Maw Coon

Maw Coon Entertainment for your daily life

ပျောက်ပျက်မသွားတဲ့ ငွေဝင်လမ်းကြောင်းဝင်ငွေလမ်းကြောင်း အမျိုးအစား ၇ မျိုးရှိကြောင်းကို သိရှိခဲ့ပြီးဖြစ်မယ်ထင်ပါတယ်။ ဒါတွေ...
01/06/2025

ပျောက်ပျက်မသွားတဲ့ ငွေဝင်လမ်းကြောင်း
ဝင်ငွေလမ်းကြောင်း အမျိုးအစား ၇ မျိုးရှိကြောင်းကို သိရှိခဲ့ပြီးဖြစ်မယ်ထင်ပါတယ်။ ဒါတွေကတော့
(1) Earned Income
(2) Profit Income
(3) Dividend Income
(4) Capital Gain Income
(5) Royalty Income
(6) Interest Income
(7) Rents Income တို့ ပဲဖြစ်ပါတယ်။
ဒီတစ်ခါမှာတော့ Royalty Income ဆိုတဲ့အကြောင်းကို နည်းနည်း အသေးစိတ် ထပ်ပြီး မျှဝေပေးချင် ပါတယ်။ Royalty Income ဆိုတာဟာ မိမိရဲ့ ပိုင်ဆိုင်မှု တစ်ခုခုကို အခြားသူတစ်ဦး က တစ်နည်းနည်းနဲ့ အသုံးချ တဲ့အခါမှာ မိမိကို ဥပဒေ အရ အခကြေးငွေ တစ်ခုခု ပေး ရတဲ့ ဝင်ငွေ အမျိုးအစား ဖြစ်ပြီး Passive Income အမျိုးအစား တစ်ခုပဲဖြစ်ပါတယ်။ တစ်နည်း အား ဖြင့်တော့ Royalty Income ဟာ Intellectual Property လို့ခေါ်တဲ့ ဉာဏဆိုင်ရာ အဖိုးတန် ပိုင်ဆိုင်မှုတွေ ကနေ ဝင်ငွေ ရရှိတဲ့ Passive Income အမျိုးအစား ပါပဲ။ ဥပမာ အားဖြင့် စာရေး ဆရာ တစ်ဦးက ဝတ္တု စာအုပ်တစ်အုပ် ရေးသား ဖန်တီးလိုက်တယ်ဆိုပါစို့။ ဒါဆိုရင် ဒီ စာမူ တွေပါတဲ့ ဝတ္တု စာအုပ်ဟာ ပုံနှိပ် ထုတ်ဝေ သူကနေ အကြိမ် ကြိမ် ပြန်လည် ရိုက်နှိပ်ထုတ်ဝေ ရတိုင်းမှာ ဝင်ငွေ ပမာဏ တစ်ခု ရရှိနေမှာ ဖြစ်ပါတယ်။ သီးချင်းရေးဆရာ များ ရဲ့ သီချင်းများ ဆိုရင်လဲဒီလိုပဲဖြစ်ပါတယ်။
ပိုပြီး ထင်ရှားတဲ့ ဥပမာ ကတော့ ကွန်ပျူ တာတွေ ကို Operate လုပ်ပေးတဲ့. Window software ဟာ Microsoft Company ရဲ့ Intellectual Property ဖြစ်တဲ့ အတွက် အသုံးပြုတဲ့ ကွန်ပျူတာ ထုတ်လုပ်ရေး တိုင်းဟာ Microsoft ကို အခကြေးငွေတစ်ခု ပေးရလေ့ရှိပါတယ်။ ဒီလိုပါပဲ။ လျှပ်စီးမီးသီး တီထွင်တာ၊တယ်လီဖုန်း တီထွင်တာ၊ သံလိုက်ရထား ဒီဇိုင်း၊ လက်နက် အသစ်တစ်ခုခု စသည့် တို့တီထွင်သူတွေဟာ တီထွင် ပြီး ရင်. Patent အနေနဲ့ မှတ်ပုံတင်ကာ ပြန်လည် အသုံးချသူ လူတွေ company တွေ ဆီကနေ အခကြေးငွေကို ပုံမှန် ရယူကြလေ့ရှိပါတယ်။ ဒါကြောင့် နိုင်ငံ တကာမှာ ဒီလို Intellectual Property. တွေကို ဖန်တီးနိုင်ဖို့ အထူးတလည် အားစိုက် ကြိုးစား ကြလေ့ ရှိပါတယ်။
လူတစ်ဦးချင်းစီသာမကပဲ လုပ်ငန်း တွေ Company တွေ မှာလည်း Royalty Income ပေးတဲ့ Intellectual Property တွေ ရှိလေ့ရှိပါတယ်။ company ကနေ ရှာဖွေထားတဲ့ နည်းပညာတွေ၊ Research data တွေ၊ Product Design တွေကို အခြား အသုံးပြုလိုသူတွေ ကို ရောင်းချ ခြင်း တို့ ကနေ ဝင်ငွေရရှိနိုင်ပါတယ်။
အားသာချက်တွေက…
Royalty Income ဟာ ပိုင်ဆိုင်မှု Asset တစ်ခုခုကို ဝယ်ယူပြီး ပြန်လည် ငှားရမ်း ရတဲ့ Rental Income လိုမျိုး အရင်းစိုက် ပြီး ငွေတစ်လုံးထဲ ဝယ်ယူရတာမျိုးမဟုတ် ပါဘူး။ ဒါ့အပြင် မိမိ ကိုယ်တိုင် တစ်ဦးထဲ ဖန်တီးနိုင်လေ့ရှိတဲ့ ပိုင်ဆိုင်မှု အမျိုးအစား ဝင်ငွေအမျိုးအစား တစ်ခုလဲ ဖြစ်ပြန်ပါတယ်။ အချို့ သော ကျွမ်းကျင်မှုတွေ မိမိ မှာ ရှိလာတဲ့ အခါမှာ Royalty Income တစ်ခုခုကို အလွယ်တကူလေး ဖန်တီး နိုင် လေ့လဲရှိနိုင်ပါတယ်။ ဥပမာ မိမိက ဖက်ရှင်ဒီဇိုင်း ပညာ ပိုင်းမှာ အတွေ့အကြုံလဲရှိ ဖန်တီးမှုလဲ အားကောင်းတဲ့အခါ လူကြိုက်များတဲ့ ဒီီဇိုင်းတွေ ဖန်တီးပြီး ဒါတွေကို အဝတ်အထည် လုပ်ငန်းကြီးတွေကို ရောင်းချလို့ရပါတယ်။ ဒါမှမဟုတ် မိမိရဲ့ ဖက်ရှင် ဒီဇိုင်း ပညာရပ်ကို Online Training သင်တန်း တစ်ခုအနေနဲ့အသွင်းပြောင်းကာ Royalty Income ကိုဖန် တီးနိုင် ပြန်ပါတယ်။
အားနည်းချက်တွေ…
မိမိဖန်တီးလိုက်တဲ့ Intellectual Property ဟာ လူကြိုက်များ ပြီး စျေးကွက်ဝင်ကာအ ဖိုးတန်တဲ့ဖန် တီးမှုမျိုးတော့ ဖြစ်ဖို့လိုပါတယ်။ ဒီလိုဖြစ်ဖို့အတွက် မိမိ မှာ လုံလောက်တဲ့ အတွေ့အကြုံ နဲ့ ပညာတွေ ရှိဖို့တော့လိုပြန်ပါတယ်။ Rental Income လို asset ကို ဝယ်လိုက်ဖို့ ငွေအလုံးအရင်းမသုံး ရပေမယ့် အားထုတ်ရတာတွေ က ပိုပြီး များပြားလေ့ရှိပါတယ်။ ဥပမာ သီချင်းတစ်ပုဒ်ရေးရတာ၊ ဒီဇိုင်းတစ်ခု ဖန်တီးရတာ တွေဟာ စိတ်ပိုင်းဆိုင်ရာ အားထုတ်ရမှုတွေ များလေ့ရှိပါတယ်။ နည်းပညာအသစ်တွေ Product Design တွေ ဆိုရင်လည်း Research တွေ လေ့လာမှုတွေ များစွာ ပြုလုပ်ရတဲ့အတွက် ကုန်ကျ စရိတ်တွေက များပြားတတ်လေ့ရှိပြန်ပါတယ်။ Passive Income ဆိုပေမယ့် ကိုယ်တိုင် ဖန်တီး ရတဲ့အတွက် ဖန်တီးနေချိန်မှာတော့ အချိန်ပြည့် အလုပ်လုပ်နေရလေ့ရှိပါတယ်။

Royalty Income အမျိုးအစားတွေ…
(၁) Book Royalty
ဒါကတော့ စာအုပ်ထုတ်ဝေမှုကနေ ရတဲ့ income အမျိုးအစား ဖြစ်ပါတယ်။ စာရေးဆရာ အဖြစ် အသက်မွေးဝမ်းကြောင်းပြုပြီး ရသ စာပေ တွေ ရေသားထုတ်ဝေသလိုပဲ ပညာရပ်တစ်ခုခုမှာ ကျွမ်းကျင် တစ်ဖက်ကမ်းခတ်တတ်မြောက်သူတွေကလဲ သက်ဆိုင်ရာ ပညာရပ်အကြောင်းတွေ ကို စာအုပ် များအနေနဲ့ ဖန်တီး နိုင်ကြလေ့ရှိပါတယ်။ ဥပမာ စိုက်ပျိုးရေးပညာ၊ ငွေကြေးပညာ၊ စီမံခန့်ခွဲမှု စသည်ဖြင့်ပါပဲ။ တစ်ကြိမ် ထုတ်ဝေထား တဲ့ စာအုပ် ကို ဘယ်အချိန် ဖြစ်ဖြစ် ပြန်လည်ထုတ်ဝေတဲ့ အခါ ထုတ်ဝေသူနဲ့ သဘောတူညီထားတဲ့ ငွေပမာဏကို စာတစ်အုပ် စီတိုင်း အတွက် ရရှိလေ့ရှိ ပါတယ်။ စာရေးဆရာ ကြီးတွေ ဆိုရင် ကွယ်လွန်သွားပြီးတဲ့အထိရေး ခဲ့တဲ့ စာအုပ်တွေက မိသားစု အဆက်ဆက် ဝင်ငွေ ရရှိစေနေလေ့ရှိပါတယ်။
(၂) Performance Royalty
ဒါကတော့ စွမ်းဆောင်ရည် တစ်ခုခု ပေါ်မူတည်ပြီး ရရှိတဲ့ Income အမျိုးအစားပါပဲ။ ဥပမာ အောင်မြင် တဲ့ သီချင်းတစ်ပုဒ် ရေးသား နိုင်တာ၊ ဗီဒီယို ရုပ်ရှင်ကားကြီး မှာ သရုပ်ဆောင် ထားပြီး ရုံတင်ပြသတိုင်း ဝင်ငွေရနေတာ၊ ပန်းချီ အနုပညာ တစ်ခုခု ဖန်တီး နိုင်တာ၊ ဒါမှမဟုတ် လူကြိုက်များတဲ့ ကာတွန်းဇာတ် ကောင် တစ်ခုဖန်တီး နိုင်တာ စတဲ့ ဖန်တီးမှုတွေ ကနေ ရတာ ဖြစ်ပါတယ်။

