https://www.facebook.com/266204563968343/

Next In, Yangon (2026)

26/04/2026

■ ကျွန်တော်တို့ကို ဘယ်သူမှ မကူညီခဲ့ကြဘူး။ ဒါပေမဲ့ သူကတော့ ...

- - - နာမည်ကျော်အဆိုတော်နဲ့ ထိပ်တန်းသရုပ်ဆောင်မင်းသား Rain က ငွေရေးကြေးရေးအခက်အခဲနဲ့ ရင်ဆိုင်နေရချိန်မှာ မိခင်အတွက် အကူအညီရဖို့ ရုန်းကန်ခဲ့ရတဲ့ အခိုက်အတန့်ကို ဖွင့်ဟခဲ့ပါတယ်။

Rain က "ကျွန်တော့်မိသားစုအကြောင်းကို လူတိုင်းကို ကျွန်တော် ပြောပြခဲ့ပါတယ်။ ကျွန်တော့်အမေက အရမ်းနေမကောင်း ဖြစ်နေတာပါ။ ဒါပေမဲ့ ကျွန်တော်တို့က အရမ်းဆင်းရဲပါတယ်။ အမေက ဆေးရုံတင်မှ ရမယ့်အခြေအနေ ဖြစ်ပါတယ်။ ကျွန်တော် သိတဲ့လူတော်တော်များများကို အကူအညီတောင်းခဲ့ပေမဲ့ အဲဒီတုန်းက ဘယ်သူကမှ ကျွန်တော်တို့ကို မကူညီခဲ့ကြပါဘူး"လို့ ပြောပြခဲ့ပါတယ်။

ဆက်ပြီးတော့ Rain က "နောက်ဆုံးမှာ JYP ကို ကျွန်တော် အကူအညီတောင်းခဲ့ပါတယ်။ ကျွန်တော်က သူ့ကို အမေ့ကို ဆေးရုံတင်ဖို့အတွက် ကျွန်တော့်မှာ ပိုက်ဆံမရှိဘူးလို့ ပြောခဲ့တာပါ။ နှစ်ကုန်ပိုင်းလည်း ဖြစ်နေတော့ ကျွန်တော့်မှ တစ်ပြားမှ မရှိပါဘူး။

ကျွန်တော့်ရဲ့ စကားကိုလည်း ကြားရော JYP ဟာ သူ့ရဲ့ Schedule တွေကို ချက်ချင်း ဖျက်ပစ်ခဲ့ပြီး ကျွန်တော်တို့အိမ်ကို ရောက်လာခဲ့ပါတယ်။ သူဟာ ကျွန်တော့်အမေကို ကျောပိုးပြီး ဆေးရုံကို အလျင်အမြန် သွားခဲ့တာပါ။ ဆေးရုံစရိတ်တွေအားလုံးကိုလည်း သူ ပေးခဲ့ပါတယ်။

သူ့ကျေးဇူးကြောင့် ကျွန်တော် နှစ်ပတ်၊ သုံးပတ်လောက် အသက်ရှင်ခွင့်ရခဲ့ပါတယ်။ အဲဒီအတွက် JYP ကို ကျွန်တော် အရမ်းကျေးဇူးတင်ပါတယ်။ ဒီနေ့ထိတောင်ပဲ ကျွန်တော် သူ့ကို တွေ့တိုင်း 'အစ်ကို ကျွန်တော့်ကို ရှင်သန်နိုင်အောင် အခွင့်အရေးပေးခဲ့လို့ ကျေးဇူးတင်ပါတယ်'ဆိုပြီး ပြောလေ့ရှိပါတယ်"လို့ ဖွင့်ဟခဲ့တာပါ။

26/04/2026

■ Kim Hee Won နဲ့ ဒိတ်ခဲ့တယ်ဆိုတဲ့ ကောလာဟလကို Park Bo Young ရှင်းပြီ

- - - နာမည်ကျော်သရုပ်ဆောင်မင်းသမီး Park Bo Young က ၂၀၂၀ တုန်းက သူ့ထက် (၁၉) နှစ်ကြီးတဲ့ Kim Hee Won နဲ့ ဒိတ်ခဲ့တယ်ဆိုတဲ့ သတင်းတွေနဲ့ (၆) နှစ်အကြာမှာ ပြန်ရှင်းခဲ့ပါတယ်။

ရုပ်သံအစီအစဉ်တစ်ခုမှာ သရုပ်ဆောင်မင်းသားတွေဖြစ်တဲ့ Kim Hee Won၊ Lee Kwang Soo နဲ့ Park Bo Young လည်း ပါဝင်ခဲ့ပြီး ၂၀၂၀ တုန်းက Kim Hee Won နဲ့ ဒိတ်ခဲ့တယ်ဆိုတဲ့ ကောလာဟလကို ပြန်ရှင်းခဲ့တာ ဖြစ်ပါတယ်။

Park Bo Young က "ကျွန်မတို့ အဖွဲ့လိုက် ဆိုးလ်ကနေ အရင်က လက်တွဲလုပ်ဖူးတဲ့ ဒါရိုက်တာတစ်ဦးဆီကို အလည်သွားခဲ့တာပါ။ အဲဒီတုန်းက Lee Kwang Soo လည်း ပါပါတယ်။ အဖွဲ့လိုက် ပျော်ပွဲစား ထွက်သလိုပါပဲ။ ဒါပေမဲ့ ဓာတ်ပုံတွေ ထွက်လာတော့ ကျွန်မတို့ နှစ်ယောက်တည်း ဖြစ်နေတယ်"လို့ ဆိုခဲ့ပါတယ်။

