26/03/2018
Maypa gibalik ninyong salapi :D
Pagpapalabas ng New Generation Currency (NGC) Coin Series
Magsisimula na ang pagpapalabas sa sirkulasyon ng buong serye ng New Generation Currency (NGC) coins na binubuo ng 10-Piso, 5-Piso, 1-Piso, 25-Sentimo, 5-Sentimo, at 1-Sentimo.
Ang bagong disenyo at mga detalye ng NGC Coins ay magbibigay ng mas magandang anyo at mas mahusay na seguridad ng mga barya. Partikular na rito ang paglalagay ng micro-printed details gamit ang laser-engraving technology sa dalawang pinakamataas na denominasyon (ang 10-Piso at 5-Piso) upang hindi ito madaling magaya gamit ang tradisyunal na proseso ng pag-counterfeit. Ang metallic composition ng NGC coins ay binago upang masugpo ang iligal na pagtunaw at pagkuha ng mga mahahalagang metal nito.
Ang NGC coins, na may kulay na “metallic silver”, ay gawa sa matibay na nickel-plated steel. Ang pagpapalit ng materyal ay sagot sa mabilisang pagkalawang at pangingitim na kalimitang nakikita sa copper-based metals.
Ang BSP Coin Series ay maaari pa ring gamitin kasabay ng NGC Coin Series sa pang-araw-araw na transaksyon, hanggang sa ipahayag ng BSP ang “demonetization” o pagsasawalang bisa ng lumang barya.
Para sa buong detalye, i-click ang link na ito: http://www.bsp.gov.ph/publications/media.asp?id=4643
