18/05/2026
Itoy maayos na desisyon mula sa lupon ng may pa-liga. Dahil nagiging tradisyon na dito sa atin na ayaw magpatalo sukdulang guluhin ang laro wag lang matuloy ang laro.
*OPISYAL NA PAHAYAG*
Kaugnay sa naganap na laro ng Niners Sr. at Otcho Barek, ipinababatid ng pamunuan na ang naturang laban ay idineklarang *“No Declare Win.”* Dahil dito, parehong itinuturing na talo ang dalawang koponan at hindi na uulitin ang nasabing laro.
Ang naging desisyon ay batay sa *elastic power* o kapangyarihang ipinagkaloob sa mga referee at komite upang agad na magpatupad ng kaukulang aksyon sa anumang sitwasyong nagdudulot ng kaguluhan, kawalan ng disiplina, at banta sa kaayusan ng liga.
Mahigpit ding ipinapaalala na hindi tungkulin ng Sangguniang Kabataan ang palaging makiusap upang mapanatili ang kaayusan. Ang ating liga ay itinaguyod para sa disiplina, respeto, at sportsmanship — hindi para sa kaguluhan.
Alinsunod sa resolusyong binuo ng mga komite at SK Officials mula Mosquito hanggang Senior Division, anumang laban na mauuwi sa kaguluhan at hindi na maaayos ng komite ay awtomatikong ipatitigil at parehong koponan ay ituturing na talo, anuman ang oras, puntos, o quarter ng laro.
Bilang karagdagan, bilang bahagi ng maigting na pagpapatupad sa ating rules sina Jersey 30, 27, 9, 12 ng Otcho Barek at Jersey 21 ng Niners Sr. Ay naka Hold ng 1 laro. Hindi nila maaaring ipagpilitan na sila ay maglaro sa panahon na sila ay kahold dahil kung ganon awtomatiko silang tatanggalin sa kabuuan ng summer league.
Maraming salamat sa inyong pang-unawa at pakikiisa.
