Saghir Tabessum Poetry

Saghir Tabessum Poetry Punjabi Poetry lovers can enjoy the best poetry in visual and in textual form

اوس باپُو دے ناںجس نے چرخہ ہجر دا کَتیاگلما لہو لہانجس نے ہتھ زمین دے پھڑ کےلنگھے ست اسمان اوس باپُو دے ناں جس نے بھار ک...
21/06/2026

اوس باپُو دے ناں
جس نے چرخہ ہجر دا کَتیا
گلما لہو لہان
جس نے ہتھ زمین دے پھڑ کے
لنگھے ست اسمان

اوس باپُو دے ناں
جس نے بھار کفن دا چکیا
کندھ اَنکھاں دی ڈھائی
ہُجاں مار کے سورج کڈھیا
سُتی اکھ جگائی
دل دی پِیڑ لُکائی

اوس باپُو دے ناں
جسدے مُڑھکے وچوں نکلی
سُفنیاں دی تعبیر
بُوہے اُتے اج وی جس دی
ٹنگی اے تصویر
پلکاں اُتے نِیر

اوس باپُو دے ناں
جس دا رُوپ مسیتاں ورگا
ہتھ انبراں دی چھاں
اوس باپُو دے ناں
اوس باپُو دے ناں

صغیر تبسم

19/06/2026

صغیر تبسم ہوراں دی آٹو باٸیو گرافی ”ریل گڈی“ چوں اک باب

17/06/2026

یاد کہواں یاں صورت تیری

کلام۔ صغیر تبسم
گلوکار۔ ببو رانا

جدوں میں شعر کہندا سی دِلاں دے تار وجدے سنکبوتر آن بہندے سن مرے گھر دے بنیرے تے مرے ویران ویہڑے وچستارے آن ڈِگدے سنبڑا ب...
16/06/2026

جدوں میں شعر کہندا سی
دِلاں دے تار وجدے سن
کبوتر آن بہندے سن
مرے گھر دے بنیرے تے
مرے ویران ویہڑے وچ
ستارے آن ڈِگدے سن

بڑا بے چین رہندا سی
بڑا ہی درد سہندا سی
بڑے بے درد موسم سن
جدوں میں شعر کہندا سی

کسے دے نین ہسدے سن
دِلاں نوں راہ دَسدے سن
تے بدّل روز وسدے سن
کدی جے رات پے جاندی
تے بُوہے انج کھڑکدے سن
جویں ویران گھر دے وچ
کسے دے آن دے مگروں
ڈرے دو دل دھڑکدے سن

کدی کھڑکی، کدی کمرہ
کدی اوہ میز تے بوتل
کدی ہاواں کدی سسکی
کدی قہوہ، کدی وہسکی
گرم ساہواں، گرم چُسکی
بڑے دلکش نظارے سن
جویں کوٸی جھیل دا منظر
جویں ہسدے کنارے سن
کدی میں دُور نسدا سی
کدی میں کول بہندا سی
مرے گھر وچ بہاراں سن
جدوں میں شعر کہندا سی

صغیر تبسم

15/06/2026

Thanks for this beautiful gift........🥳

Thanks dear Irfan Ahmad Bhatti sb for this beautiful ceremony and lavish dinner.Thanks for celebrating the " Qomi Adbi A...
15/06/2026

Thanks dear Irfan Ahmad Bhatti sb for this beautiful ceremony and lavish dinner.
Thanks for celebrating the " Qomi Adbi Award " and thanks dear Noman for presenting a very beautiful and cultural gift (Pugg).
Thanks Al yosuf Law College Bahawalnagar.

14/06/2026

تیرا ہاسا

کلام۔ صغیر تبسم
گلوکار۔ اویس رضا نیکوکارا

13/06/2026

ساڈا دل نہیں لگدا دھرتی تے
اساں ٹُر جانا کِتے ہور میاں

کلام۔ صغیر تبسم
گلوکار۔ صابر ورک

12/06/2026

اردو بولن والیے کُڑیے

صغیر تبسم

11/06/2026

ساڈا کچ دا پنڈا اس نے
رزق دے بھارے سنگلاں اندر
ایسراں کس کے بنھیا اے
نہ ہن یاد جوانی رہندی
نہ ساہواں دی گرمی
نہ مخمل دے پنڈے دِسّن
نہ ہوٹھاں دی نرمی
اساں تے کھوہ دے بلداں وانگوں
اکھاں اتے کھوپے چاڑھ کے
چکر کھائی جانے آں
ڈنگ ٹپائی جانے آں۔۔۔۔!

صغیر تبسم

Address

Madina Town, Bahawalngar, Punjab
Bahawalnagar
62300

Website

Alerts

Be the first to know and let us send you an email when Saghir Tabessum Poetry posts news and promotions. Your email address will not be used for any other purpose, and you can unsubscribe at any time.

Shortcuts

Share

Category