19/03/2026
नेपाली गजल
के भनुँ , तपाईले घरको गुन्द्री दुनियाँलाई देखाउनु भयो ।
आफ्नो छोरालाई वैरी र वैरीलाई आफ्नो छोरा बनाउनु भयो ।
सौतेली आमा पनि सौताको छोराको ईज्जतलाई आफ्नो सम्झिन्छ,
आमा आफ्नै छोराको ईज्जत उछालेर के नाम कमाउनु भयो ।
यो आमा भन्ने शब्द कति पवित्र छ जसमा कुनै दाग हुँदैन,
आफ्नो नैतिकलाई बेचेर आमा शब्दमा दाग लगाउनु भयो ।
बालपन आमा बिना , योवन बुबाको बिना बिताएको छु मैले,
आफ्नो निजि स्वार्थका लागि दुवैले मलाई पाखा धपाउनु भयो ।
अब दु:खलाई अंगाली आफ्नो जिवन यात्रामा हिडिरहेको छु,
धन्यवाद छ बुबा आमा की मेरो जिवन यात्रा सम्झाउनु भयो ।
हेर आज सबैले प्रमाणित गर्नुभयो की प्रयास एक्लै छ,
हो आज प्रयास एक्लै छन उसको भाग्यले बताउनु भयो ।
प्रयास प्रेमी मैथिल
