09/05/2024
LUTANG
by: JJD
~
Sa may kalye, ako'y taimtim, tahimik na naglalakad.
naka paa, mulat-mata, kapos pa sa kapos palad.
Napadaan sa salamin, repleksyon ko di maaninag
Tumuloy sa pagyapak ng mga paang di natitinag.
~
Tila wala atang hangganan ang daang naging tulay.
Walang katapusan na para bang pasipikong binabaybay.
Napabilis hakbang at tibok, pag lingon ko sa ibaba.
Di naalis sa paningin, dagat-dagatang nagbabaga.
~
Asan na ako? wala na ang tulay na aking inaapakan.
Nakalutang sa kawalan, pagitan ng apoy at kalawakan.
Anong dimensyon, anong lugar, mga mata'y nagluluha.
Napangiti't, napagtanto, ako pala'y kaluluwa.