(၃) Patent Royalty
ဒါကတော့ သိပ္ဗံပညာရှင်တွေလိုမျိုး တီထွင်ဖန်တီး သူ တွေရဲ့ မူပိုင်ခွင့် ကနေ တစ်ဆင့် ရရှိတဲ့ ဝင်ငွေ အမျိုးအစားဖြစ်ပါတယ်။ ဥပမာ လျှပ်စစ် ကား တစ်စီး တီထွင်ပြီး မူပိုင်ခွင့်တင်ထား တဲ့အခါ အဲဒီကား ကို ထုတ်လုပ်တဲ့ company ဆီကနေ ကားတစ်စီးရောင်းရတိုင်း ဝင်ငွေပမာဏ တစ်ခုရနေတာ မျိုးဖြစ်ပါတယ်။ နည်းပညာ အသစ် တွေ၊ ထုတ်ကုန် အသစ်တွေ၊ အရေးကြီး ရှာဖွေတွေ့ရှိချက်တွေ၊ စတာတွေ ကနေ ရလေ့ရှိပါတယ်။ လူတစ်ဦးချင်းစီ အပြင် company လုပ်ငန်းတွေအများစု ကဒီ အမျိုးအစား ကနေ ဝင်ငွေရတတ်လေ့ရှိကြပါတယ်။
(၄) Franchise Royalty
Franchise ဆိုတာကတော့ အောင်မြင်တဲ့ စီးပွားရေး လုပ်ငန်းတစ်ခုကအခြား Third party တစ်ခုခုကို သူတို့ရဲ့ လုပ်ငန်းအမည်၊ လုပ်ငန်း ဆောင်ရွက်ပုံ၊ ကုန်ကြမ်းထောက်ပံရေး၊ စတောတွေ မျှဝေပေးပြီး လုပ်ငန်းအခွဲလုပ်စေကာ ရောင်းရငွေထဲက တစ်စိတ်တစ်ပိုင်းကို ရယူ တဲ့ income အမျိုးအစား ဖြစ်ပါတယ်။ဥပမာ မက်ဒေါ်နယ် ဘာဂါ ဆိုင်တွေဟာ တစ်ကမ္ဘာလုံးအနှံကို Franchise နည်းလမ်းနဲ့ ဖြန့်ကျက်ခဲ့တာဖြစ်ပါတယ်။ မြန်မာနိုင်ငံမှာဆိုရင်တော့ CP ကြက်ကြော် ဆိုင်တွေကို Franchise အနေနဲ့ တွေ့ကြရပါလိမ့်မယ်။
(၅) Mineral Royalty
Mineral ဆိုတာကတော့ ဓာတ်သတ္တုတွေ တွင်းထွက်တွေ စတဲ့ သယံဇာတ တွေဖြစ်ပါတယ်။ ဒီဝင်ငွေ အမျိုးအစားကိုတော့ နိုင်ငံ တွေရဲ့ အစိုးရတွေက ၊ နယ်မြေတစ်ခုခုကို အပိုင်စား ရရှိသူတွေ ကသာ လုပ်ဆောင်နိုင်လေ့ရှိပါတယ်။ ကိုယ့်နယ်မြေထဲက တွင်းထွက်တစ်ခုခုကို တူးယူခွင့်ပေးပြီး အဲဒီက နေ ထွက်တဲ့ ပမာဏရဲ့ တစ်စိတ်တစ်ပိုင်းကို ပိုင်ရှင်က ရယူတဲ့ နည်းလမ်းပါပဲ။ ဥပမာရေအားလျှပ်စစ် ထုတ်လုပ်ရေးတွေ ချပေးပြီး လျှပ်စစ်ဓာတ်အား ပမာဏ တစ်ခု ပြန်ယူတာ၊ ကမ်းလွန် သဘာဝ ဓာတ်ငွေ တူးဖော်စေတာ စတာတွေ ဖြစ်ပါတယ်။
(၆) Professional Royalty
ဒါကတော့ အတတ်ပညာတစ်ခုခုမှာ ကျွမ်းကျင် တတ်မြောက်သွားတဲ့ အခါမှာ ဒီ ပညာရပ်ကို Book Royalty နည်းလမ်းမ ဟုတ်တဲ့ အခြားနည်းလမ်းတစ်ခုခုနဲ့ ဖန်တီးပြီး ဝင်ငွေရရှိတဲ့ နည်းဖြစ် ပါတယ်။ ဥပမာ အင်္ဂလိပ်စာ ကို ကျွမ်းကျင် တဲ့သူတစ်ဦးက အင်္ဂလိပ်စာ သင်တန်းတစ်ခု ဖန်တီး ပြုလုပ်ပြီး online Trainingအနေနဲ့ သင်ကြားတာ၊ Udemy တို့လို Platform တွေ ၊ App တွေမှာ တင်ထားပြီး လေ့လာသူ တွေရှိတဲ့အခါတိုင်း ဝင်ငွေရစေတာဖြစ်ပါတယ်။ ပညာရပ် အမျိုးစုံကို ဒီလို နည်းလမ်းတွေနဲ့ လုပ်ဆောင်ကြလေ့ရှိပါတယ်။ သင်တန်းအနေနဲ့ မဟုတ် ပဲ လဲ ဆောင်ရွက်နိုင်ပါတယ်။ ဥပမာ အချို့ နိုင်ငံတကာ knowledge Sharing Web တွေဆိုရင်လဲ လစဉ် Member ကြေးနဲ့ ဝင်ထားပြီး ရေးသားထားတဲ့ စာတွေ ကို ဖတ်ရှုနိုင်တာ၊ နောက်ဆုံးပေါ် သတင်း တွေကို အမြန်ဆုံး ချက်ချင်းသိနိုင်ဖို့အတွက် Premium ကြေးနဲ့ ကြည့်နိုင်တာ စတာတွေဖြစ်ပါတယ်။ ဒီဖက်ခေတ်မှာတော့ ၀ိတ်ချ ဖို့နည်းလမ်းတွေ body building နည်းတွေကိုတောင် app အနေနဲ့ ဖန်တီးပြီး Royalty Income ပြုလုပ်လာကြပါတယ်။
(၇) Licensing Royalty
ဒါကတော့ ကုန်ပစ္စည်း တစ်ခုခုကို သက်ဆိုင်ရာ နယ်မြေ တစ်ခုခု အတွက် သတ်မှတ် အချိန် အတွင်း တစ်ဦးထဲ မူပိုင် ထုတ်လုပ်ရောင်းချ ဖြန့်ချီ ခွင့် ပေးပြီး income ရယူတဲ့ နည်းလမ်းဖြစ်ပါတယ်။ လုပ်ငန်းတွေ ရော နိုင်ငံတွေကပါ လုပ်ဆောင်ကြတဲ့ နည်းလမ်းလဲဖြစ်ပါတယ်။ ဥပမာ ရုရှားနိုင်ငံ ဟာ သူတို့ရဲ့ နိုင်ငံကျော် ရိုင်ဖယ်ဖြစ်တဲ့ AK 47 ကို အခြား မိတ်ဖက် နိုင်ငံ အများအပြား အား ထုတ်လုပ်ခွင့် လိုင်စင် ရောင်းချပေးပြီး ထုတ်လုပ် စေတာမျိုး ပါပဲ။
အထက်က နည်းတွေကတော့ Passive Income တစ်ခုဖြစ်တဲ့ Royalty Income ရအောင် ဘယ်လိုနည်းလမ်းနဲ့ တည်ဆောက်နိုင်သလဲ ဆိုတာကိုမျှဝေပေးခဲ့တာဖြစ်ပါတယ်။ Royalty Income ဟာ ပုံမှန် ဝင်ငွေတစ်ခု ရနေစေနိုင်သလို ပမာဏ အားဖြင့်လဲများပြားလေ့ရှိတာကြောင့် ယနေ့ ခေတ် မှာ ချမ်းသာကြွယ်ဝ သူတိုင်း ဖန်တီး ထားလေ့ရှိကြတဲ့ ဝင်ငွေအမျိုးအစား ဖြစ်လာပါတယ်။
မိတ်ဆွေလဲ အထက်က နည်းလမ်းတွေ မှာ ဘယ်နည်းလမ်း နဲ့ မိမိကိုယ်ပိုင် Royalty Income တစ်ခု ဖန်တီးနိုင်မယ်ဆိုတာ သုံးသပ် စဉ်းစား ကြည့်ပါဦးဗျား…
လုံလောက်တဲ့ အသိပညာ ဟာ ပြင်းထန်တဲ့အခက်အခဲတွေကို လွယ်ကူစွာကျော်ဖြတ်စေနိုင် ပါတယ်။
Kaung Hein Soe – Strategic
Business Consultant

၁လ ၁၀ဆ အ​ရောင်းတက်သွားနိုင်သည့် စျေးကွက်ထဲမှာ ဦး​​ဆောင်နိုင်သည့် Market Leading strategy (၃၄ခု)မိမိရဲ့ လုပ်ငန်းကို ​​​စ...
20/05/2025

၁လ ၁၀ဆ အ​ရောင်းတက်သွားနိုင်သည့် စျေးကွက်ထဲမှာ ဦး​​ဆောင်နိုင်သည့် Market Leading strategy (၃၄ခု)

မိမိရဲ့ လုပ်ငန်းကို ​​​စျေးကွက်ထဲမှာရှိတဲ့ ပြိုင်ဘက်တွေနဲ့ယှဥ်ပြိုင်ပြီး ဦး​ဆောင်နိုင်ဖို့ ​အောက်ကမဟာဗျူဟာ​တွေကို အသုံးပြုလို့ရပါတယ်။ဒါ​တွေက​တော့

(1)အရင်ဆွဲ​ဆောင်ယုံ​အောင်လုပ် ပြီးမှ​ရောင်း strategy
မိမိရဲ့လုပ်ငန်းကို စတင်တဲ့အခါ ဒီတိုင်းပဲ ​စျေးတန်း​ရောင်းတာထက်စာ အရင်ဆုံး customer​တွေကို မိမိရဲ့လုပ်ငန်းကို ယုံအောင် စိတ်ဝင်စာ​အောင်ပြုလုပ်ရပါမယ် ဥပမာ မိတ်​ဆွေက က​လေးပစ္စည်း လက်လား​wholesales ​ရောင်းတယ်ဆိုရင် မိတ်​ဆွေက warehouseဂို​ထောင်မှာ ဘယ်​လောက်ထိပစ္စည်းstock​တွေရှိတယ် မိတ်​ဆွေစီကဝယ်တဲ့သူ​တွေက ဘယ်​လောက်များတယ် ဘယ်လိုအဆင်​ပြေ​နေကြတယ် စသဖြင့်ပြတက်ရပါမယ် တချို့ liveလွှင်လွှင့်ပြီး ပစ္စည်း​တွေ​နောက်မှာ စင်​တွေနဲ့ထားထားတာကိုပြကြပါတယ် ဒါဟာ မိတ်​ဆွေလုပ်ငန်းဟာ လုပ်ငန်း​သေးမဟုတ်ဘူး ကြီးတယ် ဒီအတွက်ဝယ်ယူဖို့စိတ်ချရတယ်ဆိုပြီး ဝယ်သူ​တွေမြင်ပြီး ယုံလာ​စေကာ မိတ်​ဆွေစီက စပြီး ပထမဝယ်လာကြမှာ ဖြစ်ပါတယ် ဒီလိုနဲ့ အ​ရောင်း​တွေတက်နိုင်ပါတယ်။

(2)User generated content
User generated content ဆိုတဲ့ ကိုယ့်ရဲ့ Customer​တွေကိုယ့်product နဲ့ service​တွေကိုဝယ်ပြီး ဘယ်လို​တွေ အဆင်​ပြေတယ် ဘယ်လို​တွေပို​ကောင်းသွားတယ် စသဖြင့် customer​တွေပြန်ညွှန်း​ပေးတဲ့ reviewအသံ​တွေကို videoနဲ့ ဖြစ်​စေ ၊ စာနဲ့ ဖြစ်​စေ တခြားသူ​တွေကို ချပြရပါမယ် ဒီလိုချပြတဲ့အခါ ဒီဆိုင် လုပ်ငန်းဟာ လူ​တွေဝယ်တာအဆင်​ပြေတယ် ဆိုပြီး မြင်သွားကာ မိမိကိုယ်တိုင်တခြားဆိုင်​တွေထက်စာရင် ဒီဆိုင်မှာ ပိုပြီးယုံကြည်ကာ ဝယ်ချင်စိတ်​ပေါက်သွားမှာဖြစ်ပါတယ်။

