15/11/2025
जय शिक्षालाई, जय बाल संसार।
आज मिति २०८२/०७/२९ गते हाम्रो बाल संसार होस्टेलमा सम्पन्न वाद–विवाद प्रतियोगिता केवल एक कार्यक्रम थिएन; यो त ज्ञानको उज्यालोतर्फ गरेको यात्रा थियो।
वाद–विवाद भनेको जित–हारको खेल मात्र होइन,
यो त विचारको संवाद,
तर्कको शुद्धता,
र ज्ञानको सम्पदा बाँड्ने पवित्र माध्यम हो,
जहाँ विद्यार्थीहरू बोल्न मात्र सिक्दैनन्,
सुन्न, बुझ्न र जीवनभर उपयोगी हुने सोच बनाउन सिक्छन्।
आजको यस प्रेरणादायी कार्यक्रमलाई सफल बनाउन निरन्तर साथ र मार्गदर्शन प्रदान गर्ने
आदरणीय राधिका म्याम, विनोद सर,
जिबाच्छ अंकल, भान्सा समूहका दुई जना दिदीहरू,
तपाईंहरूको समर्पणका लागि
हृदयदेखि आभार व्यक्त गर्दछु।
त्यसैगरी,
अनुशासनपूर्वक बस्ने, सुन्ने र आत्मविश्वासपूर्वक अभिव्यक्त हुने
हाम्रा प्रिय सहभागी विद्यार्थी भाइबहिनीहरू —
Nitu Shreshta, Asmita Ray, Rohan, Krish, Nitesh, Manish, Prabhesh, Vishal Yadav, Aarushi, Ankit, Bhaskar र Rishu
आफ्नो संस्कार र अनुशासन कायम राखी
तपाईंहरू नै आजको कार्यक्रमको वास्तविक गौरव हुनुहुन्छ।
ज्ञानप्रति भएको तपाईंहरूको उत्साहले
हामी सबैलाई अझ गर्वानुभूति गरायो।
हामी विश्वास गर्छौँ —
आज यहाँ बोलेका प्रत्येक शब्द,
सुझाव र तर्कहरू
आगामी यात्रामा मार्गदर्शनको दीप बन्नेछन्।
त्यसैले,
आगामी दिनहरूमा पनि
यस्तै सहयोग, ऊर्जा र सकारात्मक सोचका साथ
शिक्षाको पथमा संगै अघि बढ़्ने आशा गर्दछु।
जय शिक्षालाई, जय बाल संसार।
