CV De Mallebergers

Dees Vastelaovendvereiniging is in 't seizoen 1968/1969 oontstande oet destijds al bestoonde buurtvereiniging M68. In de loup vaan de jaore hobbe de Mallebergers nogal get hoesvestigingsprobleme gekind. De ierste elf jaor woort gebruuk gemaak vaan de es multifunctioneel centrum bedoelde kerk vaan Malberg aon 't Dukaatplein. Nao e jaor of tien kaom daortege opstand vaanoet 'ne krink vaan strenggelu

ivige kerkgengers met es rizzeltaot tot 't gebouw allein nog mer es kerk gebruuk moch weure. Noedgedwonge verbleve de vastelaovendsvierders ein sezoen in 'n groete tent op 't Recessenplein. Daornao woort via de Gemeintelijke Sportstiechting 'ne gymzaol aon de Ponjaardruwe besjikbaar gesteld. Op dit momint is 'ne groete zaol in 't Centre Magnefiek Malberg al vaole jaore 't gerefelek domicilie vaan de Mallebergers. Neve väöl aktiviteite met e fiestelek of sociaal karakter - bij dat letste velt te dinke aon zittinge veur bejaarde en bezeuke aon hospitaol, klinieke en tehoezer - verzorge de Mallebergers deks op de vriedag veur Vastelaovend lesse Carnavalogie op de basissjaole vaan Malberg en goon zie in gepasde erns aoch nao un carnevals mes. netuurlijk trekke zie aog oet in de optoch vaan Groet-Mestreech. Um 'ne Prins te kriege hobbe de Mallebergers de kaos in dreij groet woenwieke. De kandidate mage woene in Malberg, Aajd-Caberg en Malpertuis. Zie mote voldoen aon de primair veurwaarde: Mestreechteneer zien