https://www.facebook.com/100689935964796/

Adeyanju Onitan Aroso, 3, Kolade Adedeji Street , jaffa bus stop, Opeilu (2026)

Q: What is the address?

3, Kolade Adedeji Street , Jaffa Bus Stop

21/08/2026

ÀTÙPÀ EYINJU OLODUMARE (Apa Kẹta)
IWE ITAN LATI OWO OMO OBA MIFUTAUDEEN ADEYANJU ADEBOYE
OJU IWE 32

Hunm,Lojo igbade oba Ajagungbade awon abiyamo ode orun ni won koko de si aafin oba naa,a*o kanna ni gbogbo won wo,bata to si wuyi ni won wo sii pelu,nse ni ojuu won gunrege daadaa,beeni eyin ojuu won naa mole kedere bii oju eja abori nisale odo,kosi enikeni to lee mo pe,awon ni agbalagba abiyamo aboja gbooro-gbooro,afinju eye tii je ni gbangba oko,agbalagba eye abiye bage bage ti won nti isalu orun fo wa si isalu aye,Iba eyin agbalagba 🙇,Afi alagbara eniyan to ba weju nikan loku to lee da won mo daadaa,Dide ti won de inu aafin kabiyesi ni won gbalo taara,won lo ree ki oba tuntun naa laafin,lesekese ti onitohun naa ti ri won bayi lo ti sare da won mo kiakia,o ki won teso-teso,o ki won tologun-tologun,awon iya yi tun sure fun oba naa,nibi ti won ti n sure fun oba yi lowo ni awon abiyamo ode aye naa ti ba won nibe,Awon wonyi ni ake kan-an ran,a la kan-an ran,afinju eye tii jeun niwaju oba,Awon abiyamo mejeeji parapo sure fun oba tuntun,Nse ni inu oba ajagungbade naa ndun yungba,leyin ti won sure fun oba yi tan,gbogbo won jade si gbagede won lo ree joko si ibi pataki ti won fi ijoko won si,E woo mio ni lee so orisirisi awon alejo tiwon wa sibi ayeye yi lojo naa lohun, nitori pe ero ti poju nibi ayeye naa,Se ti awon ladelade ni mo fe so ni abi ti awon loye-loye eyi ti enikeni kotile mo ibiti gbogbo won ti nroo wa witi-witi,nse lo dabi igbati awon eniyan ba n tuu jade lati inu ile kan lojo naa ni,gbogbo ona eyi to wo ilu Smsaworo patapata ni awon alejo ti ngba ibe wole,nse ni enu ibode kun fofo fun awon ero,bee ni iro ilu ayo naa ndun kikankikan,bi iro ilu ti ndun beeni sekere naa npariwo lotun losi,ese gbogbo awon ara ilu saworo lo pe wamu-wamu sibi ayeye yi lojo naa,iyaa wa Efunyela ati baale won ifaronbi aaye pataki ni won fi ijoko won si lori aga ola,ero ti po bii omi laafin,sugbon ao tii gburo ayanfe Olodumare naa,sugbon won ti fi aga abami eda naa ti yio joko si sile laarin awon loba-loba,nse ni gbogbo eniyan nwo aga naa bo se tobi to ati bo se rewa ju gbogbo awon aga towa ni ikale lo,awon ogberi eniyan nwo aga naa pe taani eni naa ti won fi aga nla to rewa naa kale fun?Gbogbo won duro won fe mo eni pataki naa gan-an to fe joko lori aga pataki yi,Laifi akoko sofo,eto ayeye igbade naa bere ni pereu,orisirisi awon eniyan ti enikeni ko da won mo ni won beresi ni wole kete-kete,won ti ko orisirisi Ade kale fun oba tuntun,Nigba toto akoko kan ayanfe Olodumare naa yo lookan lori ako esin nla kan bayi,bo se nbo bee lawon maarun tiwon je jagunjagun ode aye tiwon tun je jagunjagun ode orun nte lee bo leyin,Eni akoko ni OMOLARO,eni keji ni IKA-OMESI,iketa ni OLUPONNA AJAKAYE,,ikerin ni OLANU HAA HAA WOLE,eni karun si ni,IDAGBE tii gunmo lese laajin,awon wonyi ni.....🤷🤷

Onkotan ni omo oba Adeyanju..✍️✍️
Fun iranlowo eto yi. 07033678636
E sehun gan-an modupe lopolopo
Ipade wa tun di woo biojo ro,ire oo 🙇🙋‍♂️🙋‍♀️🙋