(3) Teach/Experience and sell
သင်​ပေးပြီး​ဒါမှမဟုတ်စမ်းခိုင်းပြီး ရောင်းတဲ့strategy တချို့ပစ္စည်း​တွေက လူ​တွေကို ပညာရှင်အ​နေနဲ့ သင်​ပေးပြီးမှ ဘာ​လေးဝယ်သုံးသင့်တယ်ဆိုပြီး ​ရောင်းရ ဥပမာ လယ်ယာသုံးပစ္စည်း​တွေဆိုရင် စိုက်ခင်းထဲအထိသွားကြည့်ပြီး ဘာပိုး​တွေကျ​နေရင် ကျွန်​တော်တို့ရဲ့ ဘယ်​ပစ္စည်းသုံးကြည့်ပါဆိုပြီး ညွှန်​ပေးတာမျိုးဖြစ်​စေ ၊ အ​ကျောနှိပ်စက်လိုမျိုးဆိုရင် စမ်းပြီး trialအနှိပ်ခံကြည့် ကြိုက်မှဝယ်ဆိုပြီး သုံးကြည့်က ဝယ်ဖြစ်သွားကြမျိုးဖြစ်ပါတယ်။

(4)Trial to promotion
ပစ္စည်းတစ်ခုကို trialစမ်းသုံးကည့်ပြီး sample​ကျွေးတာဖြစ်​စေ လုပ်ပြီးမှ sale promotionနဲ့​ရောင်းတဲ့နည်းဖြစ်ပါတယ် ဥပမာ မုန့်ပဲ ဖြစ်​စေsample ​ကျွေးပြီး buy2 get1 ဘာညာဆိုပြီး promotionပါ​ပေးရင် customerက သူ sampleကို စားလို့ကြိုက်ရင် တခါတည်းဝယ်သွားမှာဖြစ်ပါတယ် ဒီနည်းနဲ့ တခြားproduct​တွေသုံး​နေရာမှ ကိုယ့်productကို ​ပြောင်းသုံးလာနိုင်ပါတယ်။

(5)Up Selling
Up sellingဆိုတာဘာလဲဆိုရင်တော့ သူဟာပစ္စည်းကို ရောင်းတဲ့အခါ customerတွေက အရည်အတွက်များများယူလို့ဖြစ်စေ ၊ sizeကြီးတာယူလို့ဖြစ်စေ အဲ့အခါပိုတန်တယ်ဆိုပြီး ဖြစ်လာအောင်နဲ့ ကိုယ်ရဲ့ ပစ္စည်းကို ပိုရောင်းရအောင်လုပ်ခြင်းဖြစ်ပါတယ်။ဥပမာ Coca cola ရိုးရိုးဘူးသေးနဲ့ 1Lဘူးကြီးတွေနဲ့ စျေးယှဥ်ရင် ဘူးကြီးက ပိုတန်တယ်ဆိုတဲ့ သဘောဖြစ်ပါတယ် နောက် promotionတွေချတဲ့အခါ buy2 get1ပေးတဲ့ သဘောတရားဟာလည်း ကိုယ့်ဒီပစ္စည်းတစ်မျိုးကို များများရောင်းချင်လို့ပေးတဲ့ သဘောဖြစ်ပါတယ်။ဒီနေရာမှာ Up selling မှာဆိုရင် customerတွေက အသုံးလိုလားမလိုလားဆိုတာကို ထည့်သွင်းစဥ်းစားရပါတယ် ဥပမာ အချိုရည်ဘူးကြီးကို တစ်ယောက်ထဲသောက်ဖို့ဆိုရင် မကုန်တဲ့အတွက်ကြောင့် customerက ဘူးကြီးဝယ်ချင်မှဝယ်ပါမယ် ဘူးသေးကိုပဲ ပိုပြီးဝယ်မှာဖြစ်ပါတယ် နောက်sales promotionပေးတဲ့အခါ ပုရုပ်ဆီလိုမျိုး နည်းနည်းပဲသုံးလေ့ရှိတဲ့ အရာမျိုးကို ၃ဘူးဝယ်ရင် ၁ဘူးလက်ဆောင်ပေးတာမျိုးဆိုရင် လူတွေက အများကြီးဝယ်ပြီး မသုံးဖြစ်မှာ ကြောက်တဲ့အတွက် ဒီpromotionကို ဝယ်မှာ မဟုတ်ပါဘူး။

(6)Cross Selling
Cross sellingဆိုတာက ကိုယ်စီမှာ ရှိတဲ့ productတွေကို တွဲပြီးရောင်းကာ တစ်ခုချင်းစီဝယ်တာထက် စျေးလျော့ပေးပြီးရောင်းတဲ့ သဘောမျိုးဖြစ်ပါတယ် ဘယ်ဟာနဲ့ ဘယ်ဟာကို တွဲယူရင် စျေးဘယ်လောက်သက်သာတယ်ဆိုပြီး ဖြစ်ပါတယ်နောက် service လုပ်ငန်းတွေမှာ packageတွေနဲ့ တွဲရောင်းတာမျိုးလည်းပြောလို့ရပါတယ် ဥပမာ wedding အတွက် pre wedding ဓာတ်ပုံရိုက်တာနဲ့ တခြား ဝတ်ဆုံဌားတာတွေကို တခါတည်းတွဲပြီး ဘယ်လောက်ဆိုပြီး ရောင်းတာမျိုးလည်းဖြစ်ပါတယ်။Promotionမှာဆိုရင်တော့ sample အနေနဲ့ ပစ္စည်းအဟောင်းကို ဝယ်ရင် ပစ္စည်းအသစ်လေး sampleပေးတာမျိုးလုပ်လေ့ရှိပါတယ် ပစ္စည်းအဟောင်းလည်း အရောင်းတက်လာပြီး ပစ္စည်းအသစ်ပါ လူတွေ trialဆိုတဲ့ စမ်းသုံးကြည့်တဲ့အဆင့်ရောက်သွားမှာဖြစ်ပါတယ်။ဒါပေမယ် cross sellingလုပ်တဲ့အခါ တခြားတွဲပေးတဲ့ product နဲ့ serviceတွေက ဝယ်ယူတဲ့သူက လိုအပ်ချင်မှ လိုအပ်မှာပါ သူမလိုအပ်ရင် ဒါကို စျေးသက်သာလည်းဝယ်မှာ မဟုတ်ဘူးဆိုတာ သိထားဖို့လိုပါတယ်။

(7)Down selling
Down sellingဆိုတာကတော့ များသောအားဖြင့် packaging sizeကို သေးလိုက်ပြီး စျေးလျော့ချကာ အရည်အတွက် များများရောင်းတဲ့ သဘောမျိုးဖြစ်ပါတယ်။ဥပမာခေါင်းလျှော်ရည်ကို sachet စာရှည်းထုပ်အသေးလေးတွေနဲ့ ရောင်းတာမျိုးဖြစ်ပါတယ် market အရ marketထဲမှာ ဘူးကြီးတွေ ဝယ်မသုံးနိုင်တာများရင် ဒီလိုအထုပ်သေးလေးတွေထုပ်ပြီး အရည်အတွက်များများရောင်းတဲ့ သဘောမျိုးဖြစ်ပါတယ်။နောက် coca cola ကနေ ဘူးသေးလေးတွေထုပ်တာ ဟာလည်း ဒီသဘောတရားပဲဖြစ်ပါတယ် marketမှာ တစ်ယောက်တည်းအများကြီးမသောက်နိုင်တာမျိုးတွေ များလာတဲ့သဘောဖြစ်ပြီး sizeသေးပြီး များများရောင်းမယ့်ပုံစံမျိုးသွားခြင်းဖြစ်ပါတယ်။

(8)ပစ္စည်းစုံလင်မှု

တခါတ​လေး ကိုယ့်ပစ္စည်း​က ​တခြားဆိုင်​တွေထက်စျေးနည်းနည်းသက်သာ​နေ​သော်လဲ မ​ရောင်းရတာဖြစ်တက်ပါတယ် ဒါဘာ​ကြောင့်ဆို​တော့ ပစ္စည်းမစုံလို့ဖြစ်ပါတယ် လက်ကားwholesalesလည်း ဒီအတိုင်းပဲ ဖြစ်ပါတယ် ဥပမာ မိတ်​ဆွေက ဖိနပ် အိတ်စတာ​တွေ လက်ကား​ရောင်းတယ်ဆိုရင် မိတ်​ဆွေက ပစ္စည်းအရမ်းစုံရင် မိတ်​ဆွေစီကိုပဲ retailer​တွေက လာဝယ်မှာဖြစ်ပါတယ် တခါတည်းနဲ့ အစုံရလို့ပါ တခြားဆိုင်​တွေ

(9)Low price and low added value(No frills)

ဒီstrategic positionကpriceကို နည်းနည်းပဲဖွင့်ပြီးcustomerကိုပေးတဲ့valueက လည်းနည်းပါတယ် customer​တွေရဲ့ basic needကို​လောက်ကိုပဲ ဖြည့်စည်း​​ပေးတာမျိုးဖြစ်ပါတယ် ထပ်ပြီး​တော့ အပိုလိုချင်လို့မရပါဘူး ဥပမာ ထမင်း၁ပွဲကို ၁၀၀၀ ,၁၅၀၀ စသဖြင့် ဟင်းတစ်တုံးနဲ့ ​ရောင်းတာမျိုးဖြစ်ပါတယ်။ဒီ​​လောက်ပဲ​ပေး ဒီ​လောက်ပဲရမယ်ဆိုတဲ့သ​ဘောဖြစ်ပါတယ် များ​သောအားဖြင့် ​အောင်​ခြေလူတန်းစားကို targetထားပါတယ်။

(10)Low price

Low price strategyကတော့ customerတွေ အတွက်ပေးတဲ့valueကNo frillsထက်ပိုကောင်းပြီးစျေးနှုန်းလည်း နည်းနည်းပိုသက်သာပါတယ်၊၊ဒီstrategyက Porterရဲ့ generic strategyထဲက cost leadership strategyနဲ့ တူပါတယ်၊၊အရေအတွက် များများထုပ်ပြီး စျေးသက်သက်သာသာနဲ့ရောင်းတဲ့နည်းဖြစ်ပါတယ် ဒီအတွက် marketကြီးကြီးရှိထားဖို့လိုပါတယ်၊၊ဒီနည်းဟာ costတွေကို တက်နိုင်သလောက်လျော့ချရပါမယ်ပြီးတော့များများထုပ်ခြင်းကြောင့် product တစ်ခုချင်းစီအတွက် pre unit Fixed costကျသွားပြီး economics of scaleရပါမယ်၊၊

(11)Hybrid
Hybridကတော့ productကို differentiation လုပ်ထားပြီး ပုံမှန် differentiation လုပ်တဲ့သူတွေထက်စျေးသာက်သာပြီး ၊low priceသူတွေ ထက်တော့စျေးများပါတယ်၊၊ဥပမာ IKEAက ပရိဘောဂ ပစ္စည်းတွေအရင်ကစျေးကြီးတော့ လူတွေဝယ်ဖို့အခက်တွေ့ကြပါတယ်၊၊ဒီတော့IKEAက ကြိတ်သားတွေကို ကိုယ်တိုင်တက်ဆင်ရမယ် အရှင်လိုပုံစံတွေ ထုပ်ပြီးရောင်းပါတယ်၊၊ဒီအတွက်စျေးလည်းသက်သာတယ်၊၊ Customerတွေအနေနဲ့လည် းတစ်စချင်းစီဖြုတ်ပြီး ဘူးထဲထည့်ထားတာမို့ သယ်ယူစရိတ်လည်းသက်သာသွားပါတယ်၊၊