ဆက်ပြီးတော့ Park Bo Young က "အစကတော့ ဆိုရှယ်မီဒီယာမှာ ပေါ်လာတဲ့ ဓာတ်ပုံပဲ ဆိုပြီး အလေးမထားခဲ့ပါဘူး။ သူငယ်ချင်းတစ်ယောက်က အဲဒီဓာတ်ပုံ ကျွန်မဆီ ပို့တော့ ကျွန်မ ရယ်တောင် ရယ်ခဲ့သေးတာပါ။ နောက်တော့ သတင်းတွေ တက်လာတယ်။ ကျွန်မအဖေ သူငယ်ချင်းတွေဆိုရင် အဖေ့ကို Bo Young ချစ်သူက အရမ်းအသက်ကြီးတယ်ဆိုပြီး ဖုန်းခေါ်ပြီး ပြောခဲ့ကြပါတယ်"လို့ ဆိုပါတယ်။

နောက်ပိုင်းမှာတော့ အဲဒီသတင်းတွေ ပိုမိုကျယ်ပြန့်လာခဲ့ပေမဲ့ Park Bo Young ဟာ အေဂျင်စီနဲ့ စာချုပ်မချုပ်သေးတာကြောင့် Fan Cafe မှာပဲ သူတို့ဟာ ရင်းနှီးတဲ့ မိတ်ဆွေဖြစ်တယ်၊ တွဲတာ မဟုတ်ပါဘူးလို့ တင်ခဲ့ပါတယ်။

Park Bo Young က "ကျွန်မတို့ အရမ်းရင်းနှီးကြပါတယ်။ ဒါပေမဲ့ ကောလာဟလ သတင်းတွေ ထွက်လာတော့ စီနီယာက ကျွန်မကို တစ်နှစ်လောက် အဆက်အသွယ်ဖြတ်ခဲ့တာပါ။ ကျွန်မလည်း ဝမ်းနည်းလို့ ဘာကြောင့် အဲဒီလိုလုပ်ရတာလဲလို့ မေးမြန်းခဲ့ပါတယ်။ အဲဒီမှာ စီနီယာက သူ တောင်းပန်ပါတယ်။ ကျွန်မအတွက် စိတ်မကောင်းဖြစ်လို့ပါဆိုပြီး ပြန်ပြောခဲ့တာပါ။ ကျွန်မကတော့ ဒီလိုသတင်းတွေကြောင့် ကျွန်မတို့ရင်းနှီးတဲ့ မိတ်ဆွေဆက်ဆံရေး တုန်လှုပ်သွားတာကမှ ပိုပြီး ဝမ်းနည်းစရာကောင်းတယ်လို့ ပြန်ပြောခဲ့ပါတယ်။ အခုထိ ကျွန်မတို့ အရမ်းရင်းနှီးဆဲပါပဲ"လို့ ပြောဆိုခဲ့ပါတယ်။

Source: xportsnews and Sports Seoul

26/04/2026

■ Lee D**g Wook ကို သူ့ညီမနဲ့ မိတ်ဆက်မပေးချင်ရတဲ့ Kim Bum အကြောင်းရင်း

- - - Tale of the Nine Tailed 1938 ဇာတ်လမ်းတွဲမှာ အတူတူသရုပ်ဆောင်ခဲ့ကြပြီး အရမ်းရင်းနှီးကြပေမဲ့ Kim Bum ကတော့ Lee D**g Wook ကို သူ့ညီမနဲ့ မိတ်ဆက်မပေးချင်ဘူးလို့ ဆိုပါတယ်။ အကြောင်းကတော့ ...

ရသစုံလင်အစီအစဉ်တစ်ခုမှာ အစီအစဉ်တင်ဆက်သူက “တကယ်လို့ ခင်ဗျားအနေနဲ့ ခင်ဗျားရဲ့ ညီမကို လက်တွေ့ဘဝက Lee D**g Wook ဒါမှမဟုတ် Tale of the Nine Tailed 1938 က ဇာတ်ကောင် Lee Yeon တို့ထဲက တစ်ယောက်ယောက် မိတ်ဆက်ပေးရမယ်ဆိုရင် ဘယ်သူနဲ့ မိတ်ဆက်ပေးချင်လဲ”လို့ Kim Bum ကို မေးမြန်းခဲ့ပါတယ်။

အဲဒီမေးခွန်းကို Kim Bum က “တကယ်လို့ ကျွန်တော် သူတို့နှစ်ယောက်လုံးကို မကြိုက်ဘူးဆိုရင်ရော ဘယ်လိုဖြစ်မလဲ။ သူတို့နှစ်ယောက်လုံးကို ကျွန်တော် မုန်းပါတယ်။ ပုဂ္ဂိုလ်ရေးအရ D**g Wook hyung ကို ကျွန်တော် အရမ်းကြိုက်ပါတယ်။ ဒါပေမဲ့ သူ့ကို ညီမလေးနဲ့ မိတ်ဆက်ပေးဖို့ကျတော့ တခြားပြဿနာတစ်ခုပါပဲ”လို့ ပြောကြားခဲ့ပါတယ်။

