by.cej

26/05/2026

26/05/2026

wabi

04/07/2025

Kaibigan, sa haba ng panahon na hindi pinagtagpo ang ating mga landas, sa tuwing nag-iisa ay binabagabag pa rin ako ng palaisipang kayang mapagtagumpayan ng damdamin ang tadhana, na kaya nitong ipaglaban ang kanyang sarili na walang natatapakang kahit na ano o sino.

Walang makapagsasabi o makaiintindi katulad ng pagkakaunawa ko, na tayong dalawa ay tila mga bituing may kanya-kanyang lugar sa kalangitan. Hindi iisa ang tadhana at ang damdamin, na minsa'y ang kinalalabasan ay hindi naaayon sa tunay na kagustuhan. Ang nilalaman ng puso ay iba sa nilalaman ng isip, at ang gamitin ang isip higit sa puso ay isang paraan ng pagdepensa sa mga sakit na parating.

Kaakibat ng paglipas ng panahon ay ang iba’t-ibang uri ng pagbabago, sa'yo, sa'kin, at sa mundo. Naging abala sa kanya-kanya nating mga buhay. Ngunit kaibigan, ang ngayon ay isa lamang patunay na inuulit ko, magkaiba ang tadhana sa damdamin. Hindi nakisama sa pagbabago ang hindi makawalang pag-ibig , ang pusong di makalimot, ang damdaming hindi na umaasa, ngunit nananatili, at alam kong mananatili pa.

25/05/2025