(12)Differentiation
Differentiationကတော့ Porterရဲ့differentiation strategyနဲ့တူပါတယ်၊၊Target scope က broadဖြစ်ပြီး လူများများကို targetထားပါတယ်၊၊ဒီနည်းကတော့ ဥပမာခေါင်လျော်ရည်ထုပ်ရင် market ကို segmentတွေခွဲပြီး သူတို့လိုချင်တဲ့ ဆံပင်ပျော့တာလိုချင်တာလား၊ဆံပင်ကျွတ်သက်သာတာလား ၊ဗောက်ပျောက်ဖို့လား၊ ဆံပင်ပျက်စီးတာခံနိုင်ဖို့လား စသဖြင့် segment အလိုက်ထုပ်ပေးတာမျိုးဖြစ်ပါတယ်၊၊

(13)Focus differentiation
ဒီနည်းကတော့ သူများနဲ့မတူအောင်လုပ်ပြီးစျေးများများနဲ့ရောင်းတဲ့နည်းဖြစ်ပါတယ်၊၊ဥပမာ Starbucks coffee လိုမျိုး သူများနဲ့မတူတဲ့ ဆိုင်မှာအတွေ့အကြုံတွေရယ်၊ coffe အရသာကောင်းကိုပေးပြီး စျေးလည်းသူများထက် များပါတယ်၊၊ပြီးတော့ brand image ကလည်းကြီးတာပါ ပါတယ်၊၊

Discount-Based Promotions (လျှော့ဈေးနဲ့ ဆွဲဆောင်ခြင်း)

(14) Flash Sales– ၁ နာရီအတွင်း 50% လျှော့ဈေး
၁နာရီအတွင်ပဲ ကိုယ်က ဒီ50% discount​ပေးမှာဖြစ်ပါတယ် ပစ္စည်းကို discountအကြား​ကြီးမ​ပေချင်တာဖြစ်​စေ လက်ကျန်ပစ္စည်း​လောက်ကိုပဲ discount​ပေးချင်လို့ဖြစ်​စေ stockနည်းနည်းပဲရှိတဲ့အခါမျိုးမှာ အသုံးပြုကြပါတယ်။

(15) Buy 1 Get 1 Free (BOGO) – ၁ခုဝယ် ၁ခုလက်​ဆောင်​ပေးမှာဖြစ်ပါတယ် ဒီ​နေရာမှာ ကိုယ်က မှုလprodouctကို​ဝယ်ပြီး ပစ္စည်းအသစ်ကို​ပေးတာလည်းဖြစ်နိုင်ပါတယ် ပစ္စည်းအသစ်ထုပ်ထားတာကို အလကားsample​တွေ​ပေးမယ့်အစား လက်ရှိ​ရောင်း​နေတဲ့ productနဲ့တွဲပြီး promotion​ပေးတာဖြစ်ပါတယ် ​​​နောက်တခြားဖြစ်နိုင်တာက မှုရင်းပစ္စည်းကိုပဲ ​​စျေးကွက်ထဲယှဥ်ပြိုင်မှာ market shareရ​အောင် တစ်ခုဝယ် တစ်ခု​ပေးတာလည်း ဖြစ်နိုင်ပါတယ်။

(16) Percentage Discount – ဝယ်တဲ့ ​ငွေamountအ​ပေါ်မှုတည်ကာ 5% 10%စသဖြင့် discount​ပေးကြပါတယ် FMCGလူသုံးကုန်​ပစ္စည်း​မျိုးတွေမှာ​တော့ consumer​တွေကို consumer promotionအ​နေနဲ့ သိပ်မ​ပေးကြပါဘူး trade promotionအ​နေနဲ့ wholesaler​တွေ dealer​တွေ ,retailer​တွေကိုပဲ ဘယ်နှဘုံးဝယ်ရင် ဘယ်​လောက်%ဆိုပြီ​ပေးကြပါတယ် ​consumer​တွေကို အ​အေးတစ်ဘူး၁၀၀၀ကျပ်ကို 10%discount ၁၀၀​လျော့​ပေးတယ်ဆိုပြီး​​တော့ မ​ပေကြပါဘူး attractiveမရှိလို့ဖြစ်ပါတယ် ဒါ​ကြောင့် ​​​တန်းဖို့ ​သောင်း သိန်း ​လောက်ရှိပစ္စည်း​တွေမှ ဒီလိုPercentage Discountကို ​ပေးကြတာဖြစ်ပါတယ်။

(17) First-Time Buyer Discount– ပထမဆုံးအော်ဒါမှာ 15% လျှော့ဈေးစသဖြင့် ဆိုင်ဖွင့်ပွဲ​နေ့မှာဖြစ်​စေ လူ​​တွေစပြီးဝယ်ချင်လာ​အောင်း ​ပေးတဲ့ promotionဖြစ်ပါတယ်။

(18)Early Bird Discount– ပထမဦးဆုံး လူအ​ယောက်၁၀၀ပဲ​​ပေးမယ် စသဖြင့် promotionလုပ်တာဖြစ်ပါတယ် သင်တန်း​ကျောင်း​တွေမှာ ဒါမျိုး​လုပ်​လေ့ရှိပါတယ်။

(19)Low Stock Alert - ပစ္စည်း ၅ ခုပဲကျန်တော့မယ်စသဖြင့် လူ​တွေအမြန်ဝယ်ချင်လာ​အောင် ​ရှေ့မှာpromotionလုပ်ထားတာကို အရှိန်ထပ်တင်​​ပေးလိုက်တာဖြစ်ပါတယ်။

(20)Seasonal/Holiday Promo – နှစ်သစ်ကူးအထူးလျှော့ဈေး ပွဲ​​တော်ရက်​တွေ စတဲ့ special day​တွေမှာ ​ပေးတဲ့ promotionဖြစ်ပါတယ် target customerအ​ပေါ်မှုတည်ကာ ဘယ်လိုပုံစံ​​ပေးသင့်လည်း စဥ်းစားရမှာဖြစ်ပါတယ်။

(21)Points & Rewards –အမှတ်စုပြီး အလကားပစ္စည်းရယူတာဖြစ်​စေ discount​ ​ငွေနဲ့​ပေးတာဖြစ်​စေ Loyalty promotionလုပ်တာဖြစ်ပါတယ်။

(22)VIP Exclusive Deals - VIPများသာ ဒီ​စျေးနှုန်း နဲ့ရမှာဖြစ်ပါတယ် memeberနဲွ လုပ်တဲ့ ပုံစံတူပါတယ် diamond memeber,gold member စသဖြင့် မတူတဲ့ levelအလိုက်​​ပေးတဲ့ promotionက ကွာခြားသွားမှာဖြစ်ပါတယ်။

(23) Birthday Discount** – "မွေးနေ့မှာ 25% လျှော့ဈေး!" မိမိ​မွေး​နေ့ရဲ့တဲ့ လဖြစ်​စေ ​မွေး​နေ့ရှိမှ​ပေးတဲ့ discountဖြစ်ပါတယ် hotpotဆိုင်​တွေမှာ များ​သောအားဖြင့် လုပ်ကြပါတယ်။

(24) Giveaway Contest – "Share & Tag လုပ်ပြီး promotionကိုရယူတာဖြစ်ပါတယ် fb postဖြစ်​စေ shareပြီး promotionရယူတဲ့ ပုံစံမျိုးဖြစ်ပါတယ် မိမိရဲ့ social mediaကို reach နဲ့ engagement ​ရချင်လို့ဖြစ်ပါတယ်။

(25) User-Generated Content (UGC) Challenge – ပစ္စည်းနဲ့ဓါတ်ပုံရိုက်ပြီး postတင်တာကာ ကံစမ်းတဲ့ သ​ဘောမျိုးဖြစ်ပါတယ်။

(26) Live Shopping Discount– "Fb Live ကြည့်ပြီး အော်ဒါတင်ရင် 20% လျှော့ဈေး​ပေးတဲ့ ပုံစံမျိုးဖြစ်ပါတယ် တိုက်ရိုက်liveလွှင်းပြီး discount​ပေးတဲ့ပုံစံဖြစ်ပါတယ်။

(27) Bundle & Upsell Promotions -Combo Deals– kFCတို့ဘာတို့မှာ Burger + Fries + Drink = ၅၀၀၀ ကျပ် (အရင်တန်ဖိုး ၇၀၀၀ ကျပ်)ကိုစသဖြင့်​ပေးတဲ့ promotion​တွေဖြစ်ပါတယ် တစ်ခုချင်းဝယ်ရင် ​​စျေးကြီးတယ် အားလုံး​ပေါင်းဝယ်ရင် ပိုတန်တယ်ဆိုပြီး ထင်​​အောင်ပြုလုပ်ထားခြင်းဖြစ်ပါတယ်။

(28) Free Gift with Purchase – " ၁သိန်း ကျပ်အထက်ဝယ်ရင် Free T-shirt ဒါမှမဟုတ် ထီး​ပေးတ္ စသဖြင့် promotion​ လက်​ဆောင်​ပေးတာမျိုးဖြစ်ပါတယ်။

(29) Tiered Discount – "၅ ခုဝယ်ရင် 10%၊ ၁၀ ခုဝယ်ရင် 20% လျှော့ဈေးစသဖြင့် များများဝယ်ရင် ​စျေး​လျော့​ပေးခြင်းဖြစ်ပါတယ် ထိုင်းက ပတူနမ်​စျေးတို့ဘာတို့သွားကြည့်ရင် တစ်ခုဝယ်ရင် တစ်​စျေး ၃ခုဆို တစ်​စျေး စသဖြင့် ​တွေ့ရမှာဖြစ်ပါတယ်။

(30) Referral Program - ညွှန်​ပေးတဲ့ရှိရင် discount​ပေးတာဖြစ်ပါတယ် ဥပမာ သင်တန်း​ကျောင်းမှာ တက်​နေတက်သူက ညွှန်​ပေးရင် အသစ်တက်မယ့်သူက discountရတာမျိုးဖြစ်ပါတယ်။

(31) Group Buy Discount - ၅​ယောက်လာစားရင် ၁​ယောက် free စသဖြင့် hotpotဆိုင်​တွေမှာ လုက်​လေ့ရှိတဲ့ promotionမျိုးဖြစ်ပါတယ်။

(32) Spin the Wheel Discount– "ဝယ်ယူပြီး Wheel လှည့်၊ Discount ရမယ် စသဖြင့် ဘယ်​​လောက်ဖိုးဝယ်မယ်ဆိုရင် wheelလှည့်ပြီး ပစ္စည်းဖြစ်​စေ ​ငွေဖြစ်​စေ discount​ပေးတာမျိုးဖြစ်ပါတယ်။

(33) Happy Hour Discount တစ်ပတ်မှာ week end မဟုတ်ပဲကြားရက် ဘယ်အချိန်အတွင်းဆိုရင် ဘာလက်​​ဆောင်း​ပေးမယ် စား​သောက်ဆိုင်​တွေ ဘား​တွေမှာ ​အဲ့အချိန်​တွေမှာပါ လူလာ​အောင်​ပေး​လေ့ရှိတဲ့ promotionဖြစ်ပါတယ်။

(34)Sustainability and CSR -Driven Promo ကိုယ့်ပစ္စည်းဝယ်ရင် ပတ်ဝန်းကျင်နဲ့ လူ့အဖွဲအစည်းအတွက် ​ငွေဘယ်​လောက်ကို လျှူ​ပေးမယ် ဥပမာ ပရီမီယာ coffee အရင်တုန်းက လုပ်သလို ဧရာဝတီလင်းပိုင်​တွေအတွက် ​ငွေဘယ်​လောက်လျူ​ပေးမယ် စသဖြင့် ဖြစ်ပါတယ်။

အားလုံးကို ​ကျေးဇူးတင်ပါတယ်
Myint Maung Maung Tun

01/05/2025

ခေတ်တစ်ခေတ်မှာ မကျန်ခဲ့လေအောင်... 😱

$$$ အပေးကြမ်းနေတဲ့ waveful acc ဖွင့်နည်း လေးပါ...

