Queencred1ble

Queencred1ble 🍒
(1)

10/07/2025

"Kadena ng Buhay"

Kadilimang nakabalot sa kalangitan,
napapagod kakahanap ng bituin at buwan.
Saan ba makikita ang kaliwanagan?
pag-iisip ay napupuno ng katanungan.

Paano makikita ang liwanag ng paligid,
kung puso't isip ay ginagapos sa lubid?
Sariling nababalutan ng kadena,
Kandadong napupuno ng duda't problema.

Sariling nakakulong sa isang salamin,
repleksyon ay nahihirapang mahalin.
Isang napakakomplikadong damdamin,
kailan kaya'y magbabago at tatanggapin?

Umuulan ng dugo't luha ang kapaligiran,
hindi nakikita dahil sa nakabalot na kadiliman.
Kailan maipapakita ang hinagpis at kalungkutan,
kung sarili mismo ang kumukulong ng kalayaan?

📌 Plagiarism is a crime

Isinulat ni : Queencred1ble

28/06/2025

"Alon ng Emosyon"

Dumudugong sandata,
nagagalit na mga mata.
Lungkot na hindi makikita,
saya na palagi niyang dala-dala.

Labanan ng emosyon,
sariling nalulunod sa alon.
Kailan kaya ang pagkakataon,
sariling digmaan ay maiahon?

Katulad ng naisusulat na mga tula,
iniisip ng mabuti ang bawat salita.
Emosyong dinadarama'y nakatugma,
pati narin ang labanan na hindi nakikita.

Pusong nakatusok sa isang tinik,
hindi nalalaman ang daan pabalik.
Sa lugar na dumudugo'y nakahalik,
ingay sa puso na gustong manahimik.

📌 Plagiarism is a crime
Isinulat ni : Queencred1ble

14/06/2025

"Nakabakas na pag-ibig"

Isang tinginan, ngiti ay masisilayan.
Napapatawa sa pinapakitang galawan.
Napapaisip, tama ba ang dinadaanan?
Pusong nahuhulog na hindi namamalayan.

Sa bawat hakbang, puso'y tumitibok,
sa isipan ika'y palaging kumakatok.
Napapatanong, ano ang ginamit mong bitag?
At bakit puso ko'y tuluyang nabubulag.

Takot sa pag-ibig, hindi mawawala.
Sa isang kislap, tuluyan mo itong binura.
Kinikilig sa magaganda mong mata,
dahilan ng hindi mapigilang nadarama.

Labis na nahuhulog sa isang digmaan,
isip at pusong laging naglalaban.
Hindi alam kung dulot nito'y kabutihan,
o mabibitag lang sa isang kasamaan.

Ano ang ginagamit mong armas,
sa paglaban sa puso kong walang lakas?
Isipan ang palaging bumabatas;
Pag-ibig ko sayo'y mananatiling nakabakas.

📌 Plagiarism is a crime

Isinulat ni : Queencred1ble

20/05/2025

"Liwanag ng kanyang pagmamahal"

Dating ako, dating makasalanan.
Ginagabayan niya ang aking dinadaanan.
Lumuluhod, humihingi ng kapatawaran,
Nagpapasalamat, lubos niya akong tinuruan.

Binigyan niya ako ng pagkakataon,
Baguhin at butihin ang aking desisyon.
Kaniyang pagmamahal na walang kondisyon,
Kahit buhay kong sa kadiliman nakabaon.

Isang pagmamahal na walang hangganan,
Tunay na pag-ibig, walang halong kasamaan.
Taos puso kitang paglilingkuran,
Ikaw ang Diyos, sandata ko sa lahat ng digmaan.

Problemang ibinigay niya upang ako'y matuto,
kahit matumba, hindi dapat ako sumusuko.
Bumabangon at maglilingkod ng buong puso.
Mga aral niyang nagbibigay saysay sa buhay ko.

Sa iyong pagmamahal, ako'y may kasiyahan.
binigyan mo ako ng lakas sa aking laban.
Sa bawat hamon, ako'y may kapanatagan.
Bumabangon ng may dedikasyon at katapangan.

📌 Plagiarism is a crime

Isinulat ni : Queencred1ble
Requested by : my bestieee

19/05/2025

"Melodiya sa kalungkutan"

Katulad siya ng mirasol sa hardin ng mga bulaklak,
nagpapakita ng kasiyahan at galak.
Kulay ay sadyang napakaganda,
kaakit-akit at sobrang kaaya-aya.

Sa bawat hakbang, ika'y gustong makasama,
ngiti mo ang ninanais kong makita.
Sa bawat awitin, ika'y isang melodiya.
boses mong anghel kapag kumakanta.

Sa bawat suliranin, palagi kang nandiyan,
nakikinig at handa akong damayan.
Tawa mo ang gamot sa aking kalungkutan,
sa iyong presensya, problema'y gumagaan.