20/08/2026

ÀTÙPÀ EYINJU OLODUMARE (Apa Kẹta)
IWE ITAN LATI OWO OMO OBA MIFUTAUDEEN ADEYANJU ADEBOYE
OJU IWE 31

Hunm,Ayanfe Olodumare naa wa se kilokilo fun oba tuntun naa pe,Gbogbo nkan to sele wonyi laarin emi ati iwo ninu yara ipebi yi,ohun ni won npe ni Asiri nla,ma se gbiyanju lati so pe o fe so asiri naa fun eda alaye kankan lori ile aye yi,gbogbo ohun ti mo se fun o wonyi ohun ni ise ti Olodumare ran mi pe ki nje fun o,ohun naa ni mo ti je fun o yi,eleyi ni nkan asiri lati odo Olodumare,Awon ti Olodumare fi asiri aye han won kii tuu sita,awon ti won mo asiri ode aye ati tode orun won kii sọọ sita rara,gbogbo nkan ti odo tiwon batide bayi kii tun rita mo,t**i ti nma fi pada si ibiti motiwa lode orun ko gbodo ti enuu re jade sita pe,eemi Okanbi omo efunyela ni mo wa se etutu oba fun o ninu yara ipebi,tabi ko tu asiri mi fun eda alaaye kankan iru eda ti mo je,eewo ni ma dan-an wo rara,wiwo lenu awo maa nwo,nigba to bato akoko naa ti mo fe pada si ode orun ojo naa gan-an ni gbogbo ara ilu saworo yi yio mo iru eda ti mo je gan-an ni pato,O pari oro re pelu ikilo pataki fun oba tuntun yi pe,o ti di alagbara eniyan pada bayi,Ajagungbade ti tele o ti yato si ti asikoyi,agbara awon irunmole ode aye ati tode orun ti sokale si ago ara re,o ti di a*oju Olodumare lori ile aye bayi,ida agbara tiwa lowoo re,mo fe kio lo ida naa daadaa,kio fi tun ti awon omo eniyan se,ma gbiyanju lati fi ba ti awon eniyan re je,ranti akoni alagbara ojosi ti oruko re nje Mojala ode orun,Ase tiwa lenuu re bayi sora fun gbogbo ohun-kohun tio ba fe ma fi enuu re so boya ninu ile tabi nii ita gbangba,nitori pe oro enu oka a maa pa oka fun rara re,lojokojo ti oka bafi enu so ara re oro re yi naa ni yio se iku paa,imoran mi fun o koju bayi lo,yio dara fun o,o nii te oju ile mole,oba eyi tio je yi aje gbo,aje to,ade awon babanla baba re ko nii wo o lorun,Ade a pe lori,bata a pe lese,irukere aa dokinni,bee ni yio ri nitori ase ni tedumare,Leyin ti Okanbi sure fun oba Ajagungbade tan,o so fun-un wipe,ipade awon tun di ojo igbade re,igbanaa ni oun yio wa gbe Ade isenbaye naa le Ajagungbade lori,bee si ni o ko gbodo dobale fun eda alaaye kankan mo ni ita gbangba,eda keda ti kii ba se ikan ninu awon irunmole tio ba fi lee dobale fun-un,onitohun ko nii lo ojo meje laye ti yio fi fi aye yi sile,Lobatan,Nigba to sure fun-un tan ni eda naa batun poora,leyin ti oun lo tan ni awon awo iwarefa naa wole,awon naa sure fun oba yi,won si dobale fun-un pelu gbolohun Kaabiyesi oo,won ki oba naa ku orire nla,won ri ileke lowo re ati bata ide won dahun ni,awon alale ni won ko bata naa fun oba tuntun,nse ni onitohun kan nwo won nire ti ko so oro kankan,Bayi ni oba yi jade ninu ipebi,Lai fi akoko sofo won dajo igbade fun oba tuntun,ojo igbade naa pe,Lojo igbade Ajagungbade yi haa 🙆 pepeye gbe omo pon,Awon abiyamo ode orun ni won koko de si ikale,ti gbogbo won si wo a*o iru kanna,enikeni tiko ba weju,tabi ko je alagbara eniyan,ko lee mo rara pe won kii se eniyan lasan eda abami ni won se...🙇🙇

Onkotan ni omo oba Adeyanju..✍️✍️
Fun iranlowo eto yi 07033678636
E sehun gan-an modupe lopolopo
Ipade wa tun di woo biojo ro, ire oo 🙇🙋‍♂️🙋‍♀️🙋

20/08/2026

Shout out to my newest followers! Excited to have you onboard! Hazzan Folohunsho Holuwashegun, Oyetunji Olaniyi, Abidemi Bankole, Mukaila Ajibola, Bhorlar Oluwadamilola Oduola, Akinrinola Adeola Ojo, Funke Adelusi George, Abass Shufi, Romoke Omoloye, Ekundayo Daramola, Oyetunde Otitoloju, Ibrahim Ojo, Osupa Adini Afolabi, Abdulahi Ajaho, Abdulganiy Foye, Olanrewaju Agbolade, Olanrewaju Gafar, Abiina Oreofe, Alayande Tajudeen, Oloye Balogun, Alh AbdulKareem Qaseem, Ismaila Muraina, Adeyinka James, Awal Sulaimonprof, Olaleye Samuel, Hajia Iyabo, Aranuwa Philip, Olasunbo Gbolahana, Ojuolapeayinke Ayinke, Sunday Oladele, Gbadegbo Jimo, Semiu Alani, El Muginiy, Abolarinwa Damilola, Kifayat Aduke, Afezz Adekunle, Adebayo Sherif, Winnero Oluwaseun, Taiye Obayomi, Mallam Anjorin Labeeb, Olly Ola, Oni Abdul Lateef, Fatoki Omotayo Adedoyin

