20/06/2026
बुङ्गद्य: बुङ्गमती फर्काउदा किन बुङ्गमतीवासी गाली गर्छन् ? +18 😀
एक हराएको - 'भौ ब्व बियेगु' चलन …
भोटो जात्रा सकेर बुङ्गद्य मच्छिन्द्रनाथ बुङ्गमती ल्याउदा बुङ्गमतीवासीहरु सवा लाख दिप प्रज्वलन गर्न छ्वाली बालेर स्वागत गर्दछन् तर कसैले नचिताएको पारामा गाली पनि गर्दछन् । गाली गरेको प्रसङ्गमा बुङ्गद्य: सँग प्रत्यक्ष सरोकार राख्ने पाञ्जुहरुको राय र बुङ्गमतीका ज्येष्ठ नागरिकहरुको राय फरक फरक रहेको छ ।
बुङ्गद्य: थति टोलमा हुदाखेरी केही पोडेनी केटीहरुसँग रसरङ्गमा भुलेको, त्यस्तै कीर्तिपुरमा पनि एक जना स्थानीयसँग मायाप्रीतिमा भुलेको , बुङ्गती अासपासका एक तामाङ्ग केटीसँग पनि रसरङ्गमा भुलेको प्रसङ्ग जनमानसमा सुन्दै आइरहेका छौं । यति मात्र नभएर पाटन शहरभरि रथयात्राका क्रममा जसको पनि जुठो खाएको हुनाले बुङ्गद्य मच्छिन्द्रनाथ अपवित्र भएको हुन्छ । त्यही भएर वर्षा गर्नका ल्याइएको बुङ्गद्यः आफ्नो कर्तव्य बाट विमुख भएकोले असार महिना अाइसकेको हुदा पानी पारिदिनका लागि गाली गर्न परेको भनेर स्थानीय केही ज्येष्ठ नागरिकहरुको मत रहेको पाइन्छ। तिनीहरुको अनुसार यसरी अश्लील तरिकाले गाली गर्ने चलन धान रोप्ने बखत पानी नपर्दा जसले धान रोपिसकेको छ तिनीहरुलाई लक्षित गरेर पनि गाली गरिन्छ । यसलाई 'भौ ब्व बियेगु' चलन भनेर भनिन्छ जुन नेपालमण्डलका नेवाःकिसान हरुमा मात्र नभएर खस जातीमा पनि केही दशक अघि सम्म चलेको पाइन्छ । 'भौ' भनेको देउता र ब्वबियेगु भनेको गाली गर्नु हो । यसो गरेमा पानी परेर धान रोप्न सकिने अवस्था आउछ भन्ने विश्वास गरिन्छ । अश्लीलता पनि हाम्रो सभ्यताको एक अंश हो र हाम्रो मन कति चञ्चल,उत्शृखल हुन्छ भनेर हाम्रा पुर्खाले हामीलाई विभिन्न तरिकाले सिकाएको होकि भनेर अनुमान लगाउन सकिन्छ ।
निम्न वाक्यांश प्रयोग गरेर बुङ्गद्य मच्छिन्द्रनाथलाई गाली गरिन्छ जसको अर्थ कुनै नेवाः साथीहरुसँग सोध्नुहोला ।
बुङ्गद्य खतमा राखेर बुङ्गमती ल्याउदा खेरी
''छ्वाल्प्वा: च्याका पे भौ । " भनेर गाली गरिन्छ ।
धान रोप्न जादा पानी नपरेमा -
" सा वाः म्हेस्त सौलं केकिगु,
कु ज्या याम्ह म्हेस्त कुलीं केकिगु,
प्वाचा पिउ म्हेस्त घ्य फेका पेsss भौ ।"
भनेर 'भौ ब्व बियेगु ' गरिन्छ ।
तर बुङ्गद्य - मच्छिन्द्रनाथसँग प्रत्यक्ष सरोकार राख्ने पाञ्जुहरुले त्यस्तो अश्लील भाषा केही नभएको,अपभ्रशं भएर मात्र आएको, मच्छिन्द्रनाथ रसरङ्गमा कहिल्यै नभुलेको, आकासबाट पानी पार्दिनका लाग छ्वाली बालेर स्वागत गरेको भन्दछन् । तिनीहरुका अनुसार :
"छ्वाल्प्वा च्याका कय भौ "
भनेर मच्छिन्द्रनाथसँग पानी माग्नु पर्छ भनेर सबैलाई आग्रह गर्दछन् ।
ककसैले - "छ्वाल्प्वाः च्याका वा वय भौ " पनि भनेेेर पानी माग्नु पर्छ भनेर पनि भन्ने गर्छन् ।
अब जनमानसमा ब्याप्त बुढापाकाको कुरा सुन्ने कि , बुङ्गद्य संस्कारसँग प्रत्यक्ष सरोकार राख्ने पाञ्जुहरुको कुरा सुन्ने रोजाइ तपाईं कै ....
Credit: Bungamati
Vedio credit : Suresh duwal
