06/06/2026
Ang Senado'y tila naging sirko,
hindi tahanan ng batas kundi entablado ng gulo.
May nagtatago kapag pananagutan ang usapan,
may nagsasalita ng batas ngunit di maunawaan ang kahulugan.
May nagsasabing bayaran ang naghahatid ng balita,
kapag katotohanan ang tumatama sa kanilang mukha.
May abala sa kamera at live sa Facebook,
habang ang problema ng bayan ay patuloy na lumulubog.
At may mga matang bukas ngunit tila bulag sa katotohanan,
na para bang iisang pangalan lamang ang pinaglilingkuran.
Senado para sa Pilipino ang dapat na layunin,
hindi palakpakan, pagtatanggol, o pansariling hangarin.
~
Editorial Cartoon mula sa Malaya Business Insight