19/08/2026

ÀTÙPÀ EYINJU OLODUMARE (Apa Kẹta)
IWE ITAN LATI OWO OMO OBA MIFUTAUDEEN ADEYANJU ADEBOYE
OJU IWE 30

Hunm,Bayi ni okanbi omo efunyela,ebora nla lati ode orun beresi ni maa fii òru ganjo wá sí odò oba Ajagungbade nínú yara ipebi tí ọba náà wá pelu awon nkan agbara ati awon aseje ti won o jo araa won lolokan-o-jokan,eyi to se pataki fun ọba náà láti je gege bíi ìlànà isense àti àṣà iran omo alade nile Yorùbá,lórí ona tí iran Yorùbá ngba tia fi ń je ọba tiwa nílé oodua,Ní gbogbo asiko ti eda abàmì yí fi máa ń wà sì odò Ajagungbade nínúu yara ipebi yí,nje ẹ jẹ mọ́ pé iyaa rẹ to je Efunyela ko mo nkankan nipe re rara,iyaa naa ko mo pe,okanbi omo kan soso ti oun bi ma nlo yoju si oba Ajagungbade ninucyara ipebi,kotile mo pe isele nla ti n sele laarin awon mejeeji rara,yatosi awon eda abami tiwon je abiyamo ode orun nikan ni won mo pe kabiyesi awon ma nlo re ba Ajagungbade ninu yara ipebi loganjo oru,lati lo re se awon etutu to to ati eyi tio ye fun oba naa,Okanbi omo Efunyela loju osan Atupa agbalagba ebora nla loganjo oru ni omo naa nfi irin-ajo re yi se laarin oun ati oba naa,nitori pe ti iyaa omo naa ba fi lee mo pere pe omo oun ma nlo re ba Ajagungbade ninu yara ipebi,won ko nii fe gba rara,gege bi awon nkan totiwa nle tele,Bayi ni Ayanfe Olodumare naa nse gbogbo ohun to ye ko se fun oba Ajagungbade gege bii ilana ti Yoruba fi nje oba ti won lode aye,Odidi ojo merindinlogun gbako ni eda abami pataki naa fi ma wa nba oba yi lalejo loganjo oru,Aseje eyi to gbe wa fun oba Ajagungbade gbeyin eran kinniun ni won fi se aseje naa,eran kinniun yi ni oba naa je gbeyin ti ko fi je aseje kankan mo,Leyin naa ni ayanfe Olodumare yi wa wure fun Ajagungbade loruko awon alale ile oodua,o sure fun-un loruko awon ladelade awon loye-loye ti won di origun mereerin ile yoruba yi mu,O sure fun-un loruko awon babanla re ti won te ilu Saworo naa do,gbogbo won pata ni eda abami yi pe oruko won leyo kookan,to si fi n sure fun-un kikankikan,Leyin to sure tire tan,o ranse si awon aje aye,ti won di origun mereerin aye mu,oruko awon wonyi ni akeroro laluja,o tun ranse si awon aje merindinlogun ode orun naa pelu,eyi ti meta ninu awon abiyamo ode orun wa ninuu won,o pe awon emere aye ati awon emere ode orun,o ranse si awon oso aye ati awon oso ode orun,Bayi ni Ayanfe Olodumare naa beresi ni ranse si gbogbo awon emi airi gbogbo ti won fi inu afefe se ibugbe,o ranse si awon orisa merindinlogun oni ki gbogbo won o wa sure fun oba Ajagungbade,ki ile ojo naa o to mo gbogbo awon eda abami wonyi pata ni won tiwa sure fun oba tuntun ninu yara ipebi loru moju ojo naa,Bi awon kan se nlo bee lawon miran tun ndee,Leyin naa lo wa gbe apo nla kan eyi ti won fi ide see fun oba Ajagungbade oni,a*o ati bata eyi to ma wo lojo igbade re lowa ninu apo ide naa,otun so fun oba tuntun yi pe,ko to dele yio ti ba owo repete ninu iyewu re lati fi se inawo igbade re to nbo lona naa,nitori pe awon eda pataki-pataki lode aye ati lode orun ni won n bowa sibi ayeye igbade tuntun naa,o dahun oni,nisinsin bayi lo sese wa di oba tooto,o ti joba lori oso,oti joba lori awon aje,ati awon emere gbogbo,leyin naa lo wa bo bata ide towa leasee re fun Ajagungbade,o wa se kilo-kilo fun oba naa wipee..✍️✍️

Onkotan ni omo oba Adeyanju
Fun iranlowo eto yi 07033678636
E sehun gan-an modupe lopolopo
Ipade wa tun di woo biojo ro, ire oo 🙇🙋‍♂️🙋‍♀️🙋