တကယ်လို့ ကျွန်တော့်အနေနဲ့ သူတို့နှစ်ယောက်ထဲက တစ်ယောက်ယောက်ကို မဖြစ်မနေ ရွေးချယ်ရမယ်ဆိုရင်တော့ Tale of the Nine Tailed 1938 ဇာတ်လမ်းတွဲက ဇာတ်ကောင် Lee Yeon ကိုပဲ ရွေးမှာပါ။ အဲဒီဇာတ်လမ်းတွဲမှာ မြေခွေးက သူ့တစ်ဘဝလုံး သူ ချစ်တဲ့ တစ်ယောက်တည်းကိုပဲ ကြည့်ခဲ့တာပါ။ လက်တွေ့ဘဝက Lee D**g Wook ကတော့ အရမ်းအလုပ်များပါတယ်။ သူ့မျက်နှာကို မြင်ရဖို့တောင် အရမ်းခက်ပါတယ်”လို့ ပြောကြားခဲ့တာပါ။

**gWook

26/04/2026

■ အချစ်စစ်ဆိုတာ ဆက်တိုက်ပြောနေရတဲ့ အရာမဟုတ်ပါ - IU

- - - လူတိုင်းလောကမှာ အချစ်နဲ့ မလွတ်ဘူးလို့ ဆိုကြပါတယ်။ အချစ်အဓိပ္ပာယ်ကို ဖွင့်ဆိုမှုတွေက များပြီး ကွဲပြားခြားနားပါ။ အချစ်စစ်၊ အချစ်မှန်နဲ့ပတ်သက်လို့ IU ရဲ့ ခံယူချက်က တကယ်ကောင်းတယ်လို့ ခံစားရလို့ ပြန်လည်ဝေမျှပေးလိုက်ပါတယ်။

အစီအစဉ်တစ်ခုမှာ Perfect Crown ရဲ့ အဓိက သရုပ်ဆောင်တွေဖြစ်တဲ့ IU နဲ့ Byeon Woo-seok တို့ ပါဝင်ခဲ့ကြပါတယ်။ အဲဒီမှာ Byeon Woo-seok ဟာ Yoo Su Bin ရဲ့ ရိုက်စဉ်က အပေးအယူမျှခဲ့တာကို ပြောပြခဲ့ပြီး သူ ရင်းနှီးလာပြီနောက်မှာ ပိုကောင်းအောင်လုပ်ဖို့ တာဝန်ကြီးလာတယ်လို့ ဖွင့်ဟခဲ့ပါတယ်။

သူ့စကားကြားပြီးနောက်မှာ Lee Yeon က “အချစ်ဆိုတာ ပထမမှာ သေးငယ်တဲ့ အရာက စတယ်မဟုတ်လား”လို့ စနောက်ခဲ့ပါတယ်။ အဲဒီစကားကို ကြားပြီးနောက်မှာတော့ IU ဟာ သေချာစဉ်းစားပြီး အချစ်နဲ့ပတ်သက်လို့ သူ့အမြင် သူ့ခံယူချက်ကို ဖွင့်ဟခဲ့တာပါ။

IU က “ဟုတ်တာပေါ့။ တကယ်လို့ အချစ်စစ်၊ အချစ်မှန်ဆိုရင် တဖွာဖွာ ပြောနေစရာ မလိုပါဘူး။ အချစ်ဆိုတာ နှလုံးသားရဲ့ အနက်ရှိုင်းဆုံးနေရာမှာ အရိုးရှင်းဆုံးတည်ရှိနေတဲ့ အရာတစ်ခု ဖြစ်ပါတယ်”လို့ ပြောပြခဲ့ပါတယ်။

အဲဒီမှာ Byeon Woo-seok က “ဒီနေ့ခေတ်မှာ ကျွန်တော်ကတော့ အချစ်ကို ဖော်ပြတာ ကောင်းတဲ့အရာလို့ ထင်ပါတယ်”ဆိုပြီး ပြောကြားခဲ့ပါတယ်။

IU ဟာ နာမည်ကျော်ထိပ်တန်းမင်းသားတစ်ဦးဖြစ်တဲ့ Lee Jong Suk နဲ့ ၂၀၂၂ ခုနှစ်မှာ စတွဲခဲ့ပါတယ်။ သူတို့ဟာ ၂၀၁၂ ခုနှစ် SBS Inkigayo မှာ တင်ဆက်သူ လုပ်ရင်း စတင်ရင်းနှီးခဲ့ကြတာပါ။

26/04/2026

■ RM ရဲ့အငြင်းပွားဖွယ်ဖြစ်ရပ်အတွက် BIGHIT တုံ့ပြန်မှုကို ပရိသတ်တွေ ဒေါသထွက်

- - - BTS အဖွဲ့ခေါင်းဆောင် RM ဟာ သိပ်မကြာခင်က ဖြစ်ပွားခဲ့တဲ့ အငြင်းပွားဖွယ်ဖြစ်ရပ်နဲ့ ပတ်သက်လို့ BIGHIT MUSIC တုံ့ပြန်ချက်ဟာ ဝေဖန်မှုတွေနဲ့ ရင်ဆိုင်နေရပါတယ်။

ဂျပန်သတင်းဌာန Shukan Bunshun က BTS အဖွဲ့ခေါင်းဆောင် RM ဟာ ဂျပန်ဖျော်ဖြေပွဲအပြီးမှာ ရှီဘူယာမှာ လည်ပတ်တဲ့ကာလအတွင်း ေ-ဆ-းလိ-ပ်မရတဲ့ အများပြည်သူသုံးနေရာမှာ ေ-ဆ-း-လိ-ပ် သောက်ခဲ့သလို ဖ-င်ဆီခံကို အမှတ်တမဲ့ လွှင့်ပစ်ခဲ့တယ်လို့ ဖော်ပြခဲ့ပါတယ်။

