https://www.facebook.com/101469095494619/

𝐇𝐈𝐌𝐀𝐍𝐈 𝐏𝐎𝐒𝐓, kathmandu, Kathmandu (2026)

16/07/2026

प्रधानमन्त्री बालेन्द्र शाहले अर्थमन्त्री डा. स्वर्णिम वाग्ले, कानून, न्याय तथा संसदीय मामिला मन्त्री सोविता गौतम र महान्यायाधिवक्ता डा. नारायणदत्त कंडेलको कार्यसम्पादनप्रति असन्तुष्टि जनाउँदै उनीहरूलाई हटाउन रास्वपा सभापति रवि लामिछानेसँग आग्रह गरेको दाबी गरिएको छ।

लोकान्तरका अनुसार असार २८ गते बूढानीलकण्ठस्थित लामिछाने निवासमा भएको करिब चार घण्टा लामो भेटवार्तामा सरकारको कार्यसम्पादनबारे छलफल हुँदा प्रधानमन्त्री शाहले आफ्नै टोलीका केही सदस्यबाट अपेक्षित सहयोग नपाएको गुनासो गरेका थिए।

स्रोतका अनुसार सरकारका निर्णय अदालतबाट पटक–पटक उल्टिएको विषय उठाउँदै प्रधानमन्त्री शाहले कानून मन्त्री र महान्यायाधिवक्ताको भूमिका प्रभावकारी नभएको बताएका थिए। अर्थमन्त्री वाग्लेको कार्यसम्पादन, बजेट कार्यान्वयन, विद्युतीय सवारीको भन्सार विवाद तथा शेयर बजारप्रतिको भूमिकाबारे पनि उनले असन्तुष्टि व्यक्त गरेको दाबी गरिएको छ।

भेटमा प्रधानमन्त्री शाहले रास्वपाका केही सांसदले समेत सरकारको बचाउभन्दा आलोचनात्मक भूमिका खेलेको विषय उठाएको बताइएको छ।

यता सभापति रवि लामिछानेले प्रधानमन्त्रीका प्रमुख स्वकीय सचिव कुमार बेन र राजनीतिक सल्लाहकार असिम शाहको भूमिकामाथि प्रश्न उठाउँदै सल्लाहकार टोलीलाई थप प्रभावकारी बनाउन सुझाव दिएको स्रोतको दाबी छ। संविधान संशोधन बहस, सिंहदरबारभित्रको गतिविधि तथा केही प्रशासनिक निर्णयबारे समेत उनले चासो व्यक्त गरेको जनाइएको छ।

यद्यपि, भेटपछि सार्वजनिक रूपमा सञ्चारकर्मीसँग कुरा गर्दै लामिछानेले प्रधानमन्त्रीसँग सुकुम्बासी समस्या, सरकारका कामकारबाही र समसामयिक राजनीतिक विषयमा सकारात्मक तथा परिणाममुखी छलफल भएको बताएका थिए।

नोट: यस समाचारमा उल्लेख गरिएका विवरणहरू लोकान्तरले स्रोतको हवाला दिँदै गरेको दाबीमा आधारित छन्। सम्बन्धित पक्षबाट यी दाबीबारे औपचारिक पुष्टि वा प्रतिक्रिया सार्वजनिक भएको छैन।

15/07/2026

ॐ शं शनैश्चराय नमः। "हे शनिदेव! हजुरको बक्र दृष्टि र साढेसातीको प्रकोपबाट सम्पूर्ण जगत्को रक्षा होस्। शनिको दशा र बक्र दृष्टि कसैलाई नपरोस् । सबैलाई सत्कर्म गर्ने बुद्धि र शक्ति मिलोस्। सुख, शान्ति र प्रगतिको बाटो खुलोस्। ॐ शं शनैश्चराय नमः। शुभ शनिबार ।" 🖤🙏

14/07/2026

नेपाल सरकारले पेट्रोलमा इथानोल मिसाएर प्रयोग गर्ने तयारीलाई तीव्र बनाएको छ। नेपाल गुणस्तर तथा नापतौल विभागले पेट्रोलमा मिसाइने इथानोलको गुणस्तर मापदण्डको मस्यौदा सार्वजनिक गर्दै सुझाव मागेपछि यो प्रक्रिया अन्तिम चरणतर्फ पुगेको हो।

प्रस्तावित मापदण्डअनुसार पेट्रोलमा मिसाइने इथानोल कम्तीमा ९९.५ प्रतिशत शुद्ध हुनुपर्नेछ। साथै इथानोल पूर्ण रूपमा सफा, पारदर्शी र ठोस कणरहित हुनुपर्ने व्यवस्था गरिएको छ। मेथानोल, टर्पेन्टाइन, किटोन र टारजस्ता सवारीसाधनको इन्जिन तथा इन्धन प्रणालीमा असर पार्न सक्ने पदार्थ प्रयोग गर्न पनि प्रतिबन्ध लगाइने प्रस्ताव गरिएको छ।

इथानोल अत्यधिक ज्वलनशील हुने भएकाले सुरक्षित, सुख्खा र चुहावट नहुने ड्रम वा ट्यांकीमा भण्डारण गर्नुपर्ने तथा प्रत्येक कन्टेनरमा उत्पादक, ब्याच नम्बर, परिमाण र उत्पादन प्रविधिसम्बन्धी विवरण अनिवार्य रूपमा उल्लेख गर्नुपर्ने मापदण्डमा समेटिएको छ।

