05/05/2026
Camping at Mt. Tapulao, Palauig, Zambales
It is highly recommended to stay overnight at the KM16 campsite, as the trail is exhausting and often deemed a "die hike" for those attempting to finish it in one day. - reddit
Dala na lahat ng essentials sa backpack for camping sa Mt. Tapulao base camp. Mag stay muna ng isang gabi sa base camp. Early morning ascending assault para matapos ang 18k to summit. Mahirap marating pero sulit kapag nasa mataas na bahagi na ng Tapulao. Maraming breathtaking majestic views along the way kapag nasa mataas na bahagi.
Malamig kaya need ang more or less 4 layers body cover depende sa kapal at klase ng tela na suot. Mabilis din lumamig ang pinainit na tubig pang kape dahil malamig at foggy sa base camp. Kaya dapat mabilis din ang higop para ma enjoy ang mainit na kape heheh.
Mensahe ng buhay na natanggap ko pag katapos ng hike at camping:
Ang 3 mahalagang pangunahing gawain kung saan dapat maunang mag invest ang tao.
1. Hanapin, mahalin ng buo higit sa lahat at papasukin sa kanyang puso ang Panginoong Hesu-Kristo.
2. Mahalin at pahalagahan ang kanyang pamilya.
3. Mahalin at pahalagahan ang kanyang kalusugan.
Ang susunod na mangyayari sa tao kapag nagawa na nya ang 3 pangunahing gawain na nabanggit ay mangyayari sa kanyang buhay ang bunga ng Espiritu tulad ng pag-ibig, kagalakan, kapayapaan, katiyagaan, kabaitan, kabutihan, katapatan, kahinahunan, at pagpipigil sa sarili. Walang batas laban sa mga ito.
Kapag nagawa na nya ang mga pangunahing gawaing ito ay matutulad sya sa isang taong nag tayo ng kanyang bahay sa pundasyon na bato. Kapag dumating ang matinding unos, bagyo at pag subok ay hinding-hindi sya kayang itumba ng mga balakit na ito.
At ngayon kapag nagawa na ng tao ang mga pangunahing mahahalagang bagay ay makakapamili na sya ng mga mabubuting bagay tulad ang mag karoon ng matuwid na kabuhayan na kanyang ibig ayon sa kalooban ng Panginoon, lupa na mainam, at mga bagay na hindi bumababa ang halaga bagkos tumataas ang halaga ng mga ito.
Dahil kung mauunang iinvest ng tao ang kabuhayan, at mag karoon ng mga ari-arian o kayamanan na wala ang Panginoong Hesus sa kanyang buhay. Na walang mabuting relasyon na may pag ibig at kapayapaan sa kanyang pamilya. Na walang mabuting kalagayan ng kalusugan ay mababaliwala ang lahat ng kanyang pinag hirapan at mga naipundar. Mawawalan ng saysay ang mga ito na tulad ng isang kandilang nauubos na sa una ay maliwanag at kalaunan ay mag didilim.
Kaya kung nabuhay ang tao sa araw na ito ay kanyang pag isipan at pag bulay-bulayan kung ano ang tunay na mahalaga at kung ano ang tunay na kayamanang hindi nauubos at nasisira kailanman.
Words By Harold Domingo
Click inspirational page link at Beautiful Moments
Subscribe at Boards N Wheels
