Farhan Mallah

27/07/2021

26/07/2021

غمِ عاشقی سے کہہ دو رَہ عام تک نہ پہنچے
مجھےخوف ھےیہ تہمت تیرےنام تک نہ پہنچے

میں نظر سےپی رہا تھا تو یہ دل نے بددعا دی
تیرا ہاتھ زندگی بھر کبھی جام تک نہ پہنچے

وہ نوائےمضمحل کیا نہ ہو جس میں دل کی دھڑکن
وہ صدائےاہل دل کیا جو عوام تک نہ پہنچے

میرے طائر نفس کو نہیں باغباں سے رنجش
ملےگھر میں آب ودانہ تو یہ دام تک نہ پہنچے

نئی صبح پر نظر ھے، مگر آہ یہ بھی ڈر ھے
یہ سحربھی رفتہ رفتہ کہیں شام تک نہ پہنچے

یہ ادائے بے نیازی ، تجھے بے وفا مبارک
مگر ایسی بےرخی کیا کہ سلام تک نہ پہنچے

جو نقاب رخ اٹھا دی ، تو یہ قید بھی لگا دی
اٹھے ہر نگاہ لیکن ، کوئی بام تک نہ پہنچے

انہیں اپنے دل کی خبریں میرےدل سے مل رہی ہیں
میں جو ان سے روٹھ جاؤں، تو پیام تک نہ پہنچے

وہی اک خموش نغمہ، ھے شکیلؔ جانِ ہستی
جو زبان پر نہ آئے ، جو کلام تک نہ پہنچے
..... شکیلؔ بدایوانی ....

10/07/2021