Humans of Erdenet

Humans of Erdenet Humans of Erdenet буюу Эрдэнэтчүүдийнхээ тухай Humans of Erdenet буюу Эрдэнэт хүмүүн бүтээлч төсөл

08/03/2026

💙

Намайг Болдбаатарын Бямбагэрэл гэдэг. Цахилгааны инженер мэргэжилтэй. Миний өвөөг Жигжиддорж гэдэг. Өвөө бид хоёр багаа...
18/06/2025

Намайг Болдбаатарын Бямбагэрэл гэдэг. Цахилгааны инженер мэргэжилтэй.
Миний өвөөг Жигжиддорж гэдэг. Өвөө бид хоёр багаасаа л сумын төвийнхнийгөө гэрэл, цахилгаантай байлгахын төлөө хэрэндээ л хоёр дугуйтаар өдөр шөнөгүй давхидаг байлаа. Учир нь миний өвөө сумын төвд цахилгаан тасарвал мотор асаадаг хариуцлагатай нэгэн байсан юм.

Намайг сургууль төгсдөг жил өвөө минь “За миний хүү ажил гололгүй хийж, хүн ялгалгүй харьцаж, хүнтэй мэндтэй устай яваарай” хэмээн захисан юм. Тэр үг миний сэтгэл зүрхэнд үргэлж уяатай явдаг. Би их нийтэч хамт олонсог хүн. Болж л өгвөл хүнд тустай, дэмтэй явахыг хичээдэг. Ямар сайндаа л найзууд минь “Бямбаа л чадна” хэмээн над руу утас цохиж, манайх руу цувардаг даа.

Хүний амьдрал эрээнтэй бараантай олон ч зүйлийг даван туулдаг. Залуу хүн л болсон хойно юм үзэж, нүд тайлахаар хэд хэдэн харь орныг зорьж ажиллаж, амьдарч үзсэн. Оёдлын цехээс эхлүүлээд ажиллаж үзээгүй салбар тун ховор. Олон ч газар, олон хүмүүстэй ажиллаж явахдаа аливаа зүйлд гаргалгаа гаргах, шийдэл эрэлхийлэх, хүнтэй харилцах гээд олон чадварыг олж авч чадсандаа баярладаг.

Хэдий харь орны хөгжил, түүх соёл сайхан ч эх орон элгэн садан шиг зүрхнээс уяатай, эгэл дотно хүмүүс байдаггүй юм билээ. Тэгээд бодсон л доо. Харь газар ийм сайхан байж болоод байгаа юм чинь энэ соёл, хөгжлийг нутагтаа хэрэгжүүлье хэмээн бодож ирсэн ч соёл, ондоошил, хүлээж авах чадвар гээд ялгаа ихтэй учраас өөрчлөгдтөлөө удах юм шиг санагдсан. Гэхдээ бусдыг өөрчлөх мянган үгнээс өөрийгөө өөрчилж үлгэрлэх ганцхан үйлдэл чухал гэдгийг ойлгож авсан учраас өөрөөсөө эхэлж нийгэмд эерэг үлгэр дуурайллыг үзүүлэх гэж хичээдэг дээ.

Тэгэхээр залуучууддаа хэлмээр санагддаг юм. Залуу байгаа дээрээ олон газраар аялж, амьдарч, ажиллаж үзээрэй. Ажлын сайн муу, их багыг гололгүй хийж, мэдсэн эрдэм, сурсан зүйлээ эх орныхоо хөгжилд эргээд зориулаарай! Бусдыг хөгжүүлэхийг хүлээж суухаар өөрөө түүчээлж чадах, чадахаа хичээгээрэй! гэж уриалмаар байна.
#ЭгэлХүн #ЗалууХот #ХүчтэйТүүх #Эрдэнэтхүмүүн #ЭрдэнэтХот #НэгЭрдэнэт

Намайг Чадраагийн Дэлгэрдалай гэдэг. Оёдолчин эрэгтэй хүн байна гэхээр хүмүүст их сонин санагддаг юм шиг байгаа юм. Би ...
05/11/2024

