12/06/2025
BAKIT NGA BA INAAWIT ANG LUPANG HINIRANG SA MISA NG IGLESIA FILIPINA INDEPENDIENTE?
Isa sa naiibang kaugalian ng Iglesia Filipina Independiente ay ang pag-awit ng Lupang Hinirang sa katapusan ng Banal ng Misa. Kasabay nito ay iwinawagayway ng Obispo o ng Paring namumuno sa pagsamba ang watawat ng Pilipinas.
Sa mga natatanging pagdiriwang katulad ng anibersaryo ng Simbahan, ang pag-awit ng lupang hinirang ay isinasabay sa pagtataas ng kalis at tinapay.
Ang kaugaliang ito ay paggunita sa katapangan at kabayanihan ng mga naunang kaparian sa panahon ng pananakop ng mga Amerikano, kung saan ay ipinatupad ang Philippine Commission Act 1696 o mas kilala bilang Flag Act (1907 - 1919) na nagbabawal sa pagsasabit ng watawat ng Pilipinas at ng mga sagisag ng Katipunan gayundin ang pag-awit at pagpapatugtog ng Pambansang Awit.
Ang batas na ito ay naglalayong burahin ang ningas at alab ng nasyonalismo at ang bakas ng rebulosyon sa mga Pilipino. Sa panahong ito, ang watawat ng Estados Unidos ang naging opisyal na watawat ng bansa.
Bilang tanda ng patuloy na pagsasabuhay ng damdaming makabayan at paghahangad ng kalayaan, ang mga kaparian ng Iglesia Filipina Independiente sa pangunguna ni Obispo Maximo Gregorio Aglipay ay buong tapang na nagsuot ng mga kasulyang pinalamutian ng mga sagisag at kulay ng watawat ng Pilipinas.
Ang huling dalawang talata naman ng Lupang Hinirang ay inaawit habang itinataas ng pari ang ostya at kalis.
Dahil dito hindi lubusang nabura ng mga Amerikano ang ningas ng Rebolusyon. Ang Iglesia Filipina Independiente ay patuloy na nanguna sa panawagan at pagsusulong ng Kalayaan para
Mabuhay ang Simbahang Makabayan! Mabuhay ang Simbahang Malaya! Mabuhay ang Iglesia Filipina Independiente!!!
----
Maligayang ika-127 taong anibersaryo ng kasarinlan ng Pilipinas! 🇵🇭
✍️ IFI Page Gallery