Inaawit mo ang paborito kong musika,
mawala lang ang lungkot sa aking mga mata.
Magaganda ang maririnig na mga nota,
ritmo ng pagmamahal iyong idinadala.

Malambing mong yakap ang maaalala,
tuwing may kinakaharap na problema.
Pinapakinggan ang matatamis mong salita,
na nagbibigay saakin ng galak at ligaya.

Ika'y katulad ng bituin sa kalangitan,
nagbibigay liwanag sa kadiliman.
Sa bawat pagkakataon, ika'y aking gabay,
nagbibigay ng pag-asa sa aking buhay.

📌 Plagiarism is a crime

Isinulat ni : Queencredible
Dedikado para kay : Sacha (my bestieee)

19/05/2025

"Sandalan sa bawat digmaan"

Isang matatag na sandalan,
sandata't kalasag sa isang labanan,
nagbibigay lakas sa aking digmaan,
walang katumbas ang kaniyang katapatan.

Liwanag sa kadiliman ng aking buhay,
mga ngiting nagbibigay sa akin ng kulay.
Tinutulungan ako sa lahat ng bagay,
pagkatao kong binigyan niya ng saysay.

Inuuna ako kahit marami siyang problema,
kalungkutan ko'y binabalot niya ng saya.
Kaibigan, ako'y palagi mong pinapatawa,
sinasabayan sa lahat ng aking ginagawa.

Suporta niyang wagas, hindi ko malilimutan,
Pinagtitibay niya ang aking kahinaan.
Sumasagi sa bawat sulok ng aking isipan,
paano ka naman, aking kaibigan?

Nakikisabay sa lahat ng aking kalokohan,
nagbibigay tulong sa talinong paraan.
Sa bawat payo, ako'y iyong ginagabayan,
Kahit buhay niya'y puno ng kalungkutan.

Mga pakpak mong handa akong hilahin pataas,
nililipad ako patungo sa mabuting landas.
Ngiting makikita tuwing siya ang kasama,
hinihiling na ito'y magiging matagalan na memorya.

📌 Plagiarism is a crime

Isinulat ni : Queencred1ble
Dedikado para kay : my baby Azzy 😚

19/05/2025

"Orasan ng pagmamahalan"

Paikot-ikot ng nararamdaman,
pabalik-balik na daanan.
Nakaraan ay bawal ng balikan,
pagmamahal ay tulad ng isang orasan.

Bakit ka nag-iba, mahal ko?
Nawala ang haplos ng iyong mga pangako.
Dating ikaw ang sinisigaw ng aking puso,
hinihiling na ibalik sa buhay ko.

May magagalit ba kapag aking binabalikan?
Alala ng kahapon na hindi na makakamtan.
Pagtrato'y hinding-hindi ko malilimutan,
kailan maibabalik ang ganoong pagmamahalan?

Nawawala ang sigla't saya sa mga mata,
kapag magkasama tayong dalawa.
Nasaan na ang pag-ibig na una kong nakilala?
Bakit pagtrato'y biglang nag-iba?

Masama bang ibalik ang dating ikaw?
Alaala natin ay palagi kong dinadalaw.
Tulad ng litratong kinuha sa oras ng kasiyahan,
puso'y sumisigaw habang tinitignan ang pagmamahalan.

Sa tibok ng puso, ika'y aking minimithi;
Alaala'y isang matamis na sandali.
Ikaw parin ang gusto kong mamahalin,
at sa katapusan, ikaw parin ang pipiliin.

📌 Plagiarism is a crime.

Isinulat ni : Queencred1ble
Requested by : bestie ko nga gwapa🫶

12/05/2025

Tinig ng takot sa tiwala

Isang traumatikong hinanakit,
mga ngiti mong tila'y pinipilit,
kailan mababawasan ang nadadamang pait,
sa paglalakbay ng buhay kong puno ng sakit?

Nahihirapang bumuo ng ugnayan,
labis na natatakot na maiwan.
Hindi lubos na maibigay ang tiwala,
sa mga taong hindi pa tuluyang kilala.

Paano ba ito mareresolba?
Hindi ko na alam kung anong tama.
Paano ba kita magiging kaibigan,
at ma siguradong hindi mo ako iiwan?

Natatakot ang pusong mabasag,
tiwala't karamdaman tila'y nabubulag.
Nag-iisip ng paraan sa buong magdamag,
baka tuluyan nila akong hihilahin palaglag.

Kaibigan, paano ka maaasahan?
Lahat ba na pinapakita mo'y katotohanan?
O baka isang malaking kasinungalingan?
At pagsasama'y maging mapait na karanasan.

Napapraning na ba ako?
Hindi na nagtitiwala kung kay sino.
Nag iisa nalang sa malungkot na buhay,
ang pusong laging naghihintay.

