06/10/2026
Maryam Wazeery ta bayyana cewa ta yi wani lokaci tana nesa da mutane, amma duk da hakan, ba ta taɓa mantawa da irin ƙaunar da masoyanta s**a ci gaba da nuna mata ba.
Ta ce wasu abubuwan da mutum ke fuskanta a rayuwa kan sauya shi har abada, inda ta bayyana cewa a yanzu tana koyon karɓar sabuwar rayuwar da ta tsinci kanta a ciki, tare da ƙara godiya ga Allah.
Ta kuma gode wa dukkan mutanen da s**a riƙa tura mata saƙonni, tambayar halin da take ciki, yi mata addu’a da kuma ci gaba da tuntubarta a lokacin da ba ta samu damar amsa musu ba.
Maryam ta ce ta ga kuma ta ji irin wannan kulawa da aka nuna mata, kuma ba za ta taɓa ɗaukar hakan da wasa ba.
Ta bayyana cewa rayuwa ta canza ta ta hanyoyin da ba ta taɓa zato ba, inda ta ce akwai wasu ranakun da ba ta da kalmomin da za ta iya bayyana abin da ke zuciyarta, sai dai ta yi addu’a, ta yi haƙuri sannan ta ci gaba da rayuwa.
A ƙarshe, ta ce duk da wahalhalu, hawaye, koma baya da kuma gwagwarmayar da ta fuskanta a cikin shiru, ta tsira kuma har yanzu tana tsaye, tana mai godiya ga Allah bisa rayuwa da kuma sabon babin da ta shiga.