Намайг Чадраагийн Дэлгэрдалай гэдэг. Оёдолчин эрэгтэй хүн байна гэхээр хүмүүст их сонин санагддаг юм шиг байгаа юм.
Би эхээс арвуулаа. Хамгийн том нь би, дороо есөн дүүтэй. Социализмын үед орчин цаг шиг хүүхдээ гурван нас хүртэл гэртээ харах хууль эрхзүйн зохицуулалт байдаггүй байлаа. Ээж дүүг төрүүлээд төд удалгүй ажилдаа орчихно. Аав, ээжийг ажилдаа явсан хойгуур дүү нараа өсгөх миний л хариуцлага болж үлддэг байв. Арван хүүхэд арвуулаа цоо шинэ хувцастай явахгүй шүү дээ. Ахаас дүүд дамжаад л явна. Хуучирч элэгдсэн хувцас цоорч ноорох нь энүүхэнд. Ээжийнхээ оёдлын машинаар дүү нарынхаа онгорхой цоорхойг нөхсөөр байгаад оёдолд дөртэй, сонирхолтой болчихсон. Гэсэн хэдий ч мэргэжил гэж хараагүй.
Би насаараа төмөр замд “Илчит тэрэгний машинист”-аар ажиллаж байгаад тэтгэвэрт гарсан. 1976 онд Эрдэнэт хотод ирсэн, анхдагчдын нэг. Тэтгэвэрт гарсныхаа дараа зүгээр суухыг хүсэлгүй юу хийх вэ? амжиргаагаа яаж дээшлүүлэх вэ? гэж бодож явсаар чаддаг юмаа хийе гэж санаад оёдлын салбарт орсон. Тэгээд л эхэлсэн дээ. Хүмүүсийн захиалгаар автомашины бүтээлэг, ажлын бээлий, хаягдал даавууны өөдсөөр ор дэрний хэрэгсэл гээд оёдлын машинаар хийж болох бүхнийг хийж, зарж эхэлсэн. Хүмүүст хэрэгтэй, амжиргаанд нэмэртэй сайхан ажил. Энэ ажлаа эрхлээд найман жил болж байна.
Ажилдаа дадаж гарт орсон ч өрхийн үйлдвэрлэгч бидэнд тулгардаг том бэрхшээл нь зээл олддоггүй. Цаашид үйлдвэрлэлээ өргөжүүлье, илүү олон бүтээгдэхүүн хийе гэхээр тоног төхөөрөмжөө сайжруулж чадахгүй, зээл авъя гэхээр зээлийн шалгуур хангаж чадахгүй байдалтай байсан. Нэг удаа “Эрдэнэт ШУТП”-аас өрхийн үйлдвэрлэл эрхлэгчдийг дэмжих төсөл хэрэгжүүлж, тоног төхөөрөмж шаардлагатай иргэдийг бүртгэж байна гээд багаас утасдсан. Нэг их итгэл төрөөгүй ч өргөдлөө өгөөд үзье гэж бодсон. Тэгээд л бараг мартчихсан. Төд удалгүй танай үйлдвэрлэлтэй танилцана гээд ярихад нь сая л итгэсэн дээ. Ингээд л байгаа нөхцөл байдлаа хэлээд оёж, борлуулдаг бүтээгдэхүүнээ танилцуулахад “Танд дэмжлэг олгоно оо, гэхдээ хариуцлагын гэрээ байгуулж эргэх холбоотой ажиллана шүү” гэж хэлсэн. Ажил хийж байгаа хүнд хүний тус гэж багаддаггүй. Надад боломж олдсон учраас би азтай хүн. Гэхдээ боломж олдоогүй олон хүмүүс цаана нь зээл олддог болоосой гээд л сууж байгаа. Олон өрхийн үйлдвэрлэл эрхлэгчдийн хүсэл нь жижиг дунд үйлдвэрлэл, тэр дундаа бичил бизнес эрхэлж байгаа иргэддээ барьцаа хөрөнгөгүй, хүү багатай зээлийг олгодог болгож зээлийн шалгуураа бууруулах л байдаг. Хүртээмж нь нэмэгдээд, шалгуур нь буурчих юм бол Монгол улс үйлдвэрлэгч орон болоход нэг алхам ойртоно гэж ах нь боддог доо.

24/09/2024

🏡🏡0.7 га хашааг яаж ашиглаж болохыг та мэдэх үү? Үүнд жижиг хэмжээний хүлэмж, 100 гаруй төрлийн мод бутны суулгацыг тарьж, 10 төрлийн эмийн ургамлыг ургуулж болно.
🇲🇳Өөрсдийн хүнсний хэрэгцээгээ бүрэн хангахаас гадна, өрхийн бизнес эрхэлж орлого олох боломжтой.
🇲🇳Даваат багийн иргэн Ц.Энхтүвшин эгчийнд зочилж, туршлагаас нь хуваалцлаа

23/09/2024

Л.ДАРЬЖАВ: Ийм сайхан газар нутагт Хятадаас ногоо зөөлгүй амьдрах бүрэн боломж бий гэж хардаг
#ЭгэлХүн #ЗалууХот #ХүчтэйТүүх #Эрдэнэтхүмүүн #ЭрдэнэтХот #НэгЭрдэнэт

Address

Amar Square
Erdenet
976

Website

Alerts

Be the first to know and let us send you an email when Humans of Erdenet posts news and promotions. Your email address will not be used for any other purpose, and you can unsubscribe at any time.

Shortcuts

Share

Category

Бидний тухай

Humans of Erdenet буюу Эрдэнэт хүмүүн төсөл нь эгэл эрдэнэтчүүдийнхээ тухай өгүүлэхийг зорьсон бүтээлч төсөл юм.

Зөрөн өнгөрөх залуучууд, нарлан суух хөгшчүүл, ажилдаа яарах эгэл эрдэнэтчүүдийн цаана нандин атлаа сонирхол татам түүх байдаг. Өглөө нь танд зам тавьж өгсөн жолооч, цагаа барин очсон цагчин, хүүхдүүдээ тэвэрсэн аавын түүхийг та бүхэн сонирхоорой. Тэгээд эгэл эрдэнэтчүүдийнхээ түүхийг цааш нь түгээгээрэй! Өөрийн түүхээ ч бидэнтэй хуваалцаарай.

Бидний хот, бидний түүхийн нэг хэсэг тиймээс хотынхоо тухай ч бид марталгүй өгүүлэх болно.

Humans of Erdenet төслийнхөн…