palharu.com

10/08/2026

कोइरालाले अस्वीकार गरे २ करोडको सरकारी बजेट

काठमाडौं । नेपाली कांग्रेसका नेता डा. शेखर कोइरालाले आगजनीबाट क्षतिग्रस्त विराटनगरस्थित कोइराला निवास पुनर्निर्माण तथा मर्मतका लागि सरकारले छुट्याएको २ करोड रुपैयाँ बजेट लिन अस्वीकार गरेका छन्।

उनले सरकारी रकम लिन आफू नैतिक रूपमा असमर्थ रहेको भन्दै संस्कृति, पर्यटन तथा नागरिक उड्डयन मन्त्रालयलाई बजेट फिर्ता गर्न पत्र पठाएका छन्।

मन्त्रालयले आर्थिक वर्ष २०८३/८४ को बजेटमार्फत कोइराला निवासका लागि उक्त रकम विनियोजन गरेको थियो।

10/08/2026

10/08/2026

पालिका तहका आधारभूत अस्पताल निर्माणमा कमजोर प्रगति : तोसिमा कार्की

काठमाडौं । प्रतिनिधिसभा सांसद तोसिमा कार्कीले पालिका तहमा निर्माण गर्ने भनिएका आधारभूत अस्पतालको प्रगति अत्यन्तै कमजोर रहेको बताएकी छन्।

उनले सरकारले देशभर निर्माण गर्ने लक्ष्य लिएका आधारभूत अस्पतालमध्ये हालसम्म १७ प्रतिशत मात्रै निर्माण सम्पन्न भएको तथ्यांक प्रस्तुत भएको बताइन्। निर्माण सम्पन्न भनिएका अस्पतालमध्ये पनि सरकारले तोकेको मापदण्ड पूरा गरी पूर्ण रूपमा सञ्चालनमा आएका कति छन् भन्ने स्पष्ट तथ्यांक नरहेको उनको भनाइ छ।

“जनताको स्वास्थ्यमा लगानी गर्न सरकारले कहिल्यै कन्जुस्याइँ गर्नु हुँदैन। विकासको पहिलो सूचक नै स्वस्थ नागरिक हुन्,” कार्कीले बताइन्।

उनले निर्माण सम्पन्न भएका अस्पतालको समेत प्रभावकारी अनुगमन गरी आवश्यक मापदण्ड पूरा गरेर सञ्चालनमा ल्याउनुपर्नेमा जोड दिइन्।

10/08/2026

राजसंस्था हटेदेखि नेपाललाई दशा लाग्यो : दुर्गा प्रसाईं

काठमाडौं । दुर्गा प्रसाईंले राजसंस्था हटाइएपछि नेपालमा विदेशी चलखेल बढेको दाबी गर्दै फागुन २१ गतेको चुनावलाई ‘नेपाल र नेपालीका लागि पासो’ भएको टिप्पणी गरेका छन्। उनले वर्तमान राजनीतिक नेतृत्वमाथि समेत गम्भीर आरोप लगाएका छन्।

10/08/2026

बाढीले हुलाकी राजमार्ग डुबानमा, जोखिम मोलेर यात्रा गर्न बाध्य

रौतहट । लाल बकैया खोलामा आएको बाढीले राजपुर क्षेत्रमा हुलाकी राजमार्ग डुबानमा परेको छ। कम्मरसम्म पानी र तीव्र बहाव हुँदाहुँदै पनि उपचार, बजार तथा दैनिक कामका लागि स्थानीय र यात्रुहरू जोखिम मोलेर सडक पार गर्न बाध्य छन्।

बाढीको बहाव बढ्दै गएपछि दुर्घटनाको जोखिम उच्च बनेको छ। सम्भावित क्षति रोक्न नेपाल प्रहरी र सशस्त्र प्रहरी परिचालन गरिएको छ। प्रशासनले अत्यावश्यक कामबाहेक जोखिमपूर्ण यात्रा नगर्न आग्रह गरेको छ।

10/08/2026

‘झिँगेदाउ २’ को मर्मस्पर्शी टिजर सार्वजनिक

परिवारभित्रको सम्पत्ति विवाद र सम्बन्धमा आउने उतारचढावलाई प्रस्तुत गरिएको फिल्म ‘झिँगेदाउ २’ को टिजर सार्वजनिक भएको छ। ज्ञानेन्द्र देउजा निर्देशित फिल्ममा केकी अधिकारी, आँचल शर्मा, महेश त्रिपाठी, कुशल विष्टलगायत कलाकार छन्। टिजरले आमाको रहस्यमय हराइसँगै कथामा थप कौतुहलता जगाएको छ।

10/08/2026

विदेशमा रहेका नेपाली श्रमिकका लागि नयाँ टेलिमेडिसिन पोर्टल

काठमाडौं । विदेशमा रहेका नेपाली श्रमिकले विशेषज्ञ चिकित्सकसँग प्रत्यक्ष परामर्श लिन सक्ने गरी सरकारले नयाँ वेब–आधारित टेलिमेडिसिन पोर्टल ल्याउने तयारी गरेको छ। श्रमिकको स्वास्थ्य सुरक्षा र वैदेशिक रोजगार व्यवस्थापनमा थप सुधार गरिने श्रममन्त्री रामजी यादवले बताएका छन्।

🎥 पूरा भिडियो हेर्न YouTube मा जानुहोस्:
https://www.youtube.com/