18/08/2026

ÀTÙPÀ-Apa Kẹta
Oju èwe 31
Hunm,Leyin ti eda abami yi pari awon etutu wonyi fun oba Ajagungbade tan ninu iyewu ipebi ti oba naa wa,o dagbere fun-un pe,ipade oun ati e o tun di oganjo oru ola,bo se soro yi tan bayi bee lo tun poora ti eni eniken kosi tun rii mo,leyin to ba tire lo tan,nse ni oba naa joko to fi owo otun re si ijangbon to beresi ni ronu si gbogbo awon Oro olowo iyebiye ti eda abami naa baa so,bo se n ronu nipa awon oro wonyi beeni oro abami eda naa tun n see ni kayeefi nla gidigidi,nitori oba naa koi rii iru eda abami bayi ri lati igbati oba naa ti de ode aye,t**i ti ile ojo naa fi mo oba Ajagungbade ko fi oju re kan oorun bayi,Nigbati ile ojo keji mo,awon awo iwarefa won mura lati wa wonu iyewu ipebi ti oba Ajagungbade wa,won fe lo re se etutu ojo fun-un,sugbon fun iyalenu nigbati awon awo iwarefa wonu iyewu yi won rii apeere wipe awon alale ilu saworo tiwa fi ara han oba naa ninu iyewu ipebi loru moju,won sun mo oba Ajagungbade won ri ileke lagidigba lorun-un re,won tun taju kan won rii pe,gbere mokanlelogun nse lo han kete-kete laarin ori oba naa,leyi ti koi tii pe pupo rara ti won wa sin gbere naa si oba naa latari,isele naa yawon lenu gidigidi,Awon mefeefa woju araa won,oju awon awo mefeefa yi tun pade lara oba Ajagungbade,lasiko yi ni onitohun naa gboju soke lati wo awon awo,won bii leere pe,Awa awo se akiyesi wipe,eti gbalejo awon alale laipe yi?Oba naa da won lohun oni,beeni awon alale sese kuro lodoo mi nsinsin yi ni,inu awon awo iwarefa yi dun pupo,gbogbo won si beresi ni kan saara si awon alale,ti awon alale naa si beresi ni yin Olodumare🙇,beeni awon awo naa nki oba Ajagungbade pe o ku igbalejo awon alale,Leyin ti won yin Olodumare tan won dahun won ni,Ajagungbade nje o je mo pe,etutu ti awa awo fe wa se fun o loni yi ohun gan-an naa ni awon alale ti bawa se fun o loru moju oni un,Nibi ti won ti nsoro yi lowo ni ikan ninu awon iwarefa to ku leyin ti sare gbe ape aseje to ye ki oba Ajagungbade je lowuro ojo naa wole,sugbon awon awo yoku so fun onitohun wipe,ko gbe aseje naa pada nitori pe awon alale ti bawa se ise naa fun oba tuntun,Bayi ni awon awo wonyi tun dagbere fun Ajagungbade pe,ipade awon ati oun tun di owuro ola,nse ni oba yi nwo awon awo iwarefa yi tiyanu-tiyanu t**i tiwon fi lo tan,nigba to di oru ojo keji,eda abami yi tun de gege bii adehun to se fun-un,kia to seju pe oba yi tun ti yara dobale fun abami eda yi,oun naa ki oba Ajagungbade pada o ni o kare omo daadaa,orii re yio kan oke,oba ti o fe je yi ko nii hun o,a je gbo aje to lo ma je fun o,Leyin to wure fun-un tan,o tun naa owo re si egbe osi re,kia to seju pe koko aseje miran tun ti sare sokale si atelewo re bi monamona,Aseje eleekeji yi je eyi ti won fi eran ekun see,o so fun Ajagungbade pe ko je aseje naa kiakia,leyin ti oba yi je aseje naa tan,kia ni eda abami yi tun bo ileke owo re mejeeji,osi ko ileke naa si orun owo oba Ajagungbade mejeeji,o dahun oni,ipade emi ati iwo tun di oganjo oru ola lagbara lowo Olodumare...✍️✍️

Onkotan ni omo oba Adeyanju
Fun iranlowo eto yi. 07033678636
E sehun gan-an modupe lopolopo
Ipade wa tun di woo biojo ro, ire oo 🙇🙋‍♂️🙋‍♀️🙋

