09/06/2025
မျက်နှာမူရာ၌ မမြင်ကွယ်ရာ
ည ၁၁နာရီထိုးပြီပဲ။
ကျမအိပ်ရတော့မှာမို့ အိပ်ခန်းထဲဝင်လာပြီး အပေါ်အင်္ကျီတွေချွတ်ချလိုက်တယ်။
အတွင်းခံတွေထပ် ချွတ်လိုက်တော့ ကျမအမျိုးသားက ပြုံးပြီး လာဖက်တယ်။
အသာအယာပဲသူ့လက်တွေကိုဖယ်ချပြီး ကျမ အရေခွံကို ထပ်ခွာ လိုက်ပြန်တယ်။
အဲ့ဒီနောက်
အရေးပြားကိုဆက်ခွာချချိန်မှာ သွေးတွေလည်းအဆက်မပြတ်စီးကျ လို့ ပေါ့။
ဆက်ပြီး
အသားတွေခွာ၊ အရိုးတွေ ဆွဲထုတ်၊ အကျောတွေကို သေချာနွှာသင်လိုက်တယ်။
ကျမ ခွာချပြီးသား အစိတ်အပိုင်းတွေ တစ်ခုစီ ပုံချ ပြီးနောက် ဆက်လုပ်စရာကျန်သေးလားပြန်စစ် ကာ မှန်တင်ခုံအောက်က အံဆွဲတစ်ခုချင်းစီထဲ သေချာထည့်လိုက်တယ် ။
ကျန်နေသေးတဲ့ ရုပ်ယောင်နဲ့ နာမ်ယောင်ကို လည်း ရုပ်ကလပ်တစ်ပုံ၊ နာမ်ကလပ်တစ်ပုံ ထပ်ခွဲလိုက်ပြန်တယ်။
ရပြီ ဒီလောက်ဆို ။
ဒီနေ့ရဲ့ ခန္ဓာကိုယ်ကို သိမ်းဆည်းပြီးပြီ ။
မနက်အိပ်ယာနိုးရင် နောက်နေ့ရက်အသစ်အတွက် ခန္ဓာအသစ် စိတ်အသစ်ကို ပြန်ဆက်လို့ရပြီ လေ။
အဲ့ဒီနောက်
ကျမ အိပ်ပြီ။
ဇာဇာသီရိဟန်
2023
