29/11/2025
Ujan Ke Dianti 🌧️🌧️
Maioh orang ngumbai ujan nanggur pengawa sida. "Nama meh enggai enda ujan maia tu? Jalai legi bah, bakani aku deka ngemulaika diri ke rumah? Arap-arap meh ari tu panas". Maioh agi meh jaku sida iya sebana ngenang ujan.
Kala ke enda kitai berunding serta ngambi timpoh dalam seminit alai berunding pasal ujan? Agi ingat kita rambau maia agi mit kelia, ujan tu meh ke dianti-anti kitai. Tu meh berkat ke dianti ianya lebuh ujan labuh ari langit. Tu meh timpoh ti pemadu gaga. Diak apai indai deka nganu kitai enti bemain dalam ujan. Tang mimit nadai meh kitai kiruh tauka takut ke jaku sida.
Diatu kitai udah mansang besai. Arapka terus gaga ninga leka ujan ti labuh laban nya meh ubat kena muai runding ti tusut (stress) ke ditungga kitai saritu. Sedar tauka enda, ujan ti labuh nya ngelimpangka kitai enda lama ari ngereja pengawa tauka ngetu dulu ngereja pengawa ti enda nemu abis. Bai ati ti telih, ai mata ti labuh enggai badu, diak datai ujan ti chelap ti ngelamun semua penusah nya.
Nya alai, beterima kasih meh ngagai ujan ti labuh nya laban iya tau nuchi tubuh enggau semengat kitai.