सरकारले २०८२ माघ २३ गते ‘इथानोल मिश्रित पेट्रोल प्रयोग आदेश, २०८२’ स्वीकृत गरेको थियो। नेपाल राजपत्रमा प्रकाशन भएसँगै आदेश लागू भएको हो। उक्त व्यवस्थाअनुसार उपलब्धताका आधारमा नेपाल आयल निगमले पेट्रोलमा अधिकतम १० प्रतिशतसम्म इथानोल मिसाएर बिक्री गर्न सक्नेछ। आवश्यक परे मन्त्रिपरिषद्ले मिश्रणको अनुपात परिवर्तन गर्न सक्ने व्यवस्था पनि गरिएको छ।

सरकारले चिनी उद्योगबाट निस्कने मोलासिस, नेपियर घाँस, कृषि तथा वनजन्य फोहोर, धानको पराल, मकैका डाँठ, गहुँको भुस, उपभोगयोग्य नरहेका अन्न, कसाभा लगायतका कच्चा पदार्थबाट इथानोल उत्पादन गर्न प्रोत्साहन दिने नीति लिएको छ। खाद्य सुरक्षालाई ध्यानमा राख्दै खाद्यान्नलाई भने इथानोल उत्पादनका लागि प्रयोग गर्न नपाइने व्यवस्था गरिएको छ।

नेपाल आयल निगमले गुणस्तर मापदण्ड पूरा गर्ने इथानोल मात्रै खरिद गर्नेछ। हालसम्म इथानोल उत्पादन तथा बिक्रीका लागि आठ कम्पनीले आवेदन दिएका छन्। गुणस्तर मापदण्ड अन्तिम भएपछि मूल्य निर्धारण र खरिद प्रक्रिया अघि बढाइने उद्योग, वाणिज्य तथा आपूर्ति मन्त्रालयले जनाएको छ।

सरकारको विश्वास छ कि इथानोल मिश्रित पेट्रोलको प्रयोगले इन्धन आयातमा निर्भरता घटाउने, स्वदेशी उत्पादनलाई प्रोत्साहन गर्ने, रोजगारी सिर्जना गर्ने र वातावरणीय प्रदूषणसमेत कम गर्न सहयोग पुग्नेछ।

14/07/2026

यमनका हुथी विद्रोहीले साउदी अरबको अबहा अन्तर्राष्ट्रिय विमानस्थललाई ब्यालिस्टिक मिसाइल र ड्रोनमार्फत निशाना बनाएको दाबी गरेका छन्। हुथीका अनुसार यो आक्रमण साउदी समर्थित पक्षले यमनको राजधानी सना अन्तर्राष्ट्रिय विमानस्थलमा गरेको हवाई आक्रमणको प्रतिउत्तरस्वरूप गरिएको हो।

हुथीका प्रवक्ता याह्या सारेयाले सबै अन्तर्राष्ट्रिय एयरलाइन्सलाई साउदी हवाई क्षेत्र प्रयोग नगर्न चेतावनी दिएका छन्। उनले सना विमानस्थलमाथिको प्रतिबन्ध हटाइएन भने यस्ता कारबाही जारी रहने चेतावनी पनि दिएका छन्।

उता, समाचार एजेन्सी रोयटर्सका अनुसार साउदी समर्थित यमनी सरकारको रक्षा मन्त्रालयले इरानी विमान अवतरण रोक्ने उद्देश्यले सना अन्तर्राष्ट्रिय विमानस्थलको रनवेमा आक्रमण गरिएको जनाएको छ।

यस घटनापछि मध्यपूर्वको सुरक्षा अवस्था थप संवेदनशील बनेको छ। पछिल्ला दिनहरूमा क्षेत्रीय तनाव बढ्दै जाँदा अन्तर्राष्ट्रिय उडान, व्यापार तथा सुरक्षामा समेत असर पर्ने चिन्ता बढेको छ।

10/07/2026

खगेन्द्र सुनुवार र रिमा विश्वकर्मा कहाँ लुके भन्दै माइती घरमा युवा आएको

10/07/2026

गृहमन्त्रीज्युबाट हप्काई खप्काइ भेटियो, सभामुखज्युको ध्यानाकर्षण गराउन चाहान्छु!

10/07/2026

ट्राफिकको दमन बिरुद्द आरेन राई:

10/07/2026

उद्दार गर्न हेली किन पुगेन भन्ने बिषयमा गृहमन्त्री सुदन गुरुङ

10/07/2026

गणेश नेपालीलाई बचाउन सरकारले के के गर्यो, सुदन सुदन गुरुङले सुनाए नालीबेली, सबै सांसदहरुको रुवाबासी

10/07/2026

गृहमन्त्री सुदन गुरुङको कारण गणेश नेपालिको ज्यान गयो , सुदन गुरुङ गृहमन्त्री हुन् कि कन्टेन्ट क्रेटर हो रातभरी कहिले वीर अस्पताल कहिले एयर्पोर्ट के पारा हो ? - ज्ञानेन्द्र शाही

𝐇𝐈𝐌𝐀𝐍𝐈 𝐏𝐎𝐒𝐓

16/07/2026

15/07/2026

14/07/2026

14/07/2026

10/07/2026

10/07/2026

10/07/2026

10/07/2026

10/07/2026

10/07/2026

Address

Website

Alerts

Shortcuts

Share

Listing takedown request