16/08/2026

ÀTÙPÀ EYINJU OLODUMARE (Apa Kẹta)
IWE ITAN LATI OWO OMO OBA MIFUTAUDEEN ADEYANJU ADEBOYE
OJU IWE 28

Hunm,Fun idi eyi n maa se o loore pataki,Bayi ni eda abami naa ba Ajagungbade so ọ̀rọ̀ tó pò gan-an,ká tó seju pé kíá ni ọba ajagungbade ti sare dobale gbalaja síwájú okanbi ọmọ Efunyela,ẹni tí gbogbo wa mo sì Atupa ebora ńlá láti òde ọrùn,ọba ìlú alajankoro-dugbedugbe,èyí to nbẹ loritameta òde ọrùn,Bayi ni Ajagungbade beresi ni yii sotun to n yii sosi,nibi to ti n tooro aforijin lowo okanbi omo efunyela,beeni onitohun naa beresi ni sadura fun-un kikankikan,Leyin eyi Atupa ni ki oba Ajagungbade o dide nle ko joko si ori ite kan bayi eyi towa ninu yara ipebi yi,kia ni abami eda naa ki owo bo inuu apo a*o re,o mu abe ifari kekere kan bayi eyi ti awon agbalagba fi maa nsin gbere layeatijo jade ninu apo naa,Aga ola ti abami eda naa joko si yi, iyihun ni sun siwaju lo si orii ite ti Ajagungbade joko si bi igbati enikan wa leyin-in re to nti aga ola naa lo siwaju,sugbon ti enikeni ko ri eda kankan leyin aga naa to n tii siwaju,eyi to yanilenu ju nibe ni pe nigbati aga naa de iwaju Ajagungbade gangan bayi nse ni aga yi duro,lesekese nibe ni aga yi tun rora wasi isale die,sugbon a rii wipe ese aga naa ko kanle rara,Leyin naa ni eda abami yi so fun oba Ajagungbade pe ko bo a*o kuro lorun-un re,kia ni onitohun naa ti yara se bio ti wi,leyin naa oni ko sun mo oun die,nigba to sun moo tan,abami,iduro oba naa se deedee ori re nibi ti aga re duro si lori ofurufu,leyin naa lo mu abe kekere yi o beresi ni sa oba naa ni gbere ni atari,nigbati Ajagungbade ma ka gbere naa,o je mokanlelogun 21,leyin to sin gbere yi fun Ajagungbade tan,o naa owo re otun si egbe otun,lesekese ni a rii wipe,eda kan fi ado ijamo kekere kan bayi le abami eda yi lowo,o si ori ado yi,o ta ebu inuu re si atelewo osii re,o te odu kan bayi ti won npe ni eji-ogbe le ebu naa lori,o so oro kelekele si odu ifa naa,eyi ti enikeni ko gbo ohun to ba odufa naa so,leyin naa lo sese wa fi ebu yi si oju gbere to sin si agbari oba Ajagungbade,lesekese ni onitohun naa pariwo yee 🙆,nitori pe ebu naa taa wonu orike-rike araa re lo ni,leyin naa lo tun da ado naa pada si egbe otun re nibi to ti gba ado naa,ti a si tun rii wipe emi airi kan ti ao fi oju ri tun gba ado naa lowo re kiakia,Eleyi lo je kia mo pe,kii se eda abami yi nikan lowa ba oba Ajagungbade lalejo looto,Leyin naa lo tun naa owo osi re si egbe osi,leyin naa ni a tun rii wipe,eda abami miran ti ao foju ri tun gbe ikoko aseje kan ti ko tobi pupoju lee lowo,Atupa gbe ikoko aseje naa lee oba Ajagungbade lowo oni ko beresi ni ma je aseje naa ni kiakia,laarin bi ogun iseju oba yi je aseje naa tan patapata,Aseje naa je eyi ti won fi eran ikooko see,leyin to je aseje naa tan,abami eda naa sun mo oba yi o bo ileke lagidigba towa lorun-un re si oba Ajagungbade lorun,leyin naa o gba ikoko aseje lowo re,o naa ikoko naa si egbe osi re,emi airi kan tun gba ikoko naa pada lowo re ni kiakia,leyin naa lo sese wa dagbere fun oba Ajagungbade pe,ipade oun ati e tun di oru ola,bo se soro yi tan bayi,bee lo ba tun poora ti enikeni kosi tun gburo re mo...✍️✍️

Onkotan ni omo oba Adeyanju
Fun iranlowo eto yi 07033678636
E sehun gan-an modupe lopolopo
Ipade wa tun di woo biojo ro, ire oo 🙇🙋‍♂️🙋‍♀️🙋

15/08/2026

ÀTÙPÀ EYINJU OLODUMARE (Apa Kẹta)
IWE ITAN LATI OWO OMO OBA MIFUTAUDEEN ADEYANJU ADEBOYE
OJU IWE. 27

Hunm,Ade isenbaye oodua ti o fi oju re ri lorii mi yi taani o lero wipe mo gbe Ade naa wa fun?Ajagungbade n da abami eda yi lohun pelu iberu ati iteriba nibi ti o ti nsoro kelekele o ni,eyin naa ni eni ade yin,e ma se binu si mi,o kan semi ni kayeefi lojo naa lohun ni,nitori pe mio ri iru nkan bee ri ni,Ayanfe Olodumare naa dahun o ni,se o wa rira re bayi bi? Bi opolopo ninu eyin omo eniyan se maa nse ni yi,paapaa julo awon ti won ba je alagbara ninuu yin bi iru tie naa bayi,lenu bii odun die ti mo de ode aye yi ni mo ti mo opolopo ninu iwa eyin omo eniyan gbogbo,e maa gbe ogun ti omo ara yin nitori imotara-eni nikan tie nba kaakiri,ti eyin kosi nii mo pe boya omo eni ti iwo n gbogun ti yi oun ni yio pada se iranlowo nla fun omo tie ti yio fi de ibi giga lojo iwaju,boya oun ni Olodumare fe ran gege bii onisababi fun ogo idile ti yin toba di ojo ola,sugbon nigba ti iwo ba ti fi imotara-eni nikan ba ti omo naa je latara agbara buruku tio ni tabi eyi ti o jogun re lowo awon babanla yin,aseyinwa aseyinbo omo tie naa ko wa nii kuro lojukan towa,ko nii pada je nkankan mo ninu aye,nitori pe eni to maa ran omo naa lowo to ma fi de ibi giga,oun ni oti fi imotara-eni nikan iwa odaju re ba igbesi aye re je yi,Ona wo waa ni omo tie naa fe gbee gba bayi ti yio fi je eniyan pataki lawujo mo ninu aye? Nigba miran Olodumare a maa ran omo iyawo ko je pe oun ni yio je sababi oriire fun omo iyaale re lati de ibi giga ninu aye,bee o si le je omo iyaale ni yio je okun-unfa oriire fun omo iyawo re,o le je omo aburo ni yio ran omo egbon re lowo de ipo giga ninu aye,o si lee je omo egbon ni Olodumare yio ran-an lati je okun-unfa oriire fun omo aburo re lati de ipo ola lojo iwaju pelu,kosi eni ti Olodumare ko lee lo fun ise rere omo eni keji re,ohun lofi je pe,rere lo ye kia maa fi ojoojumo aye wa se fun enikeni tia ba ti ri,nitori pe o le je eni ti iwo se daadaa si loni oun ni yio pada wa se rere naa pada fun omo re toba di lola,Nje iwo mo pe,Ade isenbaye ti o ri lorii mi yi,iwo Ajagungbade yi gan-an ni mo gbe Ade naa wa fun,eyi ti oba kankan ni gbogbo agbegbe yi koi ti de iru Ade bee ri laye,iwo yi ni o ma je oba akoko ti won maa ri irufe iru Ade bee lorii re,sugbon nje to ba je wipe mio kii se akanda Olodumare nko,tio ti lo agbara ti o ni lemilori,ti o si ti ba ogo ti mo gbewa si ode aye yi je,tio ti pa kadara mi da si aidaa pelu agbara buruku to nbe lara re yi,nje oore ti mo muwa fun loni yi le pada te o lowo mo bi?nje gbogbo iranlowo ti mo pada wa nse ninu ayee re wonyi se maa pada le see fun o mo bi?nigba tio ba ti fi agbara buruku ba ayee mi je? Tio si da irin-ajo mi ru patapata,Sugbon ni bayi mo ti rii pe,oti di atunbi Olodumare,ohun loje kio lanfaani lati ri mi bayi,fun idi eyi emi naa setan bayi lati se o loore pataki,nitori pe o ti di atunbi Olodumare lawujo awon omo eniyan.....✍️✍️

