18/07/2023
🙋🙋♀️ကလေးငယ်များအတွက် ကိုယ်ခံအားတက်စေမည့်အစားအစာများ🙆♀️🙆
အခုရက်ပိုင်းတွေမှာ ကလေးလေးတွေအရမ်းဖျားကြပါတယ် ချောင်းတွေလည်းဆိုးကြတယ် ခုချိန်ဟာ ရာသီတုပ်ကွေးရော သွေးလွန်တုပ်ကွေး ရောအဖြစ်များတဲ့ရာသီဖြစ်ပါတယ် အဖျားရက်ရှည်ပြီး ကိုဗစ်ရောဂါလည်းဖြစ်နိုင်သေးတဲ့ အချိန်အခါမို့လို့ မေမေတို့ကလေးငယ်လေးတွေကို အထူးဂရုစိုက်ဖို့လိုအပ်ပါတယ်
ဒါကြောင့် အခုလိုဖျားနာခြင်းအမျိုးမျိုးကို ကာကွယ်နိုင်ဖို့ ရော ခံနိုင်ရည်ရှိဖို့အတွက်ပါ ကလေးတွေကို အာဟာရပြည့်ဝတဲ့အစားအစာများ ဂရုတစိုက်ကျွေးပေးဖို့ အ ရေးကြီးပါတယ်ရှင်
ခွန်အားပြည့်စေပြီး အာဟာရဓါတ်ပြည့်ဝတဲ့အစားအစာများဟာ ကလေးတွေရဲ့ ကိုယ်ခံစွမ်းအားကိုမြှင့်တင်တဲ့နေရာမှာအများကြီးအထောက်အကူဖြစ်စေပါတယ်
🙋♂️🙋♀️💁♀️💁🙆🙆♀️🙆♂️🤷♂️🤷♀️🤷👩🏫🧑🏫
(၁) Vitamin C
~~~~~~~~
အရည်ရွမ်းတဲ့ အသီးတွေဖြစ်တဲ့ လိမ္မော်သီး, သံပုရာသီး , စပျစ်သီးတွေနဲ့ စတော်ပယ်ရီ , ကီဝီ, ခရမ်းချဥ်သီး, ပန်းငရုပ်ပွ စတာတွေဟာ ဗီတာမင် C ကြွယ်ဝတဲ့ အစားအစာများဖြစ်ပါတယ်
❗️ဗီတာမင် Cဟာ ခန္ဓာကိုယ်တွင်းသို့ရောဂါပိုးတခုခုဝင်လာတဲ့အခါ ခန္ဓာကိုယ်ကနေ တိုက်ထုတ်ပေးတဲ့ သွေးဖြူဥတွေထုတ်လုပ်နိုင်အောင် ကူညီပေးပါတယ်
(၂) Vitamin A
~~~~~~~
မုန်လာဥနီ, ကန်စွန်းဥ, ေရွှဖရုံသီး, ကိုက်လန်, ပန်းပွင့်စိမ်း, ဟင်းနုနွယ်, သရက်သီး , အမဲအသည်း, ငါးကြီးဆီ, နို့ ထွက်ပစ္စည်းများ စတာတွေဟာ ဗီတာမင် A ကြွယ်ဝတဲ့အစားအစာတွေဖြစ်ပါတယ်
❗️ဗီတာမင် A ဟာ အသက်ရှူလမ်းကြောင်းတစ်လျှောက်ရှိ ရောဂါပိုးတွေကိုခုခံကာကွယ်ပေးတဲ့ တစ်ရှူးဆဲလ် တွေအတွက် အရေးကြီးတဲ့ ဗီတာမင် တစ်ခုဖြစ်ပါတယ်
(၃) Vitamin D
~~~~~~~
ဗီတာမင် D ဟာ ကလေးငယ် လေးတွေအတွက် ကိုယ်ခံစွမ်းအားမြင့်တက်စေတဲ့အပြင် ဥာဏ်ရည်ထက်မြက်စေရန် အကူအညီပေးပါတယ်
❗️ဗီတာမင် D ပြည့်ဝတဲ့အစားအစာတွေကတော့ အဆီများတဲ့ငါးတွေဖြစ်တဲ့ မက်ကရယ်ငါး ဆော်လမွန်ငါး, ဆာဒင်းငါး, တူနာငါး, မှို , ဗီတာမင် D ထပ်ဖြည့်ထားသော အုတ်ဂျုံ, နို့ ထွက်ပစ္စည်း စတာတွေဖြစ်ပါတယ်
(၄) Zinc
~~~~
ဇင့် ဟာ immune ဆဲလ်တွေအသစ်ဖြစ်ပေါ်ဖို့အတွက် အရေးပါပါတယ်
❗️ဇင့်ဓါတ်ကြွယ်ဝတဲ့ အစားအစာတွေဖြစ်တဲ့ ကြက်သား, အဆီမပါတဲ့ အမဲသား ဆိတ်သား, ပုစွန်, အစေ့အဆံတွေနဲ့ ပဲ အမျိုးမျိုး တို့ကို ကလေးငယ်တို့ ကိုယ်ခံအားကောင်းစေဖို့ ကျွေးပေးသင့်ပါတယ်
(၅) Probiotics
~~~~~~~
