03/12/2024
کہف سٹوری کلب اور بک کلب کے زیرِ انتظام دوسرا مقابلہ شاعری منعقد ہوا۔ دو سو سے زاید طلبہ نے اِس میں شرکت کی اور علامہ اقبال کے یاد کیے گئے اشعار کو پیپرز میں تحریر کیا۔
مقابلہ 02 نومبر 2024 کو گورمنٹ سٹی ہائی سکول (بوائز-گرلز) میں منعقد ہوا جب کہ تقریب تقسیمِ انعامات کا انعقاد ڈی پی ایس بہاولنگر کے ہال میں 30 نومبر 2024 کو کیا گیا۔
سینئیر گروپ (کلاس 8 تا 10) میں الحیات ہائر سیکنڈری سکول کی طالبہ ایمن ریاض نے 231 شعر لکھ کر پہلی، آیمہ شفیق ڈی پی ایس کی طالبہ نے 208 شعر لکھ کر دوسری اور گورنمنٹ گرلز ہائی سکول ریگرا بستی کی طالبہ ایمان فاطمہ نے 186 لکھ کر تیسری پوزیشن حاصل کی۔
جوینر گروپ (کلاس 3 تا 7) میں ڈی پی ایس کی طالبہ سمرہ شہزادی نے 133 شعر لکھ کر پہلی، حمنہ فاطمہ گورنمنٹ کینال کالونی سکول کی طالبہ نے 82 شعر لکھ کر دوسری اور ڈی پی ایس کی طالبہ زینب شفیق نے 71 لکھ کر تیسری پوزیشن حاصل کی۔
مختلف سکولز کے پندرہ طلباء کو 100 سے زاید اشعار لکھنے پر اور کلامِ اقبال پڑھنے والے نابینا طلباء کی ٹیم کو خصوصی حوصلہ افزائی کے انعامات دیے گئے۔
جونیئر گروپ میں سلور بیلز سکول کے دس طلباء نے نمایاں کارکردگی کا مظاہرہ کیا۔
سینئیر گروپ میں فوجی فاؤنڈیشن سکول سے ہبہ زبیر، رومیسہ حسین اور خولہ مریم، الرازی پبلک سکول سے اُمِ حبیبہ اقبال، دی کنٹری سکول سے ابیہا یونس، عائشہ گلاب، آمنہ اسلم اور لائبہ فاطمہ، سٹی گرامر سکول سے محمد عامر ندیم، خدیجہ اور ظلِ فاطمہ، ڈی پی ایس سے لائبہ عمران، میرب فاطمہ اور پاکیزہ فاطمہ، ایلیمنٹری سکول فیصل کالونی سے سعدیہ اکرم اور گورنمنٹ کمپریہنسو سکول سے خبیب خلیل نے نمایاں کارکردگی کا مظاہرہ کیا۔
تقریب میں شہر کے نامور اساتذہ کرام پروفیسر شفیق احمد، پروفیسر محمد احمد خان، پروفیسر نصر اللہ خان، پروفیسر یاسر عرفات،
بار ایسوسی ایشن سے محترمہ صفورہ سید، عمر خان ایڈووکیٹ، صدر پریس کلب شیخ قاسم علی اور دیگر ممبران،
سما نیوز سے طارق کریم خان، مفتی نصر اللہ خان، طارق حفیظ، رانا ثاقب سلیم، یوناییٹڈ بنک کے مینیجر نعمان عبداللہ، عجوہ جیولرز کے رضوان مجید، سوزوکی موٹرز سے عرفان صاحب اور یونیورسٹی کیمپس بہاولنگر اکیڈمک سٹاف ایسوسی ایشن کے صدر جناب ریحان بن طارق،
اور مختلف سکولز کے محترم پرنسپلز نے شرکت کی۔
تقریب کے منتظم نعمان اکرم نے کہف سٹوری کلب کا تعارف کروایا۔ تقریب سے خطاب کرتے ہوئے فاؤنڈر کہف کلب عرفان احمد بھٹی نے کہا کہ ہمارا مشن ہے کہ بہاولنگر کے ہر بندے کے ہاتھوں میں کتاب ہو، ہر طالبِ علم میں گہرا علمی ادبی ذوق پروان چڑھے اور ہر پڑھا لکھا کتاب کے ساتھ جڑ جائے۔
اِس مقصد کے لیے ان سرگرمیوں کا باقاعدگی سے انعقاد ہماری اولین ترجیح ہے۔
