19/06/2024
*ctto
17 Things I’ve Learned from Cong TV & Viy Cortez’s long-term relationship:
1. Pinagtatrabahuan ang pag-ibig. Hindi hinahayaang mabalewala. Inaagapan ang lahat. Hindi nagpapakakampante. Araw-araw, may pagtatangkang ibigin nang higit ang isa’t isa.
2. Parehong sumusugal. Parehong nahihirapan. Parehong lumiligaya at nagtatagumpay. Hindi lang isang tao ang nagbubuhat ng relasyon. Dapat dalawa kayo palagi.
3. Consistency. Malaking parte ang nagagawa ng pagiging consistent, magkasama man kayo ng partner mo o hindi. Consistency sa lahat ng bagay. Maraming nagbabago, pero hindi ang pagmamahal.
4. Magpatawad. Tanggapin ang sariling pagkakamali. Magbago. Tulungang magbago ang partner; ‘wag iwanan.
5. Samahan mo yung partner mo sa lahat ng bagay kahit sa pinakamahirap na sitwasyon. Itrato mo yung jowa mo bilang asawa. Sa hirap man o ginhawa, dapat nandoon kayong dalawa.
6. Date to marry. Doon ka sa taong una palang ay may planong pakasalan ka dahil doon mo malalaman kung gaano kalaki ang kaya niyang isakripisyo at nandoon ang lalim ng sinseridad na kaya niyang ialay sa ‘yo sa bawat araw.
7. Contentment. Para mapunta ka sa tamang relasyon, kailangan mong maging tamang tao sa sarili mo at sa partner mo. Paano? Matuto kang makuntento sa taong pinili mo at pinipili ka. In this world full of infidelity and cheating issues, be the one who never gets into any temptation.
8. Respeto. Suporta. Tiwala.
9. Hindi dapat nagbibilangan ng pagkukulang at pagkakamali ang mga totoong nagmamahal.
10. Ang isang relasyon ay binubuo ng maraming away-bati at walang-kapagurang pag-iintindi. Hindi solusyon ang pakikipaghiwalay sa tuwing may mga away. Matutong manatili palagi.
11. Kapag mahal mo, hindi ka magdadalawang-isip na manatili. Ang pinakamagarbong regalo na puwede mong ibigay sa partner mo ay pananatili. Bukod sa oras at pagmamahal, yung pananatili at pagiging committed ang pinakamabigat sa lahat. Higit pa ‘yan sa anumang yaman.
12. Iniingatan at inaalagaan ang relasyon. Hindi pinababayaan. Hindi ipinauubaya.
13. Dapat binabago ka ng pag-ibig sa tamang paraan, sa makabubuti sa ‘yo at hindi sa ikapapahamak mo.
14. Tanggapin mo ang lahat sa partner mo kahit yung pinakamadilim niyang nakaraan. Gumawa ka ng mga masasayang alaala na kayang tabunan ang mga masasakit na pinagdaanan niya.
15. Iniiwasan at nilalabanan ang lahat ng tukso. Think of your partner and consider his/her feelings, always, in all ways.
16. Sa mga panahong walang-wala yung partner mo, dapat nandoon ka para sumalo. Hindi sa lahat ng pagkakataon ay ikaw lang ang sasaluhin. Dalawa kayo palagi sa hirap man o ginhawa.
17. Hindi sinusukuan ang pagmamahal. Hindi sinusukuan ang minamahal.
----
✍︎ Isinulat ni: Author ABBA / Angelika Bianca Bernardo Aquino | 2024