ဖွင့်ဖွင့်ချင်း VPN ခံပေးပါ။ US VPN က အဆင်ပြေဆုံးပါ ဗျ... link ပေးထားပါတယ် 🤫

https://invites.waveful.app/Kdxn

ချမ်းသာတဲ့သူတွေမှာ မတူတဲ့ ငွေကြေးနဲ့ စီးပွားရေးအတွေးအခေါ်တွေ ရှိကြတယ်။ တကယ်လို့ ငွေကြေးလွတ်လပ်မှုဆီ လျှောက်လှမ်းချင်တယ်ဆ...
29/04/2025

ချမ်းသာတဲ့သူတွေမှာ မတူတဲ့

ငွေကြေးနဲ့ စီးပွားရေးအတွေးအခေါ်တွေ ရှိကြတယ်။

တကယ်လို့ ငွေကြေးလွတ်လပ်မှုဆီ လျှောက်လှမ်းချင်တယ်ဆိုရင်

ဒီအချက် ၁၃ ချက်ကို နေ့စဉ်ဘဝမှာ ကျင့်သုံးပါ။

ငွေကြေးဆိုင်ရာ အခြေခံမူ ၃ ခု

1. ငွေကို စနစ်တကျ စီမံခန့်ခွဲပါ - ဝင်ငွေရဲ့ ၅၀% ကို လိုအပ်ချက်တွေအတွက်၊ ၃၀% ကို လိုချင်တာလေးတွေ အတွက်၊ ၂၀% ကို စုဆောင်းခြင်းနှင့် ရင်းနှီးမြှုပ်နှံဖို့ အတွက် ခွဲဝေသုံးစွဲပါ။

2. ဝင်ငွေထက် အသုံးစရိတ် နည်းအောင်လုပ်ပါ - ဘယ်လောက်ပဲ ဝင်ငွေများနေပါစေ ထွက်ငွေများနေရင်တော့ ဘယ်တော့မှ ချမ်းသာလာနိုင်မှာမဟုတ်ဘူး။

3. ငွေကို သုံးစွဲတိုင်း ရေရှည်တန်ဖိုးကို ကြည့်ပါ - စျေးကြီးပေမယ့် အရည်အသွေးကောင်းတဲ့ ပစ္စည်းတစ်ခုဟာ ရေရှည်မှာ ပိုကုန်ကျမှု သက်သာစေနိုင်တယ်။

ရင်းနှီးမြှုပ်နှံမှု နည်းဗျူဟာ ၄ ခု

4. ရင်းနှီးမြှုပ်နှံမှုကို အလေးထားပါ - ထိုင်နေရုံနဲ့တော့ ငွေမရနိုင်ဘူး၊ ကိုယ့်ရဲ့ ငွေကို စတော့ရှယ်ယာ၊ အိမ်ခြံမြေ၊ စီးပွားရေးလုပ်ငန်းတွေမှာ ခွဲဝေ ရင်းနှီးမြှုပ်နှံပါ။

5. ပိုက်ဆံကို ပိုက်ဆံရှာဖို့ သုံးပါ - ကိုယ့် အရင်းအနှီးကို အကျိုးအမြတ်ဖြစ်ထွန်းစေမယ့် နေရာတွင်မှာ သုံးစွဲပါ။

6. ဝင်ငွေ တစ်ခုထဲအပေါ်မှာ မမှီခိုပါနဲ့ - လစာတစ်ခုတည်းက ကိုယ့်ကို ဘယ်တော့မှ ချမ်းသာအောင် လုပ်မပေးနိုင်ဘူး။

7. ဝင်ငွေ အမျိုးအစား အများကြီး ရှိအောင် ကြိုးစားပါ - ဝင်ငွေရလမ်း အနည်းဆုံး ၇ မျိုး ရှိအောင် ကြိုးစားပါ ၊ တစ်ခုပျက်သွားလျှင် ကျန်တာတွေက ထိန်းပေးနိုင်တယ်။

အတွေးအခေါ်နှင့် အသိပညာ ဖွံ့ဖြိုးရေး ၃ ခု

8. ငွေကြေး ဗဟုသုတကို အမြဲလေ့လာနေပါ - စီးပွားရေးစာအုပ်များ၊ အွန်လိုင်းသင်တန်းများမှတဆင့် ငွေကြေးဆိုင်ရာ ဗဟုသုတကို တိုးမြှင့်ပါ။

9. ပညာရှင်တွေဆီကနေ သင်ယူပါ - ချမ်းသာသူများ၏ အတွေးအခေါ်နှင့် အကျင့်များကို လေ့လာပြီး လိုက်နာကျင့်သုံးပါ။

10. ငွေကို အလုပ်လုပ်ခိုင်းပါ - ကိုယ်အိပ်နေတဲ့အချိန်မှာတောင် ဝင်ငွေရနိုင်သည့် ရင်းနှီးမြှုပ်နှံမှု နည်းလမ်းတွေကို ရှာဖွေပါ။

အပြုသဘောဆောင်သော စိတ်နေသဘောထား ၃ ခု

11. အကြောင်းပြချက်တွေ မရှာဘဲ အခွင့်အလမ်းတွေ ရှာပါ - "မဖြစ်နိုင်ဘူး" ဆိုတာထက် "ဘယ်လိုဖြစ်အောင်လုပ်မလဲ" ဆိုတဲ့ မေးခွန်းကို မေးပါ။

12. ကိုယ့်ရဲ့ အကျင့်၊ ကိုယ့်ရဲ့ အတွေးအခေါ်တွေကို ပြောင်းလဲပါ - ငွေဆိုတာ လောဘကြီးသူများအတွက်သာ ဆိုတဲ့ အတွေးမျိုးကို ဖယ်ရှားပါ။
ငွေကြေးက မကောင်းတဲ့အရာ မဟုတ်ဘူး၊ လူကောင်းလက်ထဲမှာငွေတွေအများကြီးရှိရင် လူတွေအများကြီး ကို အကျိုးပြုနိုင်ပါတယ်။

13. နေ့စဉ် ရည်မှန်းချက်များ ချမှတ်ပါ - သေးငယ်တဲ့ ငွေကြေးပန်းတိုင်များကို နေ့စဉ်ချမှတ်ပြီး မိမိကိုယ်ကို ထိန်းကျောင်းပါ။

တစ်ရက်တည်းနဲ့ ချမ်းသာလာမှာ မဟုတ်ပါဘူး။

ဒါပေမယ့် ဒီအချက်တွေကို တစိုက်မတ်မတ်

လိုက်နာကျင့်သုံးမယ်ဆိုရင်တော့

တစ်ဖြည်းဖြည်း ငွေကြေးလွတ်လပ်မှုဆီ

လျှောက်လှမ်းနိုင်ပါလိမ့်မယ်။

ဥာဏ်လင်းအောင်
Unlock Your Financial Future

မနောက်ရ 🙃
29/04/2025

မနောက်ရ 🙃

ဝန်ထမ်းများ အားလုံးသို့ ...၁။ မိသားစုအတွက် အိမ်ကို ခပ်စောစောဆောက်ပါ၊ ကျေးလက်မှာဖြစ်ဖြစ်၊ မြို့ပြမှာ ဖြစ်ဖြစ်ပေါ့။ အသက် ၅...
28/04/2025

ဝန်ထမ်းများ အားလုံးသို့ ...

၁။ မိသားစုအတွက် အိမ်ကို ခပ်စောစောဆောက်ပါ၊ ကျေးလက်မှာဖြစ်ဖြစ်၊ မြို့ပြမှာ ဖြစ်ဖြစ်ပေါ့။ အသက် ၅၀ မှ အိမ်ပိုင်ခြင်းဟာ သင့်အတွက် အောင်မြင်မှုမဟုတ်ပါ။ အစိုးရဝန်ထမ်းအိမ်ယာတွေကို သံယောဇဉ်မညှိပါနဲ့။ သက်တောင့်သက်သာဖြစ်မှုက သင့်အတွက် အန္တရာယ်ကြီးပါတယ်။ သင့်အိမ်မှာ သင့်မိသားစုကို ပျော်ရွှင်တဲ့အချိန်တွေ ဖြစ်နေပါစေ။

၂။ အိမ်ကို ပြန်ဖြစ်အောင် ပြန်ပါ။ တစ်နှစ်ပတ်လုံး အလုပ်မှာချည်း မနေပါနဲ့။ သင်ဟာ သင့်ရဲ့ ဌာနအတွက် ဒေါက်တိုင်တစ်ခု မဟုတ်ပါ။ သင် သေဆုံးခဲ့ရင်လည်း သင့်နေရာကို ချက်ချင်းအစားထိုးပြီး လုပ်ငန်းတွေကို ဆက်လက်လည်ပတ်မှာပါပဲ။ မိသားစုကို ရှေ့တန်းတင်ပါ။

၃။ ရာထူးတိုးမှုနောက် မလိုက်ပါနဲ့။ ကိုယ့်ကျွမ်းကျင်မှုကိုသာ တိုးတက်အောင် ကြိုးစားနေပါ။ ကိုယ်လုပ်သမျှ အကောင်းဆုံး ဖြစ်ပါစေ။ သင် ရာထူးတိုးမယ်ဆို ကောင်းပါတယ်၊ ဒါပေမယ့် ရာထူးတိုးမပေးခဲ့ရင်လည်း သင့်ရဲ့ တကိုယ်ရည် တိုးတက်မှုအတွက် အကောင်းမြင်ပေးလိုက်ပါ။

၄။ အလုပ်မှာ/ ရုံးမှာ အတင်းအဖျင်း မပြောပါနဲ့။ သင့်နာမည်(သတင်း) မကောင်းစေမည့်အရာတွေကို ရှောင်ကြဉ်ပါ။ အလုပ်ရှင်(အကြီးအကဲ)နှင့် လုပ်ဖော်ကိုင်ဖက်များကို အပုပ်ချခြင်း (backbites) မလုပ်ပါနဲ့။ အမြဲတမ်း အဆိုးမြင်တတ်သူများနှင့် ခပ်ဝေးဝေးနေပါ။

၅။ အကြီးအကဲနှင့် ပြိုင်ဆိုင်ခြင်း မလုပ်ပါနှင့်၊ သင့်လက်ချောင်းများကို မီးရှို့နေခြင်းနှင့် တူပါတယ်။ လုပ်ဖော်ကိုင်ဖက်များနှင့် မပြိုင်ဆိုင်ပါနှင့်၊ သင့်ဦးနှောက်ကို ကြော်လှော်နေခြင်းနှင့် တူပါတယ်။

၆။ အပိုဝင်ငွေရသည့် အခြားစီးပွားရေးတခု ရှိနေပါစေ၊ တာရှည်မှာ သင့်လစာတခုတည်းက သင့်လိုအပ်ချက်တွေကို ဖြည့်ဆည်းနိုင်မှာ မဟုတ်ပါဘူး။

၇။ လစာကနေ ငွေ့အချို့ကို လစဉ် စုဆောင်းပါ။

၈။ ချေးငွေရယူပြီး စီးပွားရေးလုပ်ငန်းတစ်ခု အစပြုပါ၊ ဇိမ်ခံပစ္စည်းများ ဝယ်ဖို့မဟုတ်ပါ။ ၎င်းပစ္စည်းများကို အမြတ်အစွန်းမှသာ ဝယ်ပါ။

၉။ သင့်ရဲ့ ဘဝ၊ အိမ်ထောင်ရေးနှင့် မိသားစုကို သင့်အလုပ်နှင့် သပ်သပ်စီဖြစ်ပါစေ။ ဒီအချက်ဟာ အရမ်းအရေးကြီးပါတယ်။

၁၀။ ကိုယ့်ကိုကိုယ် သစ္စာရှိပါ။ ကိုယ့်အလုပ်မှာ ယုံကြည်မှုရှိပါ။ အကြီးအကဲနှင့် အမြဲတစေ သီးသန့် စကားလက်ဆုံပြောခြင်းဟာ လုပ်ဖော်ကိုင်ဖက်များနှင့် ကင်းကွာ(alienate) သွားစေပါလိမ့်မယ်။ သင်အလုပ်ထွက်သွားရင်လည်း သင့်ရဲ့ အကြီးအကဲ အထီးကျန်နေခဲ့ပါလိမ့်မယ်။

