15/07/2026
⚽ लगातार पेनाल्टीको रोमाञ्च! बेलहानी ए र बेलहानी बी दोस्रो चरणमा
🔥 दर्शकको उत्साह चरममा, प्रतियोगिता झन् रोमाञ्चक बन्दै
🟥 स्पोर्ट्स अपडेट |
तपाईंको आफ्नै आवाज
स्वतन्त्र फुटबल एकेडेमी (SFA) द्वारा आयोजित खुला सेभेन ए साइड फुटबल प्रतियोगिता–२०८३ अन्तर्गत आज प्रतियोगिताको छैटौँ दिन दुई रोमाञ्चक खेल सम्पन्न भएका छन्। (हिजो प्राविधिक त्रुटिका कारण दिन गणनामा भएको गल्तीलाई सच्याउँदै आजको खेललाई आधिकारिक रूपमा छैटौँ दिनको खेलका रूपमा प्रस्तुत गरिएको छ।)
आजको पहिलो खेलमा गिरीबारी फुटबल क्लब र बेलहानी बी फुटबल क्लब बीच प्रतिस्पर्धा भएको थियो। दुवै टोलीले उत्कृष्ट र अनुशासित प्रदर्शन गरे पनि निर्धारित समयमा कुनै गोल हुन सकेन। त्यसपछि खेलको निर्णय पेनाल्टी सुटआउट मार्फत गरिएको थियो। पेनाल्टीमा बेलहानी बी फुटबल क्लबले १–० को अन्तरले गिरीबारी फुटबल क्लबलाई पराजित गर्दै दोस्रो चरणमा आफ्नो स्थान सुरक्षित गरेको छ।
त्यसैगरी आजको दोस्रो खेलमा बेलहानी ए फुटबल क्लब र ठुलटाडी फुटबल क्लब बीच प्रतिस्पर्धा भएको थियो। निकै प्रतिस्पर्धात्मक बनेको यस खेलमा पनि निर्धारित समयमा कुनै गोल हुन नसकेपछि खेल पेनाल्टी सुटआउटमा पुगेको थियो। पेनाल्टीमा बेलहानी ए फुटबल क्लबले १–० को अन्तरले ठुलटाडी फुटबल क्लब लाई पराजित गर्दै दोस्रो चरणमा प्रवेश गर्न सफल भएको छ।
आजका दुवै खेलहरू खेलाडीहरूको उत्कृष्ट अनुशासन, खेलभावना र उच्च प्रतिस्पर्धाका बीच सम्पन्न भए। खेल मैदानमा दर्शकहरूको उल्लेखनीय तथा बाक्लो उपस्थिति रहेको थियो, जसले प्रतियोगिताको उत्साहलाई थप उचाइ दिएको थियो।
आजको खेलमा मुख्य रेफ्री को जिम्मेवारी श्री पदम थापा मगर र श्री रुम बहादुर मगर ले निर्वाह गर्नुभएको थियो। सहायक रेफ्री को भूमिकामा रुमबहादुर सोमैँ मगर र विवेक ढेंगा मगर रहनुभएको थियो।
प्रतियोगिताको अध्यक्षता तुफान लामीछाने ले गर्नुभएको थियो भने "तपाईंको आफ्नै आवाज" यस प्रतियोगिताको अफिसियल मिडिया पार्टनर का रूपमा निरन्तर समाचार, भिडियो तथा खेलका हरेक अपडेटहरू सम्प्रेषण गरिरहेको छ।
प्रतियोगिता छैटौँ दिनसम्म आइपुग्दा खेलहरू झन् रोमाञ्चक, प्रतिस्पर्धात्मक र व्यवस्थित बन्दै गएका छन्। आगामी खेलहरूको प्रत्यक्ष अपडेट, नतिजा, विशेष रिपोर्ट तथा हाइलाइट्स हेर्नका लागि "तपाईंको आफ्नै आवाज" को अफिसियल फेसबुक पेज लाई लाइक तथा फलो गर्नुहोस्, अफिसियल टिकटक लाई फलो गर्नुहोस् र युट्युब च्यानल लाई सब्सक्राइब गरेर हामीसँग जोडिरहनुहोस्।
हाम्रा सबै समाचार तथा खेलका विशेष सामग्रीहरू फेसबुकमार्फत पनि नियमित रूपमा साझा गरिँदै आएका छन्।
🎥 क्यामरा: राजिन ढेंगा मगर
🎙️ रिपोर्ट: तपाईंको आफ्नै आवाज
धन्यवाद।
