10/06/2026
उमामहेश्वर
भक्तपुर वडा नं ५ तुलाछें स्थित जगनाथधाम परिसरमा रहेको एक मन्दिर उमामहेश्वरको मन्दिर हो । यो मन्दिर राजा जितामित्रको पालामा काठमाण्डौका राजा प्रताप मल्लको छोरा राजा नृपेन्द्र मल्लले ने सं ७९८ मा बनाउन लगाएका थिए । राजा प्रताप मल्लको समय सम्म काठमाण्डौ र भक्तपुरका राजा जगत प्रकाश मल्ल बिच निकै पटक युद्ध भएको थियो । त्यस समय कहिले काठमाण्डौ र पाटन मिलेर भक्तपुरमा युद्ध गर्थे भने कहिले भक्तपुर र पाटन मिलेर काठमाण्डौमा लडाइ गर्थे । तर प्रताप मल्लको छोरा नृपेन्द्र मल्ल र जगत प्रकाश मल्लको छोरा जितामित्र मल्लको पालामा आउँदा दुई राज्य बीच राम्रो सम्बन्ध भैसकेको थियो । तसर्थ काठमाण्डौले आफ्नो मायाको प्रतीक यो मन्दिर बनाइदिएको थियो । बि सं २०५४ सालमा भक्तपुर नगरपालिकाद्वारा भत्किन लागेको यो मन्दिर पुर्ण रुपमा भत्काएर पुन: निर्माण गर्ने क्रममा जगमा राखिएको तामाको लोटा भित्र राखिएको चुन्ना मुद्राहरुमा श्री प्रताप लेखिएको थियो भने अर्को मुद्रामा साल समेत लेखिएको थियो ।
लेख: GR Ranjit Sir
स्रोत: Purushottam Lochan Shrestha
cr. किंवदन्तीमा भक्तपुर