Onkotan ni omo oba Adeyanju
Fun iranlowo eto yi 07033678636
E sehun gan-an modupe lopolopo
Ipade wa tun di woo biojo ro, ire oo 🙇🙋‍♂️🙋‍♀️🙋

14/08/2026

ÀTÙPÀ EYINJU OLODUMARE (Apa Kẹta)
IWE ITAN LATI OWO OMO OBA MIFUTAUDEEN ADEYANJU ADEBOYE
OJU IWE 26

Hunm,Sebi o ye kio ni akiyesi pe omo eleyi tio bi yi oun yato si irufe awon omo ti oti maa nbi siwaju tele,eyi to je pe nse ni won maa nku pi-pi-pii bii ina abela,Iya efunyela ni ko ba bii emi ati Adesewa si ode aye papo leekan soso,sugbon nitori pe,eewo loje ki omo iya meji o fe raa won ni toko-tiyawo,paapaa julo o lodi si asa iran Yoruba patapata,o si je nkan itiju ati ikorira lopolopo,idi niyi ti awa mejeeji ko se gba odo iyaa mi wasi ode aye,Nigbati omo naa wa beresi ni ma fi ojoojumo sunkun bii ti egbere laafin,se ko ye kio ti mo pe o nidi pataki kan ti omode naa fi n sunkun ni gbogbo igba bee,kaka kio tun wa fi isele naa to ifa lete,kio beere lowo ifa pe,kinni idi re gan-an ti omode naa fi nsunkun ti ko bati ri mi,ki ifa o too sona lori oro naa,kaka ti o ko bafi se eleyi nse ni o sare lo re dira ogun,tio lo re mura ija,Eemi ni iwo fe doju ija ko,erin re npami,Awodi gbe omo adie mojesin,mojesin sare wole o sare lo ree tamora ogun,kinni gbekude fe se fun eye togbe omo eye lo,Abi se oun ti gbagbe ni pe,eye ni awodi agbebo fun raa re nko eye nii se,kosi laburu kankan to gbodo sele si mi t**i ti nwo fi lo iwonba asiko ti mo fe wa lo lode aye yi ki nto pade si ibiti motiwa lode orun,ilukilu ti nkankan laburu bati sele si mi pere,o seese ki iru ilu naa kio di eeru,ki awon jagunjagun ode orun tiwon nbe peluu mi o je ilu naa run patapata,olu-ode iberu tio ran-an wipe kio lo re gbemi wa,o ye ko farabale bii omokunrin akoni naa leere ohun ti oju re ri nigba tio de odo mi,Abi se iwo lero wipe,omokunrin naa ko lagbara to ni? Lemi to je wipe lati ode orun ni Olodumare ti ni ki awon ode atamotase ti won je jagunjagun ode orun o maa telemi bo lati ode orun wa si ode aye,koda o wa ninuu won awon ode ti won nso aafin Olodumare pelu,ki n si to de ni awon alale tiwon te ilu yi do ti nduro demi,ni kete ti mo gule si ode aye bayi ni gbogbo won tiwa fi idunnu atayo padee mi lona,gbogbo won nbe peluu mi bi mo se nbe niwaju re yi,ti won duro ti mi wamu-wamu,Lojo tiwon so mi loruko,iwo ko ri orisirisi awon oba alade nlanla ti won wa sibi isomo-loruko mi ni,kii se eniyan nikan ni gbogbo won,ebora igbo,ebora odan ati awon eda abami gbogbo tiwon fi ode aye ati ode orun se ibugbe ni won wa pade mi,Fun idi eyi awon ode tiwon nso mi won kii sun beeni won kii torugbe,kosi eda alaye kankan tio lee fi aburu owo re se mi,moti di liili loju aja,ti liili kan soso ba duro bayi egberun aja won ko lee fi se nkankan,nitori pe ajakaja to ba lanu re gbe liili dandan ni ki enu re o seje,O ye ki nti so fun awo ode pe ki won o pa o tipetipe,sugbon nitori pe ao ran mi wa si ode aye lati wa ta eje omo eniyan kankan sile, bikose lati wa se rere fun teru-tomo ni,Ade isenbaye oodua eyi tio fi oju re kan lorii mi lojosi,Ade naa lo tun nwo lorii mi bayi ti mo de sori wa bao ninu iyewu pelu yi,Ade awon babanla re ti o nwo lori mi yi taani iwo lero pe mo fe gbe Ade isenbaye naa wa fun gan-an....????