အဲဒီမှာ လုံခြုံရေးက သတိပေးခဲ့ပေမဲ့ RM အနေနဲ့ ဂရုမစိုက်ဘဲ အဲဒီလိုပြုမူခဲ့တာဖြစ်တယ်လို့ ဂျပန်မီဒီယာတွေက ကျယ်ကျယ်ပြန့်ပြန့်ဖော်ပြခဲ့ပြီးနောက် RM ဟာ သူ့လုပ်ရပ်အတွက် ဝေဖန်မှုတွေနဲ့ ရင်ဆိုင်နေရတာပါ။

ဒါပေမဲ့ အဲဒီအငြင်းပွားဖွယ်ဖြစ်ရပ်အတွက် RM ရော သူ့ရဲ့အေဂျင်စီကပါ တိုက်ရိုက်ဖြေရှင်းခြင်းမရှိတာကြောင့် ဝေဖန်သံတွေ ပိုညံလာခဲ့ပါတယ်။ ဒါပေမဲ့ ဧပြီ (၂၃) ရက်မှာတော့ iMBC Entertainment က အဲဒီဖြစ်ရပ်နဲ့ ပတ်သက်လို့ BIGHIT MUSIC က သူတို့ကို ထုတ်ပြန်စာပို့ခဲ့တယ်လို့ သိရပါတယ်။

iiMBC Entertainment ရဲ့ ဖော်ပြချက်မှာ BIGHIT MUSIC အနေနဲ့ အငြင်းပွားဖွယ်ဖြစ်ရပ်အတွက် တောင်းပန်ခြင်းမရှိဘဲ မီဒီယာတွေကို အဲဒီအငြင်းပွားဖွယ်ဖြစ်ရပ်နဲ့ပတ်သက်လို့ သတင်းတွေ ထပ်မတင်ဖို့နဲ့ Shukan Bunshun သတင်းဌာနက ဖော်ပြခဲ့တဲ့ ဓာတ်ပုံတွေကို မဖော်ပြဖို့ သတိပေးခဲ့တာ ဖြစ်တယ်လို့ သိရပါတယ်။

iMBC Entertainment ရဲ့ သတင်းထွက်လာပြီးနောက်မှာတော့ ကိုရီယား Netizens တွေက သူတို့ရဲ့ တုံ့ပြန်ချက်ကို ဒေါသထွက်ခဲ့ကြပြီး လူမှုကွန်ရက်မှာ ပြစ်တင်ဝေဖန်ခဲ့ကြတာ ဖြစ်ပါတယ်။

Ref: iMBC and Instiz

26/04/2026

■ Danielle ကို တရားစွဲမှုကနေ ADOR ရဲ့ ဥပဒေအကြံပေးအဖွဲ့ နုတ်ထွက်

- - - ADOR ရဲ့ ဥပဒေအကြံပေးအဖွဲ့ဖြစ်တဲ့ Kim & Chang ဥပဒေလုပ်ငန်းဟာ NewJeans အဖွဲ့ဝင်ဟောင်း Danielle ကို တရားစွဲဆိုထားတဲ့အမှုကနေ နုတ်ထွက်ကြောင်း အသိပေးစာ တင်ခဲ့ပါတယ်။

ADOR က NewJeans အဖွဲ့ဝင်ဟောင်း Danielle နဲ့ သူ့မိသားစုအပါအဝင် CEO ဟောင်း Min Hee Jin တို့ကို နစ်နာကြေး ဝမ် (၄၃.၁) ဘီလီယံ (အမေရိကန် ၂၉ သန်းကျော်ခန့်) ရလိုမှုနဲ့ တရားစွဲဆိုထားတာပါ။ ဒါပေမဲ့ အခု ADOR ရဲ့ ဥပဒေအကြံပေးအဖွဲ့က အဲဒီအမှုကနေ နုတ်ထွက်ကြောင်း ဆိုးလ်ဗဟိုခရိုင်တရားရုံးကို စာတင်ခဲ့တာ ဖြစ်ပါတယ်။

အမှုကနေ ရှေ့နေ နုတ်ထွက်တာဟာ သိပ်ဆန်းတဲ့ ကိစ္စမဟုတ်ပေမဲ့ နုတ်ထွက်တဲ့ အချိန်ကတော့ သံသဖြစ်စရာ ကောင်းနေပါတယ်။ ဘာလို့လဲဆိုတော့ အဲဒီအမှုကို မေလ (၁၄) ရက်မှာ ကြားနာဖို့ စီစဉ်ထားတာဖြစ်ပြီး ကြားနာမှုမတိုင်ခင် (၃) ပတ်အလိုမှာ တရားလိုရှေ့နေအဖွဲ့ နုတ်ထွက်ခဲ့တာ ဖြစ်ပါတယ်။

ADOR အနေနဲ့ ရှေ့နေအဖွဲ့သစ် ရှာရမှာဖြစ်လို့ အမှုကြားနာစစ်ဆေးမှုဟာ ကြန့်ကြာနိုင်သလို သူတို့ဘက်က စွဲချက်တွေကို ပြန်လည်ရုတ်သိမ်းတာမျိုးလည်း ရှိနိုင်ပါတယ်။ တကယ်လို့ ကြားနာမှုကို ရွှေ့ဆိုင်းခဲ့မယ်ဆိုရင် ၂၀၂၅ ဒီဇင်ဘာမှာ စာချုပ်ဖျက်သိမ်းပြီးနောက် မတင်မကျဖြစ်နေတဲ့ Danielle အတွက် နစ်နာမှာ ဖြစ်ပါတယ်။

