09/07/2026
When the News get to the oldest man table for the community, because back in those days, the person when them dey regard as king or president or chairman, na old person when also get power in all ramifications (gerontocracy and plutocratic). The alligation hurt Akpovome so Much. The day when dem summon Akpovome to the eldest man house, he papa come first talk to am that evening; my pikin, I trust you, I nor need to ask you if you do this thing when them dey lie for your head, and who ever the person or people be, I know say one day, breeze go blow and fowl yanch go open. Go my pikin, your ancestors go guide and be your guard. Akpovome mama been nor dey around when the eldest man summon am, but when she come back from farm, na her 4th born nie tell her say, the akpaluku summon Akpovome based on the rumors when dom dey circulate for the community say Akpovome dey sleep with the women when he dey do work for, to fit conceive. The mama come cry out very loud say; unless nor be my ancestors send Akpovome to me, na the only way them go get away with this evil them plan for this my pikin when I carry for my Belle, when remove shame from those family.
Akpovome come reach the Okpaluku house, and he meet other senior men of the community for there.
As them say make them begin talk the matter, nie heavy rain start to blast, all the elders come find their way to their various houses.
Na for the he next chapter we go find out watin happen to Akpovome.