Onkotan ni omo oba Adeyanju..✍️✍️
Fun iranlowo eto yi 07033678636
E sehun gan-an modupe lopolopo
Ipade wa tun di woo biojo ro, ire oo 🙇🙋‍♂️🙋‍♀️🙋

13/08/2026

ÀTÙPÀ EYINJU OLODUMARE (Apa Kẹta)
IWE ITAN LATI OWO OMO OBA MIFUTAUDEEN ADEYANJU ADEBOYE
OJU IWE 25

Hunm,Ti ko ba je wipe mo sare rin irin-ajo wasi ode aye were bani,o seese ki oro re ko dabi ejo to koja lori apata tiko nii ipa kankan rara ni,Ajagungbade omo Amodemaja,mo mo o daadaa,koda mo mo o ju iwo gangan funralaraa re lo,ni kete ti mo ti gule si ode aye,ti o ti fi ojuu re mejeeji kan mi bayi,paapaa julo nigba ti o jaja tun fi oju re ri Ade isenbaye awon babanla baba re ni orii mi,ni mo ti rii wipe ibanuje tigba gbogbo inu okan-an re kankan,o nwo mi wipe iru abami omo wo leyi?Nibo lotiwa,nibo lo nlo ti ade isenbaye oodua se nfi ara han ni atari re bayi,je nso fun o,ki won o to bi babanlaku baba re ni Olodumare ti gbe ade lemi lori,mo rii pe lati igbanaa ni oti n sare kirakita kaakiri lori oro mi,bee si ni ifa ti so a*otele fun o nipaa mi siwaju ki nto de ile aye,sugbon nse ni iwo nwo oro naa pe koje ri bee,pe boya nse ni ifa fe gbabode fun o ni,paapaa julo to tun waa je inu iluu re yi ni motun waa desi,Iwa imotara-eni nikan to nda o laamu ohun ni koje kio gbo oro si ifa lenu,Emi kii se eniyan bii tire,ebora ni mi,lati ode orun ni mo si ti se irin-ajo wa si ode aye,Sugbon nitori pe eniyan lo bi mi lomo sode aye yi,iyihun ni lofi nro ninu okan-an re wipe eniyan bi tie ni mo je,oruko mi lati ode orun wa ni Atupa imole fun gbogbo ebora aye ati tode orun patapata,Aake nla ni mi mo moju igi nla,afefe nla di ni mi pelu tii se ewe agbon jiajia,emi ni iku tii jagbe moni siwaju ko to pani,Olodumare ti seda mi tipe siwaju ko to da babanlaku awon baba re,mo ti nse emi ni aye ibikan siwaju ki won to bi baba baba re Alabiade-eyo,mo ti nje oba lori awon eda abami gbogbo ki Alabi ade-eyo o to bii Amodemaja baba re,ki Amodemaja o to wa bii iwo fun rara re lomo,Mio wa si yara ipebi yi lati wa ba o ja rara,nitori pe o ti nse daadaa fun opolopo awon eniyan,awon alaini gbogbo ni won ti nri idunnu lati ara re,o si ti ngbo oro si ifa lenu,oju ona ti ifa la kale fun o ohun lo nto lowo-lowo bayi,idi niyi ti mo fiwa fi ara mi han o daadaa,kio le mo iru eda ti mo je gan-an,Iyaa Efunyela ti iwo nwo gege bii iyaa mi un mo ju omobinrin naa lo ninu emi,ko to eni tio le bimi lomo rara ni,sugbon nitori pe mo ti fe wasi ode aye yi tipe,sugbon ti mio ri oloko tofe wami wasi irin-ajo ode aye yi nitori mojemu to lagbara to ro mo atiwaye mi,gbogbo enikeni toba fe se oloko emi Atupa wasi ode aye yi onitohun yio fi emii re dii,idi niyi toje ki npe pupo lenu ibode orun si ode aye ki nto de,sugbon fun iyalenu iyaa Efunyela yi nikan logba lati fi emii re lele fun mi,idi niyi ti mo fi gbodo gbo oro si iya naa lenu ninu irin-ajo aye omo eniyan ti mo wa yi,Se o wa rii omo re ti iwo nse kirakita lee lori un,iyihun ni Adesewa,iyawo Eemi Atupa ni,oruko re to nje lati ode orun ni aje omo olokun,Olokun baba re lofi omobinrin naa tamilore nigbati mo nbo wasi ode aye,nitori pe oree mi pataki ni baba re nse,sugbon nitori oore ti baba re Amodemaja ti se fun idile mi saaju,ohun loje ki n taari omobinrin naa si akata iwo Ajagungbade,kio bi iyawo mi naa lomo,paapaa julo ko le wa pa ogun abiku re kuro ninu ayee re patapata,ogun abiku eyi ti o fi owo ara re fa sinu aye ara re,ko lee rorun fun emi naa pelu lati fe omobinrin naa niyawo nigba ti mo ba de ode aye yi ninu idile oba Ajagungbade,ti iwo naa ba se akiyesi,waa rii wipe....✍️✍️

Onkotan ni omo oba Adeyanju
Fun iranlowo eto yi 07033678636
E sehun gan-an modupe lopolopo
Ipade wa tun di woo biojo ro, ire oo 🙇🙋‍♂️🙋‍♀️🙋