Danielle ဟာ လက်ရှိမှာ အေဂျင်စီမရှိသလို အဖွဲ့ကလည်း အထုတ်ခံထားရပြီး ဝမ်ဘီလီယံပေါင်းများစွာ လျှော်ရနိုင်တဲ့ အမှုနဲ့ ရင်ဆိုင်နေရတာပါ။ ပရိသတ်တွေကတော့ ADOR က တမင်တကာ အချိန်ဆွဲပြီး Danielle အပေါ် ညစ်ပတ်နေတာလို့ ဝေဖန်ထောက်ပြမှုတွေလည်း ရှိနေပါတယ်။

မတ်လက ကြားနာခဲ့တဲ့ ပထမဆုံးအကြိမ် ကြားနာမှုမှာ Danielle ရဲ့ ရှေ့နေအဖွဲ့က အဲဒီအချက်ကို ထောက်ပြခဲ့ပြီး အကောင်းဆုံးအသက်အရွယ်ကို ရောက်နေတဲ့ Danielle အနေနဲ့ လွတ်လွတ်လပ်လပ် လုပ်ခွင့်မရတာဟာ နစ်နာစေတယ်လို့ ရုံးတော်ကို လျှောက်တင်ခဲ့တာပါ။

ADOR နဲ့ Danielle တို့ရဲ့အမှုကို မေလ (၁၄) ရက်မှာ ဒုတိယအကြိမ်နဲ့ ဇူလိုင်လ (၂) ရက်မှာ တတိယအကြိမ် ကြားနာဖို့ သတ်မှတ်ထားတာပါ။ ADOR ဟာ သူတို့ CEO ဟောင်း Min Hee Jin နဲ့ ဖြစ်ခဲ့တဲ့ ပထမအမှုမှာတော့ ရှုံးနိမ့်ခဲ့ပြီး ဝမ် (၂၄) ဘီလီယံ လျော်ကြေးပေးခဲ့ရပါတယ်။

Ref: KB

25/04/2026

ခြင်းကြားထဲမှာ ကြက်များစွာ
ပျော်ကာနေကြသည်..
မိတ်လိုက်တဲ့ကြက် ရာဂဖက်
မိတ်ဖက်နဲ့သာ ပျော်နေသည်..
ခွပ်သန်တဲ့ကြက် မာနထက်
ခွပ်ဖက်နဲ့သာ အော်နေသည်..
တွန်သန်သည့်ကြက် တွန်မပျက်
မာန်လေးတွေတက်
တွန်ဖက်ရှာလို့ ပျော်နေသည်..

ထိုစဉ်ခါမှာ
ကြက်ခြင်းကိုကြည့် ပီတိနဲ့လေ
မိမိရရ ကြက်သည်မက
အလုပ်စလို့နေလေပြီ..
ုခြင်းကြားရဲ့ဘေး မီးပြင်းမွှေး
ရေနွေးလည်းတည်
အလေးချိန်ခွင် သူပြင်ဆင်ပြီ..
ခုတ်ရန်ခုတ်ဓား လှီးရန်ဓား
အားလုံးအသင့်ဖြစ်နေပြီ..
ရေနွေးလည်းဆူ ဝယ်သူလည်းလာ
ဆိုင်သောခါဝယ်
ပါရာကိုကုပ် ကြက်တအုပ်ကို
ခြင်းကထုတ်တော့
ကြက်အုပ်ကြီးက ဆူဆူညံ..

သို့ပါလည်းလေ
ခြင်းကြားထဲကအမြင် ကြက်အမြင်
ခြင်းကြားထဲကသိ ကြက်သိပေမို့
ရင်ထဲခဏ
မြင်တုန်းမှာဆူ ဆူပြီးရင်ပျောက်
ရင်ထဲမှာမစွဲ သတိလည်းမရှိ
ပျော်မိပျော်ရာ ပျော်ကြဆဲပါ..

- မဟာဗောဓိမြိုင်ဆရာတော်ဘုရားကြီး

25/04/2026

☮️ Daesung တစ်ကိုယ်လုံးစိမ့်နေအောင် ကြောက်တဲ့ GD ရဲ့စကားတစ်ခွန်း (၆)

- - - BIGBANG အဖွဲ့ပွဲထွက်ဖို့ အသည်းအသန်း ပြင်ဆင်နေချိန်မှာ G-Dragon ဟာ တခြားသင်တန်းသားတွေကို အတော်လေး မောင်းခဲ့တာပါ။ အေဂျင်စီကို အရင်ဆုံးရောက်နေတာရယ်၊ ခေါင်းဆောင်ဖြစ်တာရယ်ကြောင့် အစကတည်းက ကြောက်ရတဲ့ Daesung ဟာ GD ရဲ့ ဒီစကားတစ်ခွန်းကို ကြားတဲ့အချိန်တော့ အရိုးထဲထိ စိမ့်နေအောင် ကြောက်ပါသတဲ့။

Disclaimer — This video and its content do not belong to me. All rights and credits go to the original creator. It is entertainment purpose only. I only translate this video.

