25/12/2025
I know U think I want to talk about Avatar d last airbender akiko...lie lie..Infact this post has nothing to do with AVATAR, rather...
I wan beg una Pls,pls and pls... As today be Xmas...
I go soon wear cloth enter road for happy Christmas, if I come ur house...
1. NO give me white rice with uncooked tomatoes pls, na food I come chop no be raw material.
2. If u cook fried rice well é go don, make person no con give me undone rice, green beans and salad tell me say na fried rice.
Na so una do me last year i chop December food finish begin get runny stomach till new year.
Make nobody try me this year, i don dey get an&er issue! make we no dey where we dey celebrate jesus birthday begin plan person burial.
Then lastly if I come ur house finish if I wan go, use ur church mind fin me something na d tradition be dat, no con make me stay longer than i intended to, i get other places to go, and make nobody insted of giving me money go come begin tell me oya nah greet your parents for me....see I no go like vex oo...
If u wan greet my parents call them on phone U get their number no com begin dey do the right thing at the wrong time, e dey cause quarrel thank u.
I say make I do this warning before I begin visit.
If u look d avater pics well u go see say d guy hand dey for ground.
carry my face replace avater face make u see say my hand dey for ground as i dey beg u make u respect ur sef, but if u choose to violate the rules no worry shaa..if u look d avater pics again u go see say second hand carry stick for back, that's right.
Make i shaa no go comot person teeth for December.
My hand is on d ground ooo heeee issoryt, see u 😎
Merry Christmas my beautiful & lovely pipo 🎉🎉
I just Wan make u start the day with a smile, if I achieved that aim for ur side if u be man u owe me two bottles of coke am a Christian we no dey drink alcohol but if coke no dey u fit give me half carton of life mix am 3 bottles of hero make i manage 🙃
If u be woman u owe me a hug, if u add am kiss e no go bad, if u con say make u come house oh no who am I...LOOOORD USE ME!😝😂😎