12/08/2026

ÀTÙPÀ EYINJU OLODUMARE (Apa Kẹta)
IWE ITAN LATI OWO OMO OBA MIFUTAUDEEN ADEYANJU ADEBOYE
OJU IWE 24

Hunm,Atupa n tee siwaju nibi toti nso itan awon babanla baba Ajagungbade fun-un ninu iyewu pelu ti oba naa wa,Ayanfe Olodumare naa dahun o ni,Sugbon so ri Amodemaja to je baba re yi eniyan daadaa ni,nitori pe omokunrin naa gbo ikilo ti Alabi baba re se fun-un siwaju ko to ku,Sugnon iru omo wo ni iwo fe je ni tie,se omo oko nio ni abi omo ale,nitori pe gbogbo bi baba re Amodemaja ti se se ode to laye,paapaa julo to tun je akikanju ode ninu igbo aginju,kofi igbakan bayi se ode re lo ri ko yinbon lu agbonrin kankan bii tiiwu kio mo leyin ikilo ti baba re ti se fun-un,Aimoye igba ni baba re Amodemaja ti pade awon omo agbonrin ojosi eyi ti Alabi baba baba re yinbo ere pa iyaa won yi,sugbon ti Amodemaja baba re ko wuwa odaju lati pa won,aimoye igba ni baba re ti gba awon omo naa kale kuro lenu ikoko ode aye to nle won kakakiri lati pa won je,kaka ki baba re ko yinbon pa awon omo igala naa ikoko to nle won yi gan-an ni baba re maa n yinbon pa,ti yio si yonda awon omo agbonrin yi ki won o maa lo lai farapa layo ati alaafia,bee aimoye igba ni baba re tiba awon omo agbonrin ti won je omo omo mi wonyi ni enu takute ati waya okun ti awon ode lorisirisi ti de kakakiri inu igbo aginju fun won,sugbon ti baba re n bami saanu fun won,to nba mi tu won sile kuro lenu takute ati awon waya naa,gbogbo igba ni awon omo agbonrin to je abami obinrin oru yi maa nfi adura ranse si baba re Amodemaja loore-koore,se awon omo naa o kuku mo pe,baba baba re Alabi ade-eyo oun lo yinbon ere pa iyaa awon ni ibiti onitohun ti nwa ounje ti awon omo naa maa je kaakiri igbo aginju,Idi niyi ti egun buruku fi pada re kuro lori baba re Amodemaja to fi jaja bi omo eyokan soso eyi tii se iwo Ajagungbade to wa niwaju mi yi,ti kii ba se ti iwa rere ati ikilo eyiti baba re tele bani,o seese ko je wipe,baba re ati iyaa re to je abebi won ko nii gbo pa beeni won ko si nii gbo po lode aye,oro awon mejeeji a wa dabii ejo to koja lori apata tiko niipa kankan lode aye,nitori igala eewo agangan-nigan abami obinrin oru ti baba baba re yinbo pa lojo kinni ana,oun lo pada di egun buruku sinu idile yin,oun ni koje ki baba baba re Alabi bii ju omo kan soso lo to je Amodemaja baba re t**i tofi jade kuro lode laye,,Amodemaja naa gan-an fun rara re kiba ti bi omo kankan rara ni tie to ba lo je wipe,ko hu iwa rere tabi tele ikilo baba re Alabiade-eyo ni,Ohun lofaa ti Amodemaja fi lanfaani lati bi iwo Ajagungbade yi sode aye,sugbon kinwaa lode ti o fi n huwa bi omo ale,bee si ni o kii se omo ale rara bi ko se wipe eje baba baba re Alabi ade-eyo lonbe ninu ago ara re,Odaju alagbara ni iwo funraare naa pelu,oo fi ibi kankan jo baba re Amodemaja rara,o mura o fe jogun gbogbo aye,o fe ki gbogbo aye ko je ti iwo nikan soso,idi niyi tio fi lo re wa agbara buru kaakiri aye eyi ti ofi n kogun ja tomode tagba kaakiri ilu ati awon abule lolokan-o-jokan,Afemi afemi lo nba kaakiri aye,oo kii fe gbo pe,enikan nbe nibikan tio juo lo lori ile aye,afi ko je iwo nikan lo fe ju gbogbo aye lo,ohun lo faa ti iwo naa tun fi faa ogun totise lori baba re Amodemaja tipe tele pada sinu aye ara re,pelu tipatipa lo fi fa egun naa pada sinu aye re,idi niyi ti o fi beresi ni wa bii abiku lomo lera-lera,tiko ba je wipe mo sare rinrin-ajo wasi ode aye bani,nse ni oro tie naa koba dabi ejo to koja lori apata tiko niipa kankan ni....🙆🙆

Onkotan ni omo oba Adeyanju...✍️✍️
Fun iranlowo eto yi 07033678636
E sehun gan-an modupe lopolopo
Ipade wa tun di woo biojo ro, ire oo 🙇🙋‍♂️🙋‍♀️🙋

Adeyanju Onitan Aroso

21/08/2026

20/08/2026

20/08/2026

19/08/2026

18/08/2026

16/08/2026

15/08/2026

14/08/2026

13/08/2026

12/08/2026

Address

Telephone

Website

Alerts

Contact The Establishment

Shortcuts

Share

Category

Listing takedown request