Drama Group San Sebastjan

25/05/2026

Nifirħu lill-membru tal-kumitat u l-attur tal-għaqda, Dylan Muscat, li ingħata rikonoxximent waqt is-serata, “L-Għoti tal-Unuri – Ġieħ Ħal Qormi u Għarfien il-Ħila” fil-kategorija “Servizz Volontarju”.

Nirringrazzjaw lil Dylan għall-impenn u d-dedikazzjoni kontinwa tiegħu fi ħdan l-għaqdiet tal-parroċċa, li bla dubju huma ta’ ġid għall-komunità u għall-ħidma li nwettqu flimkien.

Prosit ukoll lil dawk kollha li ngħataw rikonoxximent matul din il-lejla, filwaqt li nħarsu ’l quddiem biex inkompli naħdmu flimkien għall-ġid tal-komunità Qormija.

25/05/2026

𝓐𝓵𝓽𝓲𝓸𝓻 𝓪𝓫 𝓘𝓶𝓸 | Jum Ħal Qormi

Grazzi lil kull min jaħdem b’dedikazzjoni biex Ħal Qormi jibqa’ raħal mimli ħajja u kultura.

Awguri lill-Qriema kollha!

10/05/2026

Grazzi lill-ommijiet kollha għall-imħabba bla qies tagħkom. F'dan il-jum niftakru wkoll b'għożża u mħabba lil dawk l-ommijiet li m'għadhomx magħna, imma jibqgħu għal dejjem f'qalbna.

Il-festa t-tajba! 💐

01/05/2026

Id-Drama Group San Sebastjan jifraħ lill-membri kollha tal-Għaqda tan-Nar San Sebastjan għar-rebħ prestiġjuż tal-Festival Internazzjonali tan-Nar fl-okkażjoni tal-25 anniversarju tiegħu.

St Sebastian Fireworks Factory Qormi - Malta

B’qalb mimlija emozzjoni u kburija kbira, inħabbru uffiċjalment li l-Għaqda tan-Nar San Sebastjan kisbet rebħa storika fil-Festival Internazzjonali tan-Nar fl-edizzjoni speċjali tal-25 sena tiegħu.

Din mhix biss rebħa, iżda mument li jibqa’ mnaqqax fl-istorja tal-piroteknika fil-Belt Pinto. Kisba li ġiet mibnija fuq snin twal ta’ ħidma, sagrifiċċju u dedikazzjoni minn tant voluntiera li taw qalbhom u ħinhom biex naslu sa hawn.

Nixtiequ nirringrazzjaw mill-qalb lil kull min kien parti minn din il-mixja, lill-membri kollha, lill-familji tagħkom għall-appoġġ kontinwu, lill-partitarji tagħna, u lill-Qalbisti Bastjaniżi kollha li dejjem emmintu fina. Grazzi wkoll lil dawk kollha li b’xi mod jew ieħor taw kontribut biex din il-ħolma ssir realtà.

Din ir-rebħa hija tagħkom ukoll. Hija rebħa tal-Belt Pinto, rebħa tal-għaqda, u rebħa f'isem il-Missier Patrun li jgħaqqadna.

Inħarsu ’l quddiem b’aktar kuraġġ u determinazzjoni, biex inkomplu niktbu kapitli ġodda fl-istorja tagħna.

Viva San Sebastjan!

29/04/2026

📣 Avviż lill-Pubbliku: Deċiżjoni dwar id-Dramm Annwali ta’ San Sebastjan.

Nixtiequ ninfurmaw lill-pubbliku li wara diskussjonijiet u valutazzjoni, ittieħdet id-deċiżjoni li d-dramm dwar il-ħajja ta' San Sebastjan, għal din is-sena mhux se jkun qed jittella' f'Lulju li ġej.

Il-ħidma tal-kumitat se tkompli b’impenn fuq inizjattivi u proġetti oħra fil-futur qarib.

Nirringrazzjawkom tal-appoġġ u l-kooperazzjoni kontinwa tagħkom.

22/04/2026

Id-Drama Group San Sebastjan iwassal il-kondoljanzi tiegħu lill-familjari, qraba u ħbieb ta’ Mons. Dun Vinċenz Deguara, li serva bħala t-tielet Kappillan tal-Parroċċa tagħna bejn l-1969 u l-1988, u li għadda għall-ħajja ta’ dejjem fl-età ta’ 94 sena.

“Il-Mulej riedni, għażilni u għamilni kuntent; nittama li nibqa’ kuntent sal-aħħar nifs ta’ ħajti!” - Mons. Dun Vinċenz Deguara

Il-Parroċċa b’niket tħabbar il-mewt ta’ Mons. Dun Vinċenz Deguara li għadda għall-ħajja ta’ dejjem aktar kmieni llum fl-età ta’ 94 sena (1932-2026) fid-Dar tal-Kleru fejn kien residenti tul dawn l-aħħar snin.

Dun Vinċenz serva bħala t-tielet Kappillan tal-Parroċċa tagħna bejn l-1969 u l-1988.

Il-Parroċċa twassal il-kondoljanzi tagħha lill-familjari, qraba u ħbieb ta’ Mons. Dun Vinċenz Deguara li ħabbewh tul ħajtu u għalhekk inħeġġu lil kulħadd sabiex infittxu li f’dan il-mument diffiċli nkunu ta’ sostenn għalihom permezz tat-talb u l-preżenza tagħna.

Ħa jwassluk l-Anġli fis-sema: ħa jilqgħuk hemmhekk il-Martri, u jdaħħluk fil-belt qaddisa ta’ Ġerusalemm.

+ Agħtih o Mulej il-mistrieħ ta’ dejjem, id-dawl ta’ dejjem jiddi fuqu, jistrieħ fil-paċi. Ammen.

Dettalji tal-funeral jitħabbru aktar t**d.

05/04/2026

“Jien magħkom dejjem sal-aħħar ... Emmnu fija, għax jien il-verità!”

F'dan il-jum qaddis, nixtiequ nawguraw l-isbaħ xewqat għal Għid mimli paċi, tama u ferħ lilkom u lill-familji tagħkom.

L-Għid it-Tajjeb lil kulħadd! 🕊️

03/04/2026