔
یاد رہے کہ گذشتہ برس اپریل میں پہلگام واقعے کے بعد انڈیا نے 'آپریشن سندور' کے نام پر پاکستان کے اندر بزدلانہ کارروائی کا دعویٰ کیا تھا، جس کے جواب میں پاک فوج نے مہم جوئی کا منہ توڑ جواب دیتے ہوئے معرکہِ حق کے دوران انڈیا کے جدید ترین 'رفال' سمیت 10 سے زائد جنگی طیارے مار گرائے تھے اور انڈین سورماؤں کی مایوسی اور ناکامی کو پوری دنیا کے سامنے بے نقاب کر دیا تھا۔ انڈین آرمی چیف کا حالیہ بیان اسی شرمناک شکست کا غصہ اور بوکھلاہٹ ہے۔
پاکستان نے واضح کر دیا ہے کہ وہ خطے میں امن کا خواہشمند ضرور ہے، لیکن اگر انڈیا نے دوبارہ کوئی ناپاک حرکت کرنے کی کوشش کی تو پاک فوج اپنی خودمختاری کے دفاع کے لیے دشمن کو ایسا سبق سکھانے کے لیے ہمہ وقت تیار ہے جو تاریخ کبھی نہیں بھولے گی!