25/04/2026

■ Lee D**g-gun ရဲ့ အချစ်ရေးအရှုပ်တော်ပုံ

- - - တစ်ချိန်က နာမည်ကျော်မင်းသားတစ်ဦးဖြစ်ခဲ့တဲ့ Lee D**g-gun ဟာ လူပြောသူပြော များလောက်အောင် ရည်စားတွေ ထည်လဲတွဲခဲ့သူဖြစ်ပြီး အခုလည်း ကွာရှင်းပြီးနောက်မှာလည်း ...

၂၀၀၀ ပြည့်နှစ်ကျော်ကာလတွေမှာ နာမည်ကျော်ကြားတဲ့ Lee D**g-gun ဟာ ကိုရီးယားထိပ်တန်းအနုပညာရှင်တွေထဲမှာ ရည်းစားတွေကို လူသိရှင်ကြား တွဲလေ့ရှိသူဖြစ်ပြီး နောက်ဆုံးမှာတော့ ဖန်တရာတေနေတဲ့ ပျော်စရာမကောင်းတဲ့ အဆုံးသတ်တွေနဲ့ချည်း ကြုံခဲ့ရသူပါ။

📌 ၂၀၀၂ မေလမှာ Lee D**g-gun ဟာ မင်းသမီး Kim Min Jung နဲ့ လူသိရှင်ကြား စတွဲခဲ့ပါတယ်။ သူတို့ဟာ MBC ဇာတ်လမ်းတွဲမှာ တက်သစ်စတွေအဖြစ် ဆုံတွေ့ပြီးနောက် စတွဲခဲ့တာပါ။ အဲဒီတုန်းက သူတို့နှစ်ယောက်လုံး နာမည်သိပ်မရသေးလို့ လူတွေ သိပ်စိတ်မဝင်စားခဲ့ကြပါဘူး။ သူတို့ဟာ ၁ နှစ်ခွဲတွဲပြီးနောက်မှာတော့ အမြင်မတူမှုတွေကြောင့် လမ်းခွဲကြပါတယ်။

📌 ၂၀၀၀ ပြည့်နှစ်ကျော်ကာလတွေမှာ Lee D**g-gun နဲ့ Han Ji Hye တို့အတွဲက လူပြောများခဲ့ပါတယ်။ “Sweet 18” မှာ သရုပ်ဆောင်ပြီးနောက် သူတို့ စတွဲခဲ့တာပါ။ သူတို့ဟာ တစ်ဦးအကြောင်းကို တစ်ဦး လူသိရှင်ကြား ပြောလေ့ရှိပြီး “My Boyfriend is Type B” ဇာတ်လမ်းတွဲမှာလည်း သူတို့အတူတူ ရိုက်ခဲ့သေးတာပါ။ ၂၀၀၈ ဇန်နဝါရီမှာတော့ Han Ji Hye ဟာ လူမှုကွန်ရက်က Lee D**g-gun ရဲ့ ပုံတွေကို ဖျက်ပြီးနောက်မှာ သူတို့လမ်းခွဲကြောင်း ကြေညာခဲ့ပါတယ်။

📌 ၂၀၀၈ မှာတော့ Lee D**g-gun ဟာ သူ့ထက် (၅) နှစ်ငယ်တဲ့ Cha Ye Ryun နဲ့ တွဲခဲ့ပြန်ပါတယ်။ Jongang Ilbo ရဲ့ ဖော်ပြချက်အရ သူတို့နှစ်ယောက်ဟာ သူငယ်ချင်းတွေ မိတ်ဆက်ပေးရာက တွေ့ဆုံခဲ့ပြီး “Star’s Lovers” မှာ အတူတူ သရုပ်ဆောင်ပြီးနောက် တွဲခဲ့ကြတာပါ။ ၂၀၁၀ နှောင်းပိုင်းမှာတော့ Lee D**g-gun စစ်မှုထမ်းခဲ့ပြီး သူတို့အတွဲလည်း လမ်းခွဲခဲ့ကြပါတယ်။

📌 ၂၀၁၅ ဇူလိုင်မှာတော့ Lee D**g-gun နဲ့ T-ara အဖွဲ့ဝင် Jiyeon တို့ စားသောက်ဆိုင်မှာ အတူ စားသောက်နေတဲ့ ဓာတ်ပုံတွေ ထွက်ပေါ်လာခဲ့ပါတယ်။ သူတို့နှစ်ယောက်ဟာ Encounter ဇာတ်ကားမှာ တွေ့ဆုံပြီးနောက် ရင်းနှီးခဲ့ကြတာပါ။ Lee D**g-gun နဲ့ Jiyeon တို့အတွဲဟာ ဝေဖန်မှုတွေနဲ့ ရင်ဆိုင်ခဲ့ရပါတယ်။ အသက် (၁၃) နှစ်ကွာတာလည်း ပြောစရာဖြစ်ခဲ့ပြီး ၂၀၁၇ မှာတော့ သူတို့ လမ်းခွဲခဲ့ပါတယ်။

