18/01/2024
Ginpilit ipaathag sa imo
Nalagyo indi maghampang kalayo
Sungka gali ang gusto
Magkamol sigay wala tuo
Sigay lamang akon balatyagon
Gagmay, lip-ot madali dugmukon
Sa dalayon nga pagtipontipon
Napuno, nag-awas, nahulog gilayon
Nahulog nga sigay pinamulot
Isa-isa ginpanagtag palibot libot
Nalipay makita may gakasupot
Katapusan nakabi, tanan nahurot
Tanan nawad-an hinulsol gamay
Wala kahuy-anan, wala kalipay
Mabudlay manginmatay sa mahay
Magsungka, indi mamilit sigay
- Sungka
