Kollox beda mill-kanzunetta Ċetta from Valletta li inkitbet mis-surmast Paul Arnaud fis-snin hamsin. Din il-kanzunetta kienet favorita ħafna ma’ Oscar Lucas u dan kien jinkludija dejjem fir-repertorju ta’ kull fejn kien idoqq: music halls, reċivimenti privati, ballijiet, lukandi u swali tad-divertiment. Tant hu hekk li f’ħakka t’għajn din saret famuża u popolari mal-Beltin u mal-Maltin kollha. U n
istgħu ngħidu li għadha popolari sal-ġurnata tal-llum. Is-Surmast Paul Arnaud dejjem xtaq li tittella musical b’Ċetta from Valletta, għalhekk maż-żmien kien beda jikteb xi melodiji u inkitbu mas-sbatax-il melodija. Madwar ħamsa u għoxrin sena ilu l-istess Paul Arnaud għaddihom lis-surmast Domnic Galea. Domnic Galea kien tkellem mal-producer Hermann Bonaci li kien qed jipproduċi tant xogħolijiet kemm għat-TV kif ukoll għall-palk sabiex xi darba jaħdmu flimkien ħalli jinkiteb dan il-musical u jkun jista jittella’. Il-kanzunetta Ċetta from Valletta titkellem dwar dan il- karatru fittizju ta’ Ċetta, isem popolari għal dak iż-żmien u karattru b’karettaristiċi ta’ uħud mit-tfajliet Beltin ta’ dak iż-żmien. Wara ħafna ħsieb għal tul dawn is-snin, HPB għaddej b’ħafna preparamenti għal dan il-musical. Għalhekk, issa wasal iż-żmien li din il-ħolma tas-surmast Paul Arnaud issir realta. B’hekk Ċetta from Valletta żgur li ser tibqa ħajja permezz ta’ dan ix-xogħol teatrali għal ħafna u ħafna snin li ġejjin.
Ċetta from Valletta ser titellgħa ġewwa t-Teatru Manoel, Valletta bejn il-11 u l-20 ta’ Ottubru, 2024.