📌 Jiyeon နဲ့ လမ်းခွဲပြီးနောက် (၂၆) ရက်အကြာမှာပဲ Lee D**g-gun ဟာ “The Gentlemen of Wolgyesu Tailor Shop” ဇာတ်လမ်းတွဲမှာ အတူတွဲဖက်သရုပ်ဆောင်ခဲ့တဲ့ Jo Yoon Hee နဲ့ တွဲခဲ့ပါတယ်။ နောက် (၃) လအကြာမှာတော့ သူတို့ဟာ လက်ထပ်ကြောင်း ကြေညာခဲ့ပြီး Jo Yoon Hee ဟာ ကိုယ်ဝန် (၂) လရှိနေပြီလို့ သိရပါတယ်။ Lee D**g-gun ကို ဖေ-ာက်ပြန်သူအဖြစ် ဝေဖန်ခဲ့ကြပြီး Jo Yoon Hee ကိုတော့ စနှိုက်ကြော်အဖြစ် ဝေဖန်ခဲ့ကြပါတယ်။ ၂၀၁၇ မှာ ဝေဖန်မှုတွေကြားကပဲ သမီးလေးကို မွေးဖွားခဲ့ပါတယ်။ (၃) နှစ်ကြာပြီးနောက်မှာတော့ သူတို့ တရားဝင်ကွာရှင်းခဲ့ကြပြီး Lee D**g-gun က သူ အမှားတွေအများကြီး လုပ်ခဲ့တယ်လို့ ဝန်ခံခဲ့ပါတယ်။

📌 ၂၀၂၅ မေလမှာတော့ Lee D**g-gun ဟာ သူ့ထက် (၁၆) နှစ်ငယ်တဲ့ မင်းသမီး Kang Hae Rim နဲ့ တွဲနေတယ်လို့ သတင်းထွက်ခဲ့ပါတယ်။ ဒီတစ်ခါတော့ နှစ်ဖက်စလုံးက တရားဝင်ကြေညာခြင်း မရှိပါဘူး။ ဒါပေမဲ့ သူတို့နှစ်ယောက်ကို ဂန်နမ်မှာ ကြိမ်ဖန်များစွာ အတူတူ တွေ့ရလေ့ရှိတယ်လို့ ကိုရီယားမီဒီယာတွေက ဖော်ပြကြပါတယ်။

**gGun

25/04/2026

■ အဖြေမှန်တွေ မရှိတဲ့ ကမ္ဘာကြီးမှာ အမှားလုပ်မိရင်လည်း အဆင်ပြေပါတယ်

“ဂုဏ်ယူပါတယ်။ အမှန်တကယ်ကို ဂုဏ်ယူပါတယ်။ မင်းတို့ လုပ်နိုင်ခဲ့ပြီ။ မင်းတို့က ဒီအလုပ်တွေကို ဆက်ပြီး လုပ်ကြမယ့်သူတွေ ဖြစ်ကြတယ်။

အခု မင်းတို့ဟာ အဖြေမှန်တွေ မရှိတဲ့ ကမ္ဘာကြီးကို နဖူးတွေ့ဒူးတွေ့ ရင်ဆိုင်ကြရတော့မယ်။ ဒီတော့ အမှားလုပ်မိရင်လည်း အဆင်ပြေပါတယ်။

တစ်ခုပဲ (ကြိုးစားတာကို) ဘယ်တော့မှ မရပ်လိုက်နဲ့။ ကွဲပြားခြားနားတဲ့ လမ်းကြောင်းကို လျှောက်လှမ်းဖို့ သတ္တိရှိပါ။ အဲဒီရဲစွမ်းသတ္တိတွေကပဲ မင်းတို့ကို ဘဝမှာ ပိုအောင်မြင်အောင်၊ ပိုဝေးဝေးရောက်အောင် ကူညီပေးလိမ့်မယ်။

ဒီနေ့က စပြီး ဘဝသစ်ကို လွတ်လွတ်လပ်လပ်နဲ့ စတင်ကြပါ”

- G-Dragon (KAIST စစ်မှုအင်ဂျီနီယာဌာနရဲ့ ဧည့်ပါမောက္ခ - KAIST main campus မှာ ၂၀၂၆ ဘွဲ့နှင်းသဘင်အခမ်းအနားမှာ ဘွဲ့ရကျောင်းသားတွေအတွက် အမှတ်တရပြောစကားမှာ ကောက်နုတ်ချက်)

Source : SBS Star
Photos provided by Galaxy Corporation
(SBS Entertainment News | Kang Kyung-youn)

25/04/2026

■ TIME 100 Gala က Jennie

- - - BLACKPINK အဖွဲ့ဝင် Jennie ဟာ နယူးယောက်မှာ ကျင်းပခဲ့တဲ့ 2026 TIME 100 Gala ကို တက်ရောက်ခဲ့ပါတယ်။

Jennie ဟာ TIME မဂ္ဂဇင်းက ဖော်ပြတဲ့ ၂၀၂၆ ခုနှစ်အတွင်း ကမ္ဘာပေါ်မှာ လွှမ်းမိုးမှုအရှိဆုံး လူပုဂ္ဂိုလ် (၁၀၀) စာရင်းပါဝင်ခဲ့တဲ့ တစ်ဦးတည်းသော K-Pop Idol ဖြစ်ပြီး သူ့ရဲ့ပွဲတက်ဝတ်စုံအပေါ် ဝေဖန်မှုအချို့ ရှိခဲ့ပါတယ်။

အဲဒီပွဲမှာ Jennie ဟာ နာမည်ကျော်မင်းသမီး Dakota Johnson အပါအဝင် နာမည်ကြီးတွေနဲ့ တွေ့ဆုံခဲ့ပြီး ဒီနှစ်အတွင်းမှာ သီချင်းသစ် ထုတ်ဖွယ်ရှိတယ်လို့လည်း အရိပ်အမြွက် ပြောကြားခဲ့ပါတယ်။

Jennie က “အမှန်တကယ် ပြောရမယ်ဆိုရင် ကျွန်မအတွက် အသစ်တွေ ထုတ်ရမယ့်အချိန်လို့ ထင်ပါတယ်။ ကျွန်မဆီက သီချင်းသစ်တွေ ထွက်လာတာမျိုး ဖြစ်နိုင်ပါတယ်”လို့ အင်တာဗျူးမှာ ပြောကြားခဲ့ပါတယ်။

Photos Credit.

