27/08/2026
Nakikilala mo raw ang sarili sa mga bagay na nagpapasaya sa’yo.
Sa mga papuri at palamuting inihahandog sa tuwing nakatatanggap ka ng pagkapanalo.
Sa mga kaya mo nang bilhing bagay na kailanma’y pinangarap mong makamtan nang husto.
Sa mga lugar na ninais mong puntahan, dahil alam mong sa pagkakataong ito, narating mo na ang rurok ng destinasyong pinangarap mong makamtan.
Sa pagkain ng mamahaling pagkain sa restaurant na iyong paborito—yung tipong hindi mo na iisipin kung gaano ka mahal o magkano.
Pero ang totoo…
Hindi dahil natutuhan mo nang makuha ang mga bagay na nagpapasaya sa’yo,
kundi kung paano ka makukuntento sa kung anong meron at wala sa buhay mo.
Kundi sa pagtanggap na may kahinaan ka at hindi palaging panalo.
Sa kung paano ka masaktan, mawalan, magkamali, o tipong sa pag-iyak at paghikbi, matututo kang bumangon muli.
Makikilala mo lang ang sarili mo,
kapag natutuhan mong huwag ipilit ang mga bagay na kailanma’y hindi mo kontrolado.
~Archimedes
08/27/2026
