28/07/2021
Para sa mga na Ghost! 😊
Di Na Ko Mu Usab! 😊
By Clear
Natagam sa relasyon nga way klaro ang dangatan
Nagpuyo nga malinawon aron di na masakitan
Nagpaka-bitter sa tanan nga mga sweet post sa facebook
Ug gitiman-an nga di na magpauwat ug mag binulok
Pero niabot ka nga wa man unta nako damha
Niduol, nidikit, gustong makig-ilaila
Persistent pa kaayo bisag wa jud tagda
Bisag wa ko nanginahanglan ug friend,
padayun gihapon ug atraka
Sa una ni p**ipot ug wa sa dayun ni bigay
Mang seen sa imong message, pa as if nga mulikay
Kung mu react ka sa akong My Day walay p**i kunuhay
Pero ug mubasa ko sa imong comments,
makakilig baya usahay. Giatay
Dayun gi entertain, gihatagan takag chansa
Nang hinaot nga basig ikaw na diay ang para sa akoa
Nadani ug nahulog sa imong mga pakatawa
Nalipay ug maayo sa imong mga gip**ita
Ni open sa akong Messenger aron ikaw replyan
Kay nahadlok ko nga basig maunhan pa ko sa uban
Magbinuntagay sa chat, usahay mag video call
Gusto na tikang itapad ug mag salo sa usa ka habol
Mas samot nga gikilig sa una natong pagkita
Kay buotan ug disente sama sa akong gipangita
Sa imong mga kamot nag permanente na ko ug hawid
Ug di na ko mu sugot nga sa uban pa ka mapalid
Pero kalit nga nawala, nangita ko ug hain
Nahibulong ug naglibog, basig naa kay lain
Kay lami ra man unta to kaayo ang atong panag-uban
Pero nganong nawagtang ka?
Kinsa man imong gipananghiran?
Wala ko kasabot. Unsa man akong sala?
Kanindot na sa akong gibati unya imo rang gi guba
Daghan kog pangutana nga nanginahanglan ug tubag
Kay bisag di kita imong gibuhat sakit pa sa nakigbulag
Maong nilaag, gahinubog pra ka makalimtan
Gilubong sa kalimot atong mga kagikan
Giwala sa hunahuna ang imong mga saad
Apan ang kasingkasing nagpabiling na samad
Nagpadayon nga galibog ug nag hinuktok sa daplin
Kada gabiing naghunahuna sa sakit nga imong gi bilin
Mao nga ug naay mu abot, akoa nalang pasagdan
Kay di na jud ko mu usab, kausa nalang! 😂