25/04/2026

■ Song Seung-heon ဟာ အဖိုးမဖြတ်နိုင်တဲ့ သူငယ်ချင်းပါ

- - - နာမည်ကျော်မင်းသား So Ji-sub ဟာ ဆင်းရဲနွမ်းပါးတဲ့ မိသားစုကနေ မွေးဖွားသူဖြစ်ပြီး သူ့ရဲ့ဘဝအကြောင်းနဲ့ ပတ်သက်လို့ YouTube channel တစ်ခုဖြစ်တဲ့ 'Jjanhanyoung Shin D**g-yup' မှာ ပါဝင်တုန်းက ဖွင့်ဟခဲ့ပါတယ်။

အဲဒီအစီအစဉ်မှာ Shin D**g-yup က အရင်တုန်းက So Ji-sub ကို အထင်လွဲခဲ့ဖူးတဲ့ တောင်းပန်ခဲ့ပါတယ်။ Shin D**g-yup က "Three Guys and Three Girls မတိုင်ခင်က Song Seung-heon ဟာ So Ji-sub နဲ့အတူ ကျွန်တော့်ဆီ လာလည်လေ့ရှိပါတယ်။ အဲဒီတုန်းက Denim ဂျာကင်နဲ့ Accessories အများကြီး ဝတ်တဲ့ So Ji-sub ကို တကယ်သိချင်ခဲ့တာပါ"လို့ ပြောဆိုခဲ့ပါတယ်။

Shin D**g-yup က So Ji-sub ဟာ တောင်ကိုရီးယားမှာ အချမ်းသာဆုံးမိသားစုတွေထဲက ဆင်းသက်လာသူလို့ အထင်မှားခဲ့ပြီး Song Seung-heon ကိုတောင် ကြည့်ပေါင်းဖို့ တိုက်တွန်းခဲ့တာပါ။ “မင်း အဲဒီလူတွေနဲ့ လျှောက်သွားနေမယ်ဆိုရင် လမ်းမှားသွားလိမ့်မယ်လို့ Song Seung-heon ကို သတိပေးခဲ့တာပါ။ ဒါပေမဲ့ Song Seung-heon က So Ji-sub က အဲလိုမဟုတ်ပါဘူး အစ်ကိုဆိုပြီး ပြန်ပြောခဲ့ပါတယ်"လို့ Shin D**g-yup က ဆိုခဲ့တာပါ။

နောက်ပိုင်းက Shin D**g-yup အနေနဲ့ So Ji-sub ဟာ မိခင်နဲ့ အဘွားဖြစ်သူရဲ့ ကျွေးမွေးစောင့်ရှောက်မှုနဲ့အတူ ခက်ခဲတဲ့ အခြေအနေမှာ ရှင်သန်ခဲ့ရသူဖြစ်ကြောင်းနဲ့ Song Seung-heon ကတော့ ချမ်းသာတဲ့ မိသားစုကနေ ဆင်းသက်လာသူဖြစ်ကြောင်း နားလည်သွားခဲ့ပါတယ်။

So Ji-sub က "အဲဒီတုန်းက ကျွန်တော် အင်ချွန်းမှာ နေတာပါ။ ကျွန်တော့်အနေနဲ့ ခရီးသွားစရိတ် သက်သာအောင်ဆိုပြီး Seung-heon ရဲ့ အိမ်မှာ နေထိုင်ခဲ့တာပါ။ Seung-heon ဟာ ကျွန်တော့်အတွက်တော့ အဖိုးမဖြတ်နိုင်သူ ဖြစ်ပါတယ်။

What Happened in Bali ဇာတ်လမ်းတွဲရိုက်တုန်းက ကျွန်တော့်အတွက် အရမ်းခက်ခဲခဲ့ပါတယ်။ ဘာလို့လဲဆိုတော့ ဇာတ်ကောင်က ကျွန်တော့်ဘဝနဲ့ အတော်လေးတူလို့ပါ။ အဲဒီဇာတ်လမ်းတွဲမတိုင်ခင်အထိ ကျွန်တော့်အနေနဲ့ ပိုက်ဆံလိုချင်လို့ သရုပ်ဆောင်ခဲ့တာပါ။ အဲဒီဇာတ်လမ်းကတော့ ကိုယ့်ဘဝနဲ့ အတော်တူနေတာကြောင့် သရုပ်ဆောင်စရာတောင် မလိုခဲ့ပါဘူး။ Single Mom နဲ့ နေရတဲ့ဘဝက ကျွန်တော်နဲ့ထပ်တူပါပဲ။ အဲဒီဇာတ်လမ်းတွဲက ကျွန်တော့်ဘဝနဲ့ တူလွန်းလို့ စိန်ခေါ်မှုဖြစ်ခဲ့တာပါ။

Next In

26/04/2026

26/04/2026

26/04/2026

26/04/2026

26/04/2026

26/04/2026

25/04/2026

25/04/2026

25/04/2026

25/04/2026

25/04/2026

25/04/2026

Address

Website

Alerts

Contact The Establishment

Shortcuts

Share