Probiotics ပရိုဘိုင်အိုတစ် ဟာ အစာအိမ်နဲ့အူလမ်းကြောင်းကို ကျန်းမာစေခြင်းအားဖြင့် ကိုယ်ခံစွမ်းအားကောင်းမွန်အောင် လုပ်ဆောင်ပေးပါတယ်
❗️ပရိုဘိုင်အိုတစ် ကြွယ်ဝတဲ့ အစားအစာတွေကတော့ ဒိန်ချဥ်, ကီဖာ(kefer), အချဥ်ဖောက်ထားတဲ့ အစားအစာ (pickles) တို့ဖြစ်ပါတယ်
မေမေတို့ ရင်သွေးငယ်လေးတွေအတွက်ဆိုရင် သန့်ရှင်းစွာပြုလုပ်ထားတဲ့ ဒိန်ချဥ် ကို ကျွေးပေးနိုင်ပါတယ် ဒါ့အပြင် အခုေနာက်ပိုင်းမှာဆိုရင် Probiotics ကို အမှုန့်ပုံစံနဲ့ရော အရည်ပုံစံ နဲ့ပါ ဝယ်ယူရရှိနိုင်ပါတယ်
(၆) Protein
~~~~~~
ပရိုတင်း ခေါ် အသားဓါတ်ဟာ ခန္ဓာကိုယ်မှာ ရောဂါ တွေကိုတိုက်ထုတ်ပေးတဲ့ ပဋိဇီဝပစ္စည်းများနှင့် immune ဆဲလ်များ ထုတ်လုပ်နိုင်ဖို့အတွက် လိုအပ်ပါတယ်
❗️အသားဓါတ်ရရှိစေမယ့် အစားအစာများကတော့ အဆီမပါအသားများ, ကြက်သား, ငါး, ဥအမျိုးမျိုး, နို့ နှင့် နို့ထွက်ပစ္စည်းများ, ပဲအမျိုးမျိုး တို့ဖြစ်ပါတယ်
(၇) Omega 3 fatty acid
~~~~~~~~~~~~~
အိုမီဂါ သရီး ဖက်တီးအက်စစ် ဟာ ခန္ဓာကိုယ်တွင်းရောင်ရမ်းမှုကို လျော့ကျစေတဲ့အပြင် ကိုယ်ခံစွမ်းအားတက်အောင် ကူညီပေးပါတယ်
❗️အဆီများတဲ့ ငါးတွေဖြစ်တဲ့ တူနာငါး, ေဆာ်လမွန်ငါး, ဆာဒင်းငါး တို့အပြင် flaxseed, chia seeds, walnuts စတဲ့အစေ့အဆံတွေမှာ အိုမီဂါ သရီး ကြွယ်ဝစွာပါဝင်ပါတယ်
(၈) ရောင်စုံ အသီးအနှံ များနဲ့ ဟင်းသီးဟင်းရွက်များ
~~~~~~~~~~~~~~
အနီရောင် အဝါရောင် အစိမ်းရောင် ရှိတဲ့ အသီးအနှံ တွေနဲ့ ဟင်းသီးဟင်းရွက်တွေမှာ ဗီတာမင် သတ္တုဓာတ် အမျှင်ဓါတ် နဲ့ ရောင်ရမ်းမှုကိုလျှော့ချပေးတဲ့ antioxidant တွေပါဝင်တာကြောင့် ကိုယ်ခံစွမ်းအားကိုမြှင့်တင်ပေးပါတယ်
ဒါကြောင့်မို့ မေမေတို့ရဲ့ ရင်သွေးငယ်လေးတွေရဲ့ နေ့စဥ်စားသောက်တဲ့ အစားအစာထဲမှာ အသီးအနှံ အမျိုးမျိုး ဟင်းသီးဟင်းရွက်အမျိုးမျိုးကို တနေ့ အနည်းဆုံး နှစ်မျိုးခန့်ပါဝင်အောင် ကျွေးမွေးသင့်ပါတယ်
‼️သားသားမီးမီးလေးတွေကိုယ်ခံအားစနစ်ကောင်းမွန်စေဖို့အတွက်ဆိုရင် နေ့စဥ်အာဟာရ ညီညွတ်မျှတဖို့ အရေးကြီးတဲ့အပြင် ကျန်းမာစေတဲ့အမူအကျင့် ကောင်းလေးတွေဖြစ်တဲ့ ကိုယ်လက်လှုပ်ရှားမှု ပြုလုပ်စေခြင်း, အိပ် ရေးဝဝ အိပ်စေခြင်း, တစ်ကိုယ်ရည် သန့်ရှင်းရေးအလေ့အထ စတဲ့အချက်တွေဟာလည်း လွန်စွာအရေးကြီးလှကြောင်းကို ဖေဖေမေမတို့အတွက် မျှဝေချင်ပါတယ်ရှင်
ကျန်းမာသန်စွမ်းသောသားသားမီးမီးလေးတွေဖြစ်ကြပါစေ
Dr.နွယ်နီထွန်း
အာဟာရဆိုင်ရာဆရာဝန်
Healthy Family-nutritional products
10.7.2023