📌 Plagiarism is a crime.
Isinulat ni : Queencred1ble

"Katanungan sa puso"Bigat sa karamdama'y hindi mapigilan,kailan matatapos sa puso ang digmaan?Natutunaw sa sakit na kato...
12/05/2025

"Katanungan sa puso"

Bigat sa karamdama'y hindi mapigilan,
kailan matatapos sa puso ang digmaan?
Natutunaw sa sakit na katotohanan,
nagtatanong hanggang sa katapusan.

Hindi mapigilang mapatanong,
isip at pusong nakakulong.
Napakalalim at maraming bumubulong,
umiikot-ikot tulad ng isang gulong.

Mabibilang mo ba ang mga gabi?
Kung saan damdamin ay gustong manatili.
Puso kong ikaw palagi ang pinipili,
isip na nagtatanong at nagbabasakali.

Ayaw mo ba talaga?
O sadyang hindi mo lang nakita?
Puso kong nanatiling nakahanda,
sa realidad at dinadala mong sandata.

Pipilitin ba ang puso na ikaw pa rin,
o isip naman ngayon ang aking gagamitin?
Kailan kaya mababago ang damdamin,
upang pagkasawi ay aking tatanggapin?

📌 photo not mine, found in Pinterest: credits to the rightful owner
📌 Plagiarism is a crime.

Isinulat ni : Queencred1ble

08/05/2025

Pusong namamatay sa pag-ibig na naghihintay.

Sa bawat patak ng ulan,
Kasabay ng hikbing hindi maitahan,
Pangakong binuo ng aking puso't isipan,
Hanggang kailan ko kayang panindigan?

Pusong unti-unting namamatay,
Sariling napapagod kakahintay.
Handa ang puso kong ialay,
Para lang ika'y makasabay.

Pinangako kong ika'y aking papakasalan,
Isang hiling ng aking kabataan.
Ngunit ngayon, nasaan ang karapatan?
Batang babae na nilalamon ng katapangan.

Katulad ng kidlat na sumasabay sa kulog,
Sumisigaw ang dibdib na lalong nahuhulog.
Ngunit puso mo'y mahimbing na natutulog,
Kahit makikita ang pag-ibig kong nasusunog.

-----------------
Meaning of this poem :
The girl's heart is dying from waiting and longing for someone who doesn't seem to care. She made promises and had dreams of marriage with him since youth, but now feel heartbroken. The girl is exhausted from waiting and willing to sacrifice her heart just to be with this person. However, the other person's heart remains unresponsive, oblivious to the girl's burning love.

The poem conveys the pain of loving someone who doesn't reciprocate, leaving her to struggle with feeling of heartache.

--------
Isinulat ni : Queencred1ble

06/05/2025

Tanging pag-ibig, puso'y lumigalig

Presensiya ng aking nararamdaman,
kaniyang itinaboy at tinanggihan.
Nalulunod sa dagat ng kalungkutan,
ngunit hindi ka kayang pakawalan.

Hanggang kailan kaya matututo,
aking sawi't nasasakal na puso?
Nasasaktan ngunit hindi humihinto,
bakit kailangan pa maging ganito?

Pagmamahal ay tulad ng singsing,
walang hangganan; ikaw lagi ang hinihiling.
Ito'y sumisimbolo ng aking pag-ibig,
ngunit bakit nakakaramdam ng ligalig?

Hindi mo ba nakikita ang pagsisikap?
Puso kong ikaw lagi ang hinahanap.
Kung pag-ibig mo'y merong sangkap,
Handa ko itong aralin sa isang kislap.

Ngunit ang tanong, may pag-asa ba?
Baka sa huli, ako'y tuluyang matumba.
Walang kahit sino ang gustong sumalo,
Sa tinaggihan at sinaktang puso.

Isinulat ni : Queencred1ble

27/11/2024

NAKAKAMATAY NA KULUNGAN.
(ISIPAN)

Buhay puno ng pangamba,
nakatusok sa matalim na espada,
sariling sugat, sariling gawa,
sakit ay palagi niyang iniinda.

Patak ng dugo sa mga kamay,
nakatali sa lubid, emosyong nakakamatay.
Tahimik na lugar, isipang nag-iingay,
buhay niyang walang saysay.

Maraming ginawang kamalian,
sarili niya'y mahigpit na sinasaktan.
Sakit na dulot ng kanyang kahinaan,
dahilan din ng dugo sa kanyang katawan.

Nakakulong sa isang madilim na silid,
makikita ang sariling nakalubid,
Isipan ang natatanging balakid,
sa kalayaan niyang hindi kayang mabatid.

isinulat ni : Queencred1ble.

Address

Dreyfus Street
Bago City

Opening Hours

Friday 9am - 5pm
Saturday 9am - 5pm
Sunday 9am - 5pm

Website

Alerts

Be the first to know and let us send you an email when Queencred1ble posts news and promotions. Your email address will not be used for any other purpose, and you can unsubscribe at any time.

Shortcuts

Share

Category