၁၁။ ခပ်စောစော ပင်စင်ယူပါ။ အလုပ်ထွက်ဖို့ အစီအစဉ်ကို အလုပ်ခန့်စာ ရကတည်းက စဉ်းစားစီစဉ်ထားတာ အကောင်းဆုံးပါ။ အခြားနည်းလမ်းကတော့ အသက် ၄၀ နှင့် ၅၀ ကြားမှာ အလုပ်ထွက်ဖြစ်အောင် ထွက်ပါ။

၁၂။ ရုံးရဲ့ သက်သာချောင်ချိရေးအလုပ်တွေမှာ ပါဝင်ဆောင်ရွက်ပါ၊ တက်ကြွတဲ့ အဖွဲ့ဝင်ဖြစ်ပါစေ၊ တဖြည်းဖြည်းချင်း သင့်အတွက် အကျိုးရှိပါလိမ့်မယ်။

၁၃။ အလုပ်အားရက်/ခွင့်ရက်တွေကို သင့်အနာဂတ်အိမ်/အနာဂတ်လုပ်ငန်းများအတွက် အသုံးပြုပါ။ ခွင့်ရက်/အားလပ်ရက်တွေကို သင်ဘယ်လိုအသုံးပြုတယ်ဆိုတာ သင်ပင်စင်ယူပြီးတဲ့အခါ ဘယ်လိုနေထိုင်မယ် ဆိုတာကို ရောင်ပြန်ဟပ်နေပါလိမ့်မယ်။ TV Series တွေကို ကြည့်ရှုဖို့ Remote control ဟာ သင့်လက်ထဲမှာ ရှိနေသလိုမျိုးပါပဲ။ ပင်စင်ယူပြီးတဲ့အခါ ကိုယ့်အတွက် ထူးခြားဆန်းပြားမှု (ပင်စင်နာ) ဘာမှ မဖြစ်တော့ပါဘူး။

၁၄။ စီမံကိန်းတစ်ခုကို စနှင့်ထားပါ။ ပင်စင်ယူပြီး စီမံကိန်းတစ်ခုကို စတာမျိုးမဟုတ်ဘဲ စီမံကိန်း လည်ပတ်ဖို့ ပင်စင်ယူတာမျိုးဖြစ်ပါစေ။

၁၅။ ပင်စင်ငွေဟာ စီမံကိန်းတစ်ခု လုပ်ဖို့၊ အိမ်ဝယ်ဖို့၊ ဇနီးငယ်ငယ်လေး ယူဖို့၊ ကလေးတွေ ကျောင်းစရိတ်အတွက် လောက်ငှမှာ မဟုတ်ပါဘူး။ သင့်ကျန်းမာရေးစောင့်ရှောက်မှုအတွက်ပဲ အသုံးပြုပါ။

၁၆။ သင်ပင်စင်ယူတဲ့အခါ စိတ်ဆင်းရဲစရာဖြစ်ရပ်တစ်ခုအဖြစ် ပတ်ဝန်းကျင်ရဲ့ ညွှန်းဆိုစရာတစ်ခု မဖြစ်ပါစေနှင့်၊ စံပြပုံစံတစ်ခု ဖြစ်ပါစေ။

၁၇။ သင်ဟာ ဌာနအတွက် ဝန်ထုပ်ဝန်ပိုးဖြစ်ချိန်မှ ပင်စင်မယူပါနဲ့။ ငယ်ရွယ်ဖျတ်လတ်ချိန်၊ မိသားစုကို စိတ်ဝင်စားစရာနေရာတွေကို ဦးဆောင်ပို့နိုင်ချိန်မှာ ပင်စင်ယူပါ။

၁၈။ အစိုးရဝန်ထမ်းအိမ်ယာမှ မဟုတ်ဘဲ သင့်အိမ်မှ ပင်စင်ယူပါ။ ကုမ္ပဏီတစ်ခုမှာ ဖြစ်စေ၊ အစိုးရအလုပ်တစ်ခုမှာဖြစ်စေ နှစ်ပေါင်းများစွာ လုပ်ကိုင်ခဲ့သူဟာ အခြားနေရာသစ်တစ်ခုမှာ အကျွမ်းတဝင်နေသားကျဖို့ဆိုတာ မလွယ်ကူပါဘူး။

၁၉။ အလုပ်က ရတဲ့ အကျိုးအမြတ်တွေက ပင်စင်ယူဖို့ မေ့လျော့နေစေတာမျိုး မဖြစ်ပါနဲ့။ အဲဒီအကျိုးအမြတ် တွေဟာ သင်သက်တောင့်သက်သာရှိစေဖို့ပဲ ဖြစ်ပါစေ။ ပင်စင်ယူပြီးလို့ သင့်မှာ နောက်စီးပွားရေးတစ်ခု ရှိမနေဘူးဆိုရင် ဘယ်သူကမှ သင့်ကို ဆရာလို့ ခေါ်မှာ မဟုတ်ပါဘူး။

၂၀။ ပင်စင်ယူဖို့(အလုပ်ထွက်ဖို့)ကို ခါးခါးသီးသီး မဖြစ်ပါနဲ့။

မျိုးသန်းထွန်း

Ref: Dr. M.A Chaudhary

ကျွန်တော်စာမျက်နှာကို Iike follow share လုပ်ပေးကြဖို့တောင်းဆိုပါတယ်

25/04/2025

မိုင်ပေါင်း (၃၀၀၀) ကျော်ရှည်လျားတဲ့ နဂါးကြောင့် ငလျင်လှုပ်သည်ဟု မိုင်းဖုန်းဆရာတော် ဟောပြော 😊

#မိုင်းဖုန်းဆရာတော်

၃၅ နှစ်အရွယ်မှာမှ လမ်းကြောင်းတစ်ခုရှာမတွေ့သေးရင် …"၄၀ မှ ဘ၀စတယ်" ဆိုတာ ဘယ်သူထွင်လိုက်တယ်တော့မသိ။ ဆင်ခြေပေးလို့တော့ အတော်...
25/04/2025

၃၅ နှစ်အရွယ်မှာမှ လမ်းကြောင်းတစ်ခုရှာမတွေ့သေးရင် …

"၄၀ မှ ဘ၀စတယ်" ဆိုတာ ဘယ်သူထွင်လိုက်တယ်တော့မသိ။ ဆင်ခြေပေးလို့တော့ အတော်ကောင်းတဲ့စကားဗျ။

တကယ်တော့ အသက် ၄၀ ဆိုတာ ဘ၀စဖို့မဟုတ်ဘူး။ဘ၀တည်ငြိမ်ရမယ့်အရွယ်ဖြစ်ပါတယ်။ ဆိုလိုတာက ဝင်ငွေနဲ့ပတ်သက်ရင်၊ အသက်မွေးဝမ်းကျောင်းနဲ့ပတ်သက်ရင် တည်ငြိမ်နေရမယ်။ ကျရှုံးတယ်ဆိုရင်တောင် လမ်းကြောင်းတစ်ခုပေါ်မှာရှိနေပြီး ကျရှုံးတာမျိုးဖြစ်သင့်နေပြီ။

ဝန်ထမ်းလုပ်တယ်ဆိုပါတော့ ၄၀ ဆိုတာ CEO, GM မဟုတ်ရင်တောင် အနည်းဆုံး Department တစ်ခုကို ဦးဆောင်သူလောက်ဖြစ်နေမှ၊ ဒါမှမဟုတ်လည်း ကိုယ့် Field မှာ ဆရာကျနေမှ အလုပ်လုပ်ရတာဖီးလ်လာနိုင်တယ်။ မဟုတ်ရင် အသက်ရလာတဲ့အခါ ငယ်တဲ့သူတွေရဲ့ ဦးဆောင်မှုအောက်မှာ ကျကျေနပ်နပ်နဲ့လုပ်ဖို့ သိပ်မလွယ်လှဘူး။ အခုခေတ် ပိုသိသာတယ်။ အသက် ၂၀ ကျော်နဲ့ မန်နေဂျာဖြစ်နေသူတွေ အများကြီး။ ကိုယ့်ထက်ငယ်သူတွေလက်အောက်မှာ အလုပ်လုပ်ရတဲ့အခါ အတော့်ကို Positive မြင်ပေးနိုင်မှရမယ်။

နောက်တစ်ခုက ၄၀ ဆိုတာ Freelancer/ Professional ၊ ဒါမှမဟုတ် ကိုယ်ပိုင်စီးပွားရေးလုပ်မယ်ဆိုရင်လည်း ဟိုစမ်းဒီစမ်းလုပ်နေဖို့ထက် တည်ငြိမ်မှုတစ်ခုရသင့်နေတဲ့အရွယ်ဖြစ်ပါတယ်။ လူ့သက်တမ်းကို ခွဲကြည့်ရင် ၅ နှစ်ကနေ ၂၀ အထိ ပညာကောင်းကောင်းသင်။ ၂၁ ကနေ ၃၀ အထိက အလုပ်အတွေ့အကြုံယူ။ ၃၀ ရောက်လို့မှ ကိုယ်ဘာဖြစ်ချင်မှန်းမသိရင် ပြဿနာရှိလာပြီ။ ၃၅ ဆိုတဲ့အရွယ်ကတော့ အသိပညာ၊ အတွေ့အကြုံ၊ Network အတော်လေးပြည့်စုံလာတဲ့အရွယ်ဖြစ်သလို ကိုယ်စွမ်းဉာဏ်စွမ်းအမြင့်ဆုံးနဲ့ Risk လည်း ယူရဲတဲ့အရွယ်လို့ပြောလို့ရတယ်။ ဒီအချိန်မှာ အမှားတွေလုပ်မိလို့လဲကျသွားရင်လည်း ပြန်ထရလွယ်တယ်။

ကျွန်တော် လူငယ်တွေနဲ့စကားစပ်မိတိုင်းပြောဖြစ်တာတစ်ခုက ကိုယ်ပိုင်လုပ်ငန်းလုပ်ဖို့အစီအစဉ်ရှိရင် ၃၀-၃၅ လောက်မှာ စနိုင်ဖို့ Plan သာဆွဲထားလို့။ အဲဒီထက် စောစောစချင်လည်း စလို့ရတယ်။ လုပ်ငန်းရှင်အများစု ဒီအရွယ်မှာ အောင်မြင်မှုစရနေကြပြီ။ ခင်ဗျား ၆၀ ကျော်မှအောင်မြင်တဲ့ KFC ပိုင်ရှင်လိုလူမျိုးတွေရှိတာပဲလို့ စောဒကတက်ချင်တင်လိမ့်မယ်။ ဒါပေမဲ့ ဒါမျိုးက လက်ချိုးရေလို့ရတယ်။ လူက အသက်ကြီးလာလေ စွန့်စားရမှာ၊ ခေါင်းစားရမှာကြောက်လာလေပဲ။

ဆိုတော့ဗျာ လုပ်နိုင်တုန်းမှာ ဟိုစမ်းစမ်းဒီစမ်းစမ်းလုပ်နေတာထက် လမ်းကြောင်းတစ်ခုဖောက်ပြီး လုပ်စရာရှိတာ မြန်မြန်လုပ်တာအကောင်းဆုံးပဲ။ ၄၀-၅၀ လောက်ထိ အသားကုန်လုပ်။ ပိုက်ဆံရှာစရာရှိတာရှာ။ ၆၀ လောက်ရောက်လာရင် နေ့စဉ်တာဝန်အများစုကို လူငယ်တွေထံလွှဲပေး။ အဲဒီအရွယ်က အလုပ်တွေ ကျုံးလုပ်နေတာထက် ကိုယ်လုပ်ချင်တာတွေပဲ လျှောက်လုပ်သင့်တဲ့အရွယ်ဖြစ်လာပြီ။ ကျန်းမာရေးလိုက်စားမလား၊ ဘာသာရေးလုပ်မလား၊ ခရီးထွက်မလား၊ မြေးတွေအတွက် အချိန်ပေးမလား၊ စာလေးဖတ် စာလေးရေးမလား။ ၆၀-၇၀ တန်းဆိုတာ ပိုက်ဆံရှာဖို့ထက် ကိုယ်လုပ်ချင်တာလုပ်နေရမယ့် အရွယ်လို့မြင်တယ်။

