13/08/2024
Adjustor နဲ့ Grace ရဲ့ GoodBye ဆိုတဲ့သီချင်းထဲက “မင်းအနာဂတ်မှာငါပုံရိပ်ကိုမေ့သွားရင်ကောင်းမယ်” ဆိုတဲ့စာသားလေးအတိုင်းပဲ တစ်ချိန်ကကိုယ်တို့နှစ်ယောက်ရဲ့ချစ်ခြင်းမေတ္တာတွေ၊ အတူတူဖန်တီးခဲ့ဖူးတဲ့အရာတွေအားလုံးကို ဘာတစ်ခုမှမဖြစ်ခဲ့သလိုမျိုးတဖြည်းဖြည်းနဲ့ကိုယ်ဆိုတာဘယ်သူမှန်းမသိတော့တဲ့အထိမင်းကိုမေ့သွားစေချင်တယ်
မင်းကိုပဲမေ့သွားစေချင်တာကိုယ်ကတော့မေ့ထားပြီးခေါင်းထဲမှာသတိတရမရှိတော့ရင်တောင်အတူတူထပ်ခါတလဲလဲသွားခဲ့တဲ့နေရာလေးတွေရောက်ဖြစ်ရင်၊ မင်းကြိုက်တတ်တဲ့ coffee တွေ၊ မင်းစွဲစွဲလန်းလန်းနဲ့သောက်တတ်တဲ့ဆေးလိပ်တွေနဲ့ pod တွေမြင်မိရင် ရင်ဘတ်ထဲမှာအောင့်ရလောက်တဲ့အထိကိုသတိရနေဆဲဆိုရင်မင်းယုံမလား
မင်းကတော့ထင်နေမှာပေါ့ကိုယ့်လိုမာနကြီးတဲ့လူတစ်ယောက်၊ တစ်ကိုယ်ကောင်းဆန်တဲ့လူတစ်ယောက်ကဒီလိုတွေခံစားတတ်မှာမဟုတ်ဘူးဆိုပြီး ဒါပေမယ့်ကွာ လူဆိုတာအချိန်မရွေးပြောင်းလဲတတ်ကြတယ်မဟုတ်ဘူးလား မင်းကိုယ့်အပေါ်မှာပြောင်းလဲသွားခဲ့သလိုပေါ့…..