ဘ၀မှာ “၄၀ မှ ဘ၀စတယ်” ဆိုတဲ့စကားနောက် လိုက်ယောင်ဖို့ထက် ၃၅ နှစ်လောက်မှာ လမ်းကြောင်းတစ်ခုပေါ်ရောက်အောင်လုပ်နိုင်မှ တော်ကာကျပါမယ်။

Credit လေးစားစွာဖြင့် ~~
Hein Zaw

Facebookကို စွဲလမ်းစေပြီး သင့်ကို ဖမ်းစားထားတဲ့ လမ်းညွှန်တွက်ချက်မှုစနစ် (Algorithm) ရဲ့ လျှို့ဝှက်ချက်များ ‼️🛑ဖေ့စ်ဘွတ်...
25/04/2025

Facebookကို စွဲလမ်းစေပြီး သင့်ကို ဖမ်းစားထားတဲ့ လမ်းညွှန်တွက်ချက်မှုစနစ် (Algorithm) ရဲ့ လျှို့ဝှက်ချက်များ ‼️

🛑ဖေ့စ်ဘွတ်ခ်က စာဖတ်သူကို ဘာတွေပြနေလဲ? မြင်ကွင်းနောက်ကွယ်က လျှို့ဝှက်ချက်...... 🛑

Facebook ဖွင့်လိုက်တိုင်း ကိုယ်နဲ့ အရမ်းခင်တဲ့ သူငယ်ချင်းရဲ့ ပို့စ်အသစ်ကို မတွေ့ရဘဲ လွန်ခဲ့တဲ့ တစ်ရက်လောက်က ကိုယ် ကြိုက်နှစ်သက်မှုပြခဲ့တဲ့ စာမျက်နှာတစ်ခုက ပို့စ်က အရင်ဆုံး တက်လာနေတာမျိုး ကြုံဖူးကြမှာပါ 🧐

ဒါမှမဟုတ် ကိုယ်နဲ့ သိပ်မသိတဲ့ လူတစ်ယောက်ရဲ့ ပို့စ်တွေပဲ ခဏခဏ မြင်နေရပြီး ကိုယ်တကယ် သိချင်တဲ့ မိသားစုဝင် တစ်ယောက်ရဲ့ သတင်းကို ရှာမတွေ့ ဖြစ်ဖူးလား?

တစ်ခါတစ်လေ ကိုယ်လုံးဝ စိတ်မဝင်စားတဲ့ အကြောင်းအရာတွေ တက်လာလိုက်၊ တစ်ခါတစ်လေကျတော့ ကိုယ်အရမ်းကြိုက်တဲ့ အကြောင်းအရာတွေချည်းပဲ စုပြုံ တက်လာလိုက်နဲ့... ကိုယ့်ရဲ့ ဖေ့စ်ဘွတ်ခ်က ဘယ်လို ဆုံးဖြတ်ချက်တွေနဲ့ ပြည့်နေမှန်းမသိ အမြဲတမ်း အံ့ဩစရာ ဖြစ်နေတတ်ပါတယ်။

ဒီလို ကိုယ်မြင်ရတဲ့ အရာတွေက တိုက်ဆိုင်မှုတော့ မဟုတ်ပါဘူး။ ဒါဟာ ဖေ့စ်ဘွတ်ခ် ကြောင့်ပါ။ ကျွန်တော်တို့ရဲ့ မြင်ကွင်းမှာ ဘယ်ပို့စ်ကို အရင်ပြမယ်၊ ဘယ်ပို့စ်ကို နောက်မှပြမယ်၊ ဘယ်ပို့စ်ကို လုံးဝ မပြဘူး ဆိုတာတွေကို နောက်ကွယ်ကနေ စနစ်တကျ စီစဉ်ညွှန်ကြားနေတဲ့ အရာတစ်ခု ရှိနေပါတယ်။ အဲဒီအရာက ကျွန်တော်တို့ ဘာကို မြင်တွေ့၊ ဘာကို မမြင်တွေ့ဘူး ဆိုတာကို တိတ်တဆိတ် ဆုံးဖြတ်ပေးနေတာပါ။

ဒီတော့ ဒီစနစ် ဘယ်လိုအလုပ်လုပ်လဲ ဆိုတာကို သေချာနားလည်ထားဖို့က တကယ်ကို အရေးကြီးလာပါတယ်။ ဘာကြောင့်လဲဆိုတော့ ဒါက ကျွန်တော်တို့ရဲ့ အမြင်၊ ခံယူချက် နဲ့ ကမ္ဘာကြီးကို ရှုမြင်ပုံအပေါ်မှာပါ သက်ရောက်မှု ရှိနေလို့ပါပဲ။

အဲဒီ နောက်ကွယ်က စီစဉ်ညွှန်ကြားနေတဲ့ စနစ်ကို လမ်းညွှန်တွက်ချက်မှုစနစ် (Algorithm) လို့ ခေါ်နိုင်ပါတယ်။ ရိုးရိုးလေး နားလည်အောင် ပြောရရင် ဒါဟာ လမ်းညွှန်ချက် အစုံလိုက် တစ်ခုပါပဲ။ ကွန်ပျူတာကို "ဒီလိုအခြေအနေမှာ ဒီလိုလုပ်၊ ဟိုလို အခြေအနေမှာ ဟိုလိုလုပ်" ဆိုပြီး အဆင့်ဆင့် လမ်းညွှန်ထားတဲ့ စည်းမျဉ်းတွေ၊ လုပ်ဆောင်ပုံ အဆင့်ဆင့်တွေပေါ့။ ဟင်းချက်နည်း စာအုပ်ထဲက လမ်းညွှန်ချက်အတိုင်း အဆင့်ဆင့် လိုက်ချက်တာမျိုးနဲ့ ဆင်တူတယ်လို့ ဆိုနိုင်ပါတယ်။ ဖေ့စ်ဘွတ်ခ်ရဲ့ လမ်းညွှန်တွက်ချက်မှုစနစ် ကတော့ ဘယ်ပို့စ်ကို စာဖတ်သူရဲ့ မြင်ကွင်းမှာ ပြသင့်လဲ ဆိုတာကို ဆုံးဖြတ်ပေးတဲ့ အသေးစိတ် လမ်းညွှန်ချက် အစုံလိုက် ဖြစ်ပါတယ်။
ဒီ လမ်းညွှန်တွက်ချက်မှုစနစ် အလုပ်လုပ်ဖို့အတွက် အဓိက လိုအပ်တာက မှတ်တမ်းအချက်အလက် ပါ။ ဒီနေရာမှာ သတိပြုရမယ့် အရေးကြီးဆုံးအချက်ကတော့ ဖေ့စ်ဘွတ်ခ်မှာ ကိုယ်ရေးကိုယ်တာ လုံခြုံမှုဆိုတာ အလွန်နည်းပါးတယ် ဆိုတာပါပဲ။ စာဖတ်သူ ဖေ့စ်ဘွတ်ခ် အက်ပ်ကို ဖွင့်လိုက်တဲ့ အခိုက်အတန့်ကစပြီး၊ လုပ်လိုက်တဲ့ အပြုအမူ တိုင်း ကို ဖေ့စ်ဘွတ်ခ်က မလွတ်တမ်း စောင့်ကြည့် မှတ်တမ်းတင်နေပါတယ်။

ဘယ်ပို့စ်ကို ကြိုက်နှစ်သက်မှု ပြသလဲ၊ ပြန်လည်မျှဝေခြင်း လုပ်သလဲ၊ မှတ်ချက်ပေးခြင်း ရေးသလဲ၊ ဘယ်ပို့စ်မှာ အချိန်ဘယ်လောက်ကြာကြာ ရပ်ကြည့်သလဲ၊ ဘယ်ရုပ်သံဖိုင်ကို အဆုံးထိ ကြည့်သလဲ၊ ဘယ် ဆက်သွယ်လမ်းကြောင်း ကို နှိပ်ကြည့်သလဲ၊ ဘယ် စာမျက်နှာ တွေကို ကြိုက်နှစ်သက်ထားသလဲ၊ ဘယ် အဖွဲ့ တွေထဲ ဝင်ထားသလဲ၊ ဘယ်အရာတွေကို ရှာဖွေသလဲ၊ ဘယ်သူရဲ့ ကိုယ်ပိုင်မှတ်တမ်း ကို ဝင်ကြည့်သလဲ၊ ဘယ်နေရာကို လက်နဲ့ ပွတ်ဆွဲရပ်တန့်လိုက်သလဲ ။အားလုံး၊ တစ်ခုမကျန် သူတို့ သိမ်းဆည်း မှတ်တမ်းတင်ထားပါတယ်။

ဒါ့အပြင် စာဖတ်သူရဲ့ ကိုယ်ရေးအချက်အလက် (အသက်၊ နေထိုင်ရာ စသည်)၊ ဘယ်သူတွေနဲ့ အပြန်အလှန် ပြောဆိုဆက်ဆံမှု အများဆုံးလဲ၊ ဘယ်လို ဖုန်း/ကွန်ပျူတာ အမျိုးအစား သုံးနေလဲ ဆိုတာတွေ အကုန်လုံးပါပဲ။

ဒီလို အဆုံးစွန်ထိ စုဆောင်းထားတဲ့ မှတ်တမ်းအချက်အလက် အမြောက်အမြားကို အခြေခံပြီး၊ လမ်းညွှန်တွက်ချက်မှုစနစ် က စာဖတ်သူအတွက် ပို့စ်တစ်ခုချင်းစီကို "အဆင့်သတ်မှတ်ချက်" ပေးပါတယ်။ ပို့စ်တစ်ခု စာဖတ်သူရဲ့ မြင်ကွင်းမှာ ပေါ်လာဖို့ အလားအလာ ရှိတိုင်း၊ စနစ်က "ဒီလူ ဒီပို့စ်ကို စိတ်ဝင်စားဖို့ ဘယ်လောက် ရာခိုင်နှုန်း ရှိလဲ? ကြိုက်နှစ်သက်မှု/မှတ်ချက်ပေးမှု/ပြန်လည်မျှဝေမှု လုပ်ဖို့ အလားအလာ ဘယ်လောက်ရှိလဲ?" ဆိုတာကို ခန့်မှန်း တွက်ချက်ပါတယ်။ အဲဒီ ခန့်မှန်းရမှတ် အမြင့်ဆုံး ရတဲ့ ပို့စ်တွေကို စာဖတ်သူရဲ့ မြင်ကွင်းရဲ့ အပေါ်ဆုံးမှာ ပြသဖို့ ရွေးချယ်လိုက်တာပါပဲ။

❓ ဒါဆို ဘာကြောင့် ဒီလို အလုပ်လုပ်ရတာလဲ?
ဘယ်အချက်တွေက အဲဒီ "အဆင့်သတ်မှတ်ချက်" ကို အတက်အကျ ဖြစ်စေပြီး ဖေ့စ်ဘွတ်ခ်က ဘာကို အဓိက ဦးစားပေးပြီး တွက်ချက်နေတာလဲ ဆိုတာ ကြည့်ရအောင်။
အဓိကအားဖြင့် စာဖတ်သူနဲ့ ပို့စ်တင်သူရဲ့ ဆက်ဆံရေး ပေါ်မှာ မူတည်ပါတယ်။ မိသားစုဝင်၊ မကြာခဏ စကားပြောဖြစ်တဲ့၊ ပို့စ်တွေကို အပြန်အလှန် တုံ့ပြန်နေတဲ့ သူငယ်ချင်းတွေ၊ အမြဲ ကြိုက်နှစ်သက်မှု/မှတ်ချက်ပေးမှု လုပ်နေကျ စာမျက်နှာတွေက တင်တဲ့ ပို့စ်တွေက အဆင့်သတ်မှတ်ချက် ပိုမြင့်လေ့ ရှိပါတယ်။ ဘာကြောင့်လဲဆိုတော့ ကိုယ်ခင်မင်ရင်းနှီးသူတွေဆီက အကြောင်းအရာက ကိုယ့်ကို ပိုစိတ်ဝင်စားစေပြီး ဒီလူမှုကွန်ရက်စနစ်ပေါ်မှာ ဆက်ရှိနေစေဖို့ အလားအလာ ပိုများလို့ပါ။ စာဖတ်သူရဲ့ အကြိုက်ကို သူတို့က သိနေတာကိုး။

❓ နောက်တစ်ချက်က အကြောင်းအရာ အမျိုးအစား ပါ။
စာဖတ်သူ အရင်က ဘယ်လို ပို့စ်အမျိုးအစားတွေနဲ့ အပြန်အလှန် တုံ့ပြန်မှု လုပ်ခဲ့ဖူးလဲ ဆိုတာပေါ် အကြီးအကျယ် မူတည်ပါတယ်။ ရုပ်သံဖိုင် ကြည့်ရတာ ကြိုက်တယ်ဆိုရင် ရုပ်သံဖိုင် ပို့စ်တွေ ပိုတွေ့ရပါမယ်။ ရုပ်ပုံပို့စ်တွေကို ကြိုက်နှစ်သက်မှု များများ လုပ်တတ်ရင် ရုပ်ပုံတွေ ပိုမြင်ရပါမယ်။ စာဖတ်သူ ဘာကိုကြိုက်လဲဆိုတာ သူတို့သိထားတဲ့ အချက်အလက်တွေအရ အကြိုက်ဆုံးပုံစံကို ပြပေးခြင်းက ပိုပြီး ဆွဲဆောင်နိုင်လို့ပါ။

❓ ပို့စ်တစ်ခုရဲ့ တုံ့ပြန်မှု /လူအများ စိတ်ဝင်စားမှု ကလည်း အရေးပါပါတယ်။ ပို့စ်တစ်ခုကို တခြားလူတွေ က ဘယ်လောက် ကြိုက်နှစ်သက်မှု၊ မှတ်ချက်ပေးမှု၊ ပြန်လည်မျှဝေမှု လုပ်ထားလဲ ဆိုတာက အဆင့်သတ်မှတ်ချက်ကို လွှမ်းမိုးပါတယ်။ လူကြိုက်များပြီး တုံ့ပြန်မှု အများကြီးရနေတဲ့ ပို့စ်တွေက အဆင့်သတ်မှတ်ချက် ပိုမြင့်ပြီး စာဖတ်သူဆီ ရောက်လာဖို့ အလားအလာ ပိုများပါတယ်။ ဘာလို့လဲဆိုရင် လူအများ စိတ်ဝင်စားတဲ့ အကြောင်းအရာက စာဖတ်သူကိုလည်း စိတ်ဝင်စားစေနိုင်ခြေ ရှိတယ်လို့ စနစ်က ယူဆလို့ နဲ့ ဒါက အသုံးပြုရာနေရာရဲ့ သက်ဝင်လှုပ်ရှားမှုကို ပြသလို့။)
ပို့စ်ရဲ့ အသစ်ဖြစ်မှု (လတ်တလောဖြစ်မှု) ကိုလည်း ထည့်သွင်းစဉ်းစားပါတယ်။ ယေဘုယျအားဖြင့် ပို့စ်အသစ်တွေက အဟောင်းတွေထက် ဦးစားပေးခံရလေ့ ရှိပေမယ့်၊ အပေါ်က အချက်တွေအရမ်းအားကောင်းတဲ့ ပို့စ်အဟောင်းတွေက ပို့စ်အသစ်တွေကို ကျော်တက်သွားတာမျိုးလည်း ရှိနိုင်ပါတယ်။ ဘာကြောင့်လဲဆိုရင် လတ်တလော ဖြစ်ပျက်နေတာတွေကို လူတွေ ပိုစိတ်ဝင်စားတတ်ပေမယ့် တကယ် ဆွဲဆောင်မှုရှိတဲ့ အကြောင်းအရာက အချိန်မရွေး ပြန်ပေါ်လာနိုင်လို့ပါ။

ဒီ အချက်တွေ အားလုံးရဲ့ နောက်ကွယ်က အဓိက ပန်းတိုင်ကတော့ ရှင်းပါတယ်။ လမ်းညွှန်တွက်ချက်မှုစနစ် က "သုံးစွဲသူကို ဖေ့စ်ဘွတ်ခ် အသုံးပြုရာနေရာ (စနစ်) ပေါ်မှာ အချိန်အကြာဆုံး ရှိနေစေဖို့" ပဲ ဖြစ်ပါတယ်။

❓ ဘာကြောင့် အချိန်ကြာကြာ ရှိနေစေချင်တာလဲ?

အဖြေက သူတို့ရဲ့ စီးပွားရေးပုံစံမှာ ရှင်းရှင်းလင်းလင်း ရှိနေပါတယ်။ အချိန်ကြာကြာ သုံးလေ၊ ကြော်ငြာ ပိုမြင်ရလေ၊ ဖေ့စ်ဘွတ်ခ်က ဝင်ငွေ ပိုရလေပါပဲ။ ဒါကြောင့် စာဖတ်သူရဲ့ အပြုအမူ၊ စိတ်ဝင်စားမှု၊ ဆက်ဆံရေး အချက်အလက်အားလုံးကို သိထားတဲ့ လမ်းညွှန်တွက်ချက်မှုစနစ်က စာဖတ်သူကို ဆွဲဆောင်ထားနိုင်မယ့်၊ စိတ်ခံစားမှု (ပျော်တာ၊ ဝမ်းနည်းတာ၊ ဒေါသထွက်တာ စသဖြင့်) ကို တစ်မျိုးမျိုး လှုံ့ဆော်နိုင်မယ့်၊ ကြိုက်နှစ်သက်မှု/မှတ်ချက်ပေးမှု/ပြန်လည်မျှဝေမှု လုပ်ချင်စိတ် ပေါက်စေမယ့် အကြောင်းအရာတွေကို အလိုအလျောက် ဦးစားပေး ရွေးချယ်ပြသနေတာ ဖြစ်ပါတယ်။ စာဖတ်သူ ဒီအက်ပ်ကနေ ထွက်မသွားအောင်၊ ဖန်သားပြင်ပေါ်မှာ မျက်တောင်မခတ် ရှိနေအောင် တတ်နိုင်သမျှ ဆွဲထားဖို့ ကြိုးစားနေတာပါ။

ဒီလို သုံးစွဲသူကို ဆွဲဆောင်ဖို့ အကောင်းဆုံး လုပ်ဆောင်တဲ့၊ အချက်အလက်အားလုံးကို အသုံးချတဲ့ စနစ်ရဲ့ မရည်ရွယ်တဲ့ ဘေးထွက်ဆိုးကျိုးတွေလည်း ရှိလာပါတယ်။ စနစ်က စာဖတ်သူ ကြိုက်တတ်တာ၊ သဘောတူတာတွေကိုပဲ ရွေးပြနေတာများလာတဲ့အခါ၊ ကိုယ့်အမြင်နဲ့ တူတဲ့ အသံတွေကိုပဲ ကြားနေရပြီး၊ ကိုယ်နဲ့ အမြင်မတူတဲ့ အကြောင်းအရာတွေနဲ့ ဝေးကွာသွားစေနိုင်ပါတယ်။ ဒါ့အပြင် စနစ်က စာဖတ်သူအတွက် သီးသန့် ဖန်တီးပေးလိုက်တဲ့ အချက်အလက် ပတ်ဝန်းကျင်ကြောင့် အခြားသူတွေ မြင်တွေ့နေရတာတွေကို မမြင်တွေ့ရတော့ဘဲ ကိုယ့် သတင်း လေးထဲမှာ ပိတ်မိနေသလို ဖြစ်သွားစေနိုင်ပါတယ်။

အဆိုးဆုံးကတော့၊ စိတ်ခံစားမှုကို ပြင်းပြင်းထန်ထန် လှုံ့ဆော်နိုင်တဲ့ အကြောင်းအရာတွေ (မှန်သည်ဖြစ်စေ၊ မမှန်သည်ဖြစ်စေ) က တုံ့ပြန်မှု ပိုရလွယ်တာကြောင့်၊ လမ်းညွှန်တွက်ချက်မှုစနစ် က ဒီလို အကြောင်းအရာတွေကို လူတွေပိုမြင်အောင် ဖြန့်ဝေပေးသလို ဖြစ်သွားပြီး သတင်းမှားတွေ၊ ဝါဒဖြန့်ချိရေးတွေ ပိုပြီး လျင်မြန်စွာ ပျံ့နှံ့ဖို့ အားပေးသလို ဖြစ်သွားနိုင်ပါတယ်။

ဖေ့စ်ဘွတ်ခ်ရဲ့ လမ်းညွှန်တွက်ချက်မှုစနစ် ဟာ သူ့ရဲ့ ရည်ရွယ်ချက် (သုံးစွဲသူကို ဆွဲဆောင်ဖို့၊ စာဖတ်သူရဲ့ အချက်အလက်တွေကို အသုံးချပြီး ဝင်ငွေရှာဖို့) အတွက် အကောင်းဆုံး အလုပ်လုပ်နေတဲ့ အစွမ်းထက် ကိရိယာတစ်ခုပါ။ အရေးကြီးဆုံးကတော့ ဒီကိရိယာ ဘယ်လိုအလုပ်လုပ်တယ်၊ သူ ဘာကြောင့် စာဖတ်သူရဲ့ အချက်အလက်အားလုံးကို လိုချင်နေလဲ၊ သူ့ရဲ့ ဦးစားပေးမှုတွေက ဘာတွေလဲ၊ သူ့ရဲ့ အဓိက ပန်းတိုင်က ဘာလဲ ဆိုတာကို ကျွန်တော်တို့ သုံးစွဲသူတွေက နားလည် သဘောပေါက်ထားဖို့ ပါပဲ။

ကိုယ့်ရဲ့ မြင်ကွင်း ဟာ လောကကြီးတစ်ခုလုံးရဲ့ အစစ်အမှန် ပုံရိပ်မဟုတ်ဘဲ၊ ကိုယ့်ရဲ့ အပြုအမူ မှတ်တမ်းများ နဲ့ လမ်းညွှန်တွက်ချက်မှုစနစ်ရဲ့ တွက်ချက်မှုတွေ ပေါင်းစပ်ပြီး ဖန်တီးထားတဲ့ "ကိုယ်ပိုင် သီးသန့် ပြတင်းပေါက်" တစ်ခုသာ ဖြစ်တယ်ဆိုတာကို သတိပြုမိဖို့ လိုပါတယ်။

ဒီအသိတရားက စာဖတ်သူရဲ့ ဖေ့စ်ဘွတ်ခ် သုံးစွဲမှုပုံစံကို ဘယ်လို ပြောင်းလဲစေနိုင်မလဲ?
ကိုယ်မြင်တွေ့နေရတဲ့ အရာတွေကို ပိုပြီး မေးခွန်းထုတ်ဖြစ်လာမလား?
ကိုယ်မတွေ့ရတဲ့ အခြားအမြင်တွေကို တမင်တကာ ရှာဖွေဖြစ်လာမလား
? ဒါမှမဟုတ် ကိုယ့်ရဲ့ ဒစ်ဂျစ်တယ် ကမ္ဘာလေးကို ပိုပြီး သတိတရား နဲ့ ကျင်လည်သွားလာဖြစ်မလား? ဒါတွေကတော့ ဆက်ပြီး စဉ်းစားစရာ အချက်တွေပါပဲ။ 🤔💡

Address

Yangon

Website

Alerts

Be the first to know and let us send you an email when Maw Coon posts news and promotions. Your email address will not be used for any other purpose, and you can unsubscribe at any time.

Shortcuts

